វីរុស COVID-19បានកំពុងរាលដាលជុំវិញពិភពលោកដែលមានអ្នកឆ្លងជាង២,៥លានករណី និងមានអ្នកស្លាប់ ១៧ម៉ឺននាក់គិតត្រឹមព្រឹកថ្ងៃទី២២ ខែមេសា។ ការឆ្លងរាលដាលដ៏ច្រើនសម្បើមនេះបានធ្វើឲ្យមនុស្សជាតិយើងមានភាពភ័យខ្លាចកាន់តែខ្លាំងឡើងៗ ហើយពាក្យចចាមអារ៉ាមជាច្រើនក៏បានផ្សព្វផ្សាយជុំវិញវីរុសនេះដែរ។ ដើម្បីបំបាត់នៅចម្ងល់នានាអង្គការសុខភាពពិភពលោកក៏បានចេញសេចក្តីណែនាំជាសាធារណៈចំពោះពាក្យចចាមអារ៉ាមទាំងនេះ។

១. ប្រព័ន្ធទូរស័ព្ទ 5G មិនចម្លងវីរុស COVID-19ទេ

វីរុសមិនអាចធ្វើដំណើរតាមរយៈរលកវិទ្យុ ឬប្រព័ន្ធទូរស័ព្ទទេ។ វីរុស COVID-19កំពុងរាតត្បាតនៅប្រទេសជាច្រើនដែលមិនមានប្រព័ន្ធទូរស័ព្ទ 5G។ វីរុសនេះគឺចម្លងតាមរយៈដំណាក់ទឹកតូចល្អិតចេញពីផ្លូវដង្ហើមនៅពេលអ្នកឆ្លងវីរុសក្អក កណ្ដាស់ ឬនិយាយ។ មនុស្សយើងក៏អាចឆ្លងវីរុសនេះតាមការប៉ះផ្ទៃដែលមានជាប់វីរុស និងបានយកដៃនោះមកប៉ះភ្នែក មាត់ ឬច្រមុះជាដើម។

២. ការហាលថ្ងៃ ឬស្ថិតនៅក្នុងសីតុណ្ហភាពខ្ពស់ជាង២៥អង្សាសេមិនអាចការពារវីរុស COVID

មនុស្សយើងអាចឆ្លងវីរុសនេះបានមិនថាអាកាសធាតុក្ដៅប៉ុនណាទេ។ ប្រទេសដែលមានអាកាសធាតុក្ដៅសុទ្ធតែមានករណីឆ្លងវីរុស COVID-19។ ដើម្បីការពារខ្លួនរបស់យើងពីការឆ្លងវីរុសនេះ ត្រូវសម្អាតដៃរបស់យើងឲ្យបានត្រឹមត្រូវ និងញឹកញាប់ និងចៀសវាងប៉ះភ្នែក មាត់ ឬច្រមុះ មុននឹងលាងសម្អាតដៃ។

៣. អ្នកជំងឺអាចជាពីឆ្លងវីរុស COVID-19

តាមការព្យាបាលកន្លងមកមនុស្សយើងភាគច្រើនដែលបានឆ្លងវីរុសនេះអាចជា និងកម្ចាត់វីរុសអស់ចេញពីរាងកាយទៀតផង។ អ្នកឆ្លងវីរុសនេះ ត្រូវបានព្យាបាលតាមរោគសញ្ញា ដោយថាពេលនេះនៅមិនទាន់មានឱសថសម្រាប់ព្យាបាលអ្នកជំងឺឆ្លងវីរុសនេះជាក់លាក់នៅឡើយទេ។ បើយើងមានអាការៈក្អក គ្រុនក្ដៅ និងពិបាកដកដង្ហើម គួរឆាប់ទៅពិគ្រោះជាមួយគ្រូពេទ្យ ប៉ុន្តែគួរទាក់ទងទៅមណ្ឌលសុខភាព ឬមន្ត្រីសុខាភិបាលតាមរយៈទូរស័ព្ទជាមុន។ អ្នកជំងឺភាគច្រើនជាសះស្បើយដោយសារការថែទាំពីក្រុមគ្រូពេទ្យ។

៤. ការអាចទប់ដង្ហើមបាន១០វិនាទីដោយមិនក្អកមិនមានន័យថាអ្នកគេចផុតពីការឆ្លងវីរុស COVID-19 ឬជំងឺសួតផ្សេងៗ

រោគសញ្ញាទូទៅនៃវីរុស COVID-19 គឺក្អកស្ងួត ហត់ និងគ្រុនក្ដៅ។ មនុស្សមួយចំនួនអាចមានអាការៈធ្ងន់ធ្ងរដូចជាជំងឺរលាកសួត។ វិធីដែលល្អដែលអាចបញ្ជាក់ថាអ្នកណាម្នាក់មានឆ្លងវីរុសនេះគឺការធ្វើតេស្ដ។ យើងមិនអាចបញ្ជាក់បានតាមរយៈលំហាត់នៃការដកដង្ហើមដែលអាចឈានដល់ការបង្កគ្រោះថ្នាក់នោះទេ។

៥. ការផឹកគ្រឿងស្រវឹងមិនអាចការពារអ្នកពីវីរុស COVID-19

ជាទូទៅការផឹកគ្រឿងស្រវឹងច្រើនពេកអាចបង្កើនហានិភ័យជាច្រើនដល់សុខភាពដូចជាការខូចថ្លើម ជំងឺមហារីក ជំងឺបេះដូង និងបញ្ហាផ្លូវចិត្ត ហើយក៏គ្មានដែរការណែនាំឲ្យផឹកគ្រឿងស្រវឹងដើម្បីការពារវីរុសនេះ។

៦. វីរុស COVID-19 អាចចម្លងនៅតំបន់ដែលមានអាកាសធាតុក្ដៅហើយសើម

តាមរយៈភស្តុតាង វីរុស COVID-19 អាចឆ្លងនៅគ្រប់តំបន់រួមទាំងតំបន់ដែលមានអាកាសធាតុក្ដៅហើយសើម។ មិនថាក្នុងអាកាសធាតុយ៉ាងម៉េចក៏ដោយ យើងគួរអនុវត្តវិធានការណ៍ការពារចេញដោយអង្គការសុខភាពពិភពលោក និងក្រសួងសុខាភិបាល។ ដូចបានលើកឡើងខាងលើថាវិធីដែលល្អបំផុតគឺលាងសម្អាតដៃរបស់យើងឲ្យបានញឹកញាប់។

៧. អាកាសធាតុត្រជាក់ និងព្រិលមិនអាចសម្លាប់វីរុស COVID-19

មិនថាអាកាសធាតុត្រជាក់យ៉ាងណាទេ សីតុណ្ហភាពក្នុងរាងកាយរបស់យើងក៏ស្ថិតនៅក្នុងរង្វង់ ៣៦,៥ ទៅ៣៧អង្សាសេដដែល។ ដូចនេះអាកាសធាតុខាងក្រៅមិនអាចសម្លាប់វីរុសនេះបានទេ។

៨. ការងូតទឹកក្ដៅមិនអាចការពារវីរុស COVID-19

ការងូតទឹកក្តៅមិនអាចការពារយើងពីការឆ្លងវីរុសនេះទេ ព្រោះសីតុណ្ហភាពក្នុងរាងកាយនៅដដែល។ ម៉្យាងទៀត ការងូតទឹកក្ដៅខ្លាំងអាចធ្វើឲ្យយើងរលាកស្បែក។

អត្ថបទពាក់ព័ន្ធ៖

៩. វីរុស COVID-19 មិនចម្លងតាមរយៈមូសខាំទេ

មកដល់ពេលនេះមិនទាន់មានព័ត៌មាន ឬភស្តុតាងបញ្ជាក់ថាវីរុសនេះអាចចម្លងតាមរយៈសត្វមូសទេ។ វីរុសនេះគឺឆ្លងតាមដំណក់ទឹកដែលអ្នកឆ្លងបញ្ចេញមកពេលក្អក កណ្ដាស់ ឬនិយាយ។

១០. តើម៉ាស៊ីនសម្ងួតដៃអាចសម្លាប់វីរុស COVID-19ទេ?

ម៉ាស៊ីនសម្ងួតដៃគឺមិនមានប្រសិទ្ធភាពក្នុងការសម្លាប់វីរុសនេះទេ។ យើងអាចការពារខ្លួនបានដោយការលាងដៃ និងសម្ងួតដោយប្រើក្រដាសជូតដៃ។

១១. តើអំពូលសម្លាប់មេរោគដោយកាំរស្មី UV អាចសម្លាប់វីរុស COVID-19បានទេ?

អំពូល UV នេះមិនគួរដើម្បីសម្លាប់មេរោគនៅនឹងដៃ ឬកន្លែងផ្សេងនៃរាងកាយទេព្រោះថាវិទ្យុសកម្មរបស់ UVអាចបង្កការរលាកដល់ស្បែកយើងបាន។

១២. តើម៉ាស៊ីនស្កេនកម្ដៅមានប្រសិទ្ធភាពយ៉ាងណាក្នុងការរកអ្នកឆ្លងវីរុស COVID-19?

ម៉ាស៊ីនស្កេនកម្ដៅគឺមានប្រសិទ្ធភាពក្នុងការចាប់អ្នកមានអាការៈគ្រុនក្ដៅដោយសារការឆ្លងវីរុសនេះ។ ប៉ុន្តែម៉ាស៊ីននេះមិនអាចចាប់អ្នកឆ្លងវីរុសដែលមិនទាន់មានអាការៈគ្រុនក្ដៅទេ ព្រោះអ្នកឆ្លងអាចមានរោគសញ្ញានៅចន្លោះពី២ទៅ១០ថ្ងៃ។

១៣. តើការបាញ់អាល់កុល ឬក្លរីននៅលើខ្លួនអាចសម្លាប់វីរុស COVID-19ទេ?

ការបាញ់អាល់កុល ឬក្លរីននៅលើខ្លួនមិនសម្លាប់វីរុសដែលបានចូលក្នុងខ្លួនទេ។ ការបាញ់សារធាតុទាំងនេះអាចបង្កគ្រោះថ្នាក់ខ្លះលើភ្នាសកោសិកាស្លេស្ម (ភ្នែក មាត់)។ គួរចាំផងដែរថាអាល់កុល ឬក្លរីនអាចសម្លាប់មេរោគនៅលើផ្ទៃវត្ថុផ្សេងៗ ប៉ុន្តែប្រើក្នុងកម្រិតណែនាំ។

១៤.តើវ៉ាក់សាំងជំងឺរលាកសួតការពារយើងពីវីរុស COVID-19ទេ?

វ៉ាក់សាំងការពារជំងឺរលាកសួតដូចជាវ៉ាក់សាំង pneumococcal និងវ៉ាក់សាំង Haemophilus influenza type B មិនអាចការពារវីរុសនេះទេ។ ទោះបីវ៉ាក់សាំងនេះមិនអាចការពារវីរុស COVID-19បាន ប៉ុន្តែវ៉ាក់សាំងនេះអាចការពារអ្នកពីជំងឺផ្លូវដង្ហើមផ្សេងៗ។

អត្ថបទពាក់ព័ន្ធ៖

១៥. ការលាងច្រមុះជាមួយសេរ៉ូមប្រៃជាប្រចាំអាចការពារការឆ្លងវីរុស COVID-19បានទេ?

បច្ចុប្បន្នមិនទាន់មានភស្តុតាងបញ្ជាក់ថាការលាងច្រមុះជាមួយសេរ៉ូមប្រៃជាប្រចាំអាចការពារពីការឆ្លងវីរុស COVID-19 នោះទេ។

១៦. ខ្ទឹមសអាចបង្ការការឆ្លងវីរុស COVID-19បានទេ?

ខ្ទឹមសគឺមានប្រយោជន៍ដល់សុខភាពដោយសារមានសារធាតុប្រឆាំងនឹងអតិសុខុមប្រាណ។ ប៉ុន្តែមិនមានភស្តុតាងថាការញ៉ាំខ្ទឹមសអាចការពារមនុស្សពីវីរុសនេះទេ។

១៧. វីរុស COVID-19 ឆ្លងទៅកាន់មនុស្សគ្រប់វ័យ

មនុស្សគ្រប់វ័យសុទ្ធតែអាចឆ្លងវីរុស COVID-19នេះទាំងអស់។ ប៉ុន្តែមនុស្សចាស់ និងអ្នកមានបញ្ហាសុខភាពស្រាប់ដូចជាជំងឺហឺត ជំងឺទឹកនោមផ្អែម និងជំងឺបេះដូងគឺងាយប្រឈមនឹងអាការៈធ្ងន់ធ្ងរជាងអ្នកមិនមានជំងឺប្រចាំកាយ។

១៨. ថ្នាំផ្សះ មានប្រសិទ្ធភាពក្នុងការការពារ និងព្យាបាលវីរុស COVID-19ទេ?

ថ្នាំផ្សះមិនមានប្រសិទ្ធភាពប្រឆាំងនឹងវីរុសទេ គឺថ្នាំផ្សះប្រើសម្រាប់ប្រឆាំងនឹងបាក់តេរីប៉ុណ្ណោះ។ COVID-19 គឺជាវីរុស ដូចនេះហើយថ្នាំផ្សះមិនអាចប្រើការពារ ឬព្យាបាលវីរុសនេះបានទេ។ ប៉ុន្តែបើយើងកំពុងសម្រាកព្យាបាលវីរុសកូវីដ១៩នៅមន្ទីរពេទ្យ គ្រូពេទ្យអាចប្រើថ្នាំផ្សះនេះ ព្រោះថាអាចមានបាក់តេរីឆ្លងមកជាមួយដែរ។

១៩. តើមានថ្នាំជាក់លាក់សម្រាប់ការពារ ឬព្យាបាលវីរុស COVID-19ទេ?

មកដល់ពេលនេះគឺមិនទាន់មានថ្នាំជាក់លាក់ក្នុងការការពារ ឬព្យាបាលវីរុសនេះទេ។ ប៉ុន្តែអ្នកជំងឺទទួលបានការមើលថែដិតដល់ និងព្យាបាលតាមរោគសញ្ញា។ សម្រាប់ការព្យាបាលជាក់លាក់គឺកំពុងស្ថិតនៅក្នុងការព្យាបាលសាកល្បងនៅឡើយ។

អត្ថបទពាក់ព័ន្ធ៖

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

១៩​ចំណុច ពន្យល់ពីពាក្យចចាមអារ៉ាមផ្សេងៗពាក់ព័ន្ធនឹងវីរុស COVID-19

១. ប្រព័ន្ធ​ទូរស័ព្ទ 5G មិន​ចម្លង​វីរុស COVID-19ទេ

២. ការ​ហាល​ថ្ងៃ ឬ​ស្ថិតនៅ​ក្នុង​សីតុណ្ហភាព​ខ្ពស់ជាង​២៥​អង្សាសេ​មិន​អាច​ការពារ​វីរុស​ COVID

៣. អ្នក​ជំងឺអាច​ជា​ពីឆ្លង​វីរុស COVID-19

៥. ការ​ផឹក​គ្រឿង​ស្រវឹង​មិន​អាច​ការពារ​អ្នក​ពី​វីរុស COVID-19

៦. វីរុស COVID-19 អាច​ចម្លង​នៅ​តំបន់​ដែល​មាន​អាកាសធាតុ​ក្ដៅ​ហើយ​សើម

៧. អាកាសធាតុ​ត្រជាក់ និង​ព្រិល​មិន​អាច​សម្លាប់​វីរុស COVID-19

៨. ការ​ងូតទឹក​ក្ដៅ​មិន​អាច​ការពារ​វីរុស COVID-19

៩. វីរុស COVID-19 មិន​ចម្លង​តាម​រយៈ​មូសខាំ​ទេ

១០. តើ​ម៉ាស៊ីន​សម្ងួត​ដៃ​អាច​សម្លាប់​វីរុស COVID-19ទេ?

១១. តើអំពូល​សម្លាប់​មេរោគ​ដោយ​កាំរស្មី​ UV អាច​សម្លាប់​វីរុស COVID-19បាន​ទេ?

១២. តើ​ម៉ាស៊ីន​ស្កេន​កម្ដៅ​មាន​ប្រសិទ្ធភាព​យ៉ាង​ណា​ក្នុង​ការ​រក​អ្នក​ឆ្លង​វីរុស COVID-19?

១៣. តើ​ការ​បាញ់​អាល់កុល ឬ​ក្លរីន​នៅ​លើ​ខ្លួន​អាច​សម្លាប់​វីរុស COVID-19ទេ?

១៤.តើវ៉ាក់សាំង​ជំងឺ​រលាកសួត​ការពារ​យើង​​ពី​វីរុស COVID-19ទេ?

១៥. ការ​លាង​ច្រមុះ​ជាមួយ​សេរ៉ូម​ប្រៃ​ជាប្រចាំ​អាច​ការពារ​ការ​ឆ្លង​វីរុស COVID-19​បានទេ?

១៦. ខ្ទឹមស​អាច​បង្ការ​ការ​ឆ្លង​វីរុស COVID-19​បានទេ?

១៧. វីរុស COVID-19 ឆ្លង​ទៅ​កាន់​មនុស្ស​គ្រប់វ័យ​

១៨. ថ្នាំ​ផ្សះ មានប្រសិទ្ធភាព​ក្នុង​ការ​ការពារ និង​ព្យាបាល​វីរុស COVID-19ទេ?

១៩. តើ​មាន​ថ្នាំ​ជាក់លាក់​សម្រាប់​ការពារ ឬ​ព្យាបាល​វីរុស​ COVID-19ទេ?

១៩ចំណុច ពន្យល់ពីពាក្យចចាមអារ៉ាមផ្សេងៗពាក់ព័ន្ធនឹងវីរុស COVID-19

១. ប្រព័ន្ធទូរស័ព្ទ 5G មិនចម្លងវីរុស COVID-19ទេ

២. ការហាលថ្ងៃ ឬស្ថិតនៅក្នុងសីតុណ្ហភាពខ្ពស់ជាង២៥អង្សាសេមិនអាចការពារវីរុស COVID

៣. អ្នកជំងឺអាចជាពីឆ្លងវីរុស COVID-19

៥. ការផឹកគ្រឿងស្រវឹងមិនអាចការពារអ្នកពីវីរុស COVID-19

៦. វីរុស COVID-19 អាចចម្លងនៅតំបន់ដែលមានអាកាសធាតុក្ដៅហើយសើម

៧. អាកាសធាតុត្រជាក់ និងព្រិលមិនអាចសម្លាប់វីរុស COVID-19

៨. ការងូតទឹកក្ដៅមិនអាចការពារវីរុស COVID-19

៩. វីរុស COVID-19 មិនចម្លងតាមរយៈមូសខាំទេ

១០. តើម៉ាស៊ីនសម្ងួតដៃអាចសម្លាប់វីរុស COVID-19ទេ?

១១. តើអំពូលសម្លាប់មេរោគដោយកាំរស្មី UV អាចសម្លាប់វីរុស COVID-19បានទេ?

១២. តើម៉ាស៊ីនស្កេនកម្ដៅមានប្រសិទ្ធភាពយ៉ាងណាក្នុងការរកអ្នកឆ្លងវីរុស COVID-19?

១៣. តើការបាញ់អាល់កុល ឬក្លរីននៅលើខ្លួនអាចសម្លាប់វីរុស COVID-19ទេ?

១៤.តើវ៉ាក់សាំងជំងឺរលាកសួតការពារយើងពីវីរុស COVID-19ទេ?

១៥. ការលាងច្រមុះជាមួយសេរ៉ូមប្រៃជាប្រចាំអាចការពារការឆ្លងវីរុស COVID-19បានទេ?

១៦. ខ្ទឹមសអាចបង្ការការឆ្លងវីរុស COVID-19បានទេ?

១៧. វីរុស COVID-19 ឆ្លងទៅកាន់មនុស្សគ្រប់វ័យ

១៨. ថ្នាំផ្សះ មានប្រសិទ្ធភាពក្នុងការការពារ និងព្យាបាលវីរុស COVID-19ទេ?

១៩. តើមានថ្នាំជាក់លាក់សម្រាប់ការពារ ឬព្យាបាលវីរុស COVID-19ទេ?