សម្រេចចាក់វ៉ាក់សាំងដូសទី៣ ដល់ក្រុមប្រឈមជួរមុខនៅតាមព្រំដែន សប្តាហ៍ក្រោយ

សម្រេចចាក់វ៉ាក់សាំងកូវីដ-១៩ ដូសទី៣ ដល់ក្រុមប្រឈមជួរមុខនៅតាមបណ្តាខេត្តជាប់ព្រំដែនកម្ពុជា-ថៃ នៅសប្តាហ៍ទី២ នៃខែសីហានេះ ដោយមិនរង់ចាំដល់ខែកញ្ញានោះទេ។ នេះបើតាមសារសំឡេងរបស់សម្តេចនាយករដ្ឋមន្ត្រី ហ៊ុន សែន ផ្ញើជូនថ្នាក់ដឹកនាំអភិបាលខេត្ត រាជធានី និងស្ថាប័នពាក់ព័ន្ធនៅរសៀលនេះ។

“យកសប្តាហ៍ទី ២ អាចថា ខានស្អែក ឬខានស្អែក ១ ហើយចាប់អនុវត្តចាក់ដូសទី៣ ឲ្យផ្នែកជួរមុខតាមព្រំដែនកម្ពុជា-ថៃ ទាំងអស់ ដែលនៅតំបន់ទទួលសេវា ព្រោះបងប្អូនទាំងនេះ នឹងទទួលហានិភ័យ បន្ទាប់ពីបងប្អូនរាប់ពាន់នាក់ វិលត្រឡប់មកពីប្រទេសថៃ ឬអាចឡើងលើសពីហ្នឹងទៅទៀត ហើយបងប្អូននៅព្រំដែន នឹងទទួលការលំបាក”។

ការចាក់វ៉ាក់សាំងដូសទី៣ ដែលជាដូសជំរុញនេះ គឺចាក់វ៉ាក់សាំង AstraZeneca ដល់គ្រូពេទ្យ មន្ត្រីកងទ័ព នគរបាល អាវុធហត្ថ និងមន្ត្រីរាជការនានា នៅតាមខេត្តជាប់ព្រំដែនកម្ពុជា-ថៃ។