ការ​វះកាត់ក្លន​​ពោះវៀន​ជា​អ្វី​? គ្រប់​ការ​វះកាត់​បើក​ពោះ​ទាំង​អស់​អាច​បន្សល់​នូវ​ចន្លោះ​ប្រហោង​ជា​យថាហេតុ​ដែល​អាច​មាន​ពោះវៀន​លូន​ចេញ​មក​ជាប់​គាំង​ក្នុង​ចន្លោះ​នោះ​ដែល​ហៅ​ថា​ក្លន​នេះ​ឯង។ ពោះវៀន​អាច​​លូន​ចូល​​ហើយ​ស្ទះ​មិន​អាច​រលា​វិញ​បាន​ដែល​ពេល​នេះ​ហើយ​ការ​វះកាត់​គឺ​ជា​ការ​ចាំ​បាច់​ព្រោះ​ថា​ពេល​នោះ​មិន​មាន​ឈាម​មក​ចិញ្ចឹម​ពោះវៀន​គ្រប់​គ្រាន់​នោះ​ទេ។ អ្នក​ដែល​លើស​ទម្ងន់​គឺ​ពិបាក​វះ​កាត់​ជាង​គេ​ដោយសារ​តែ​ខ្លាញ់​ច្រើន​ពេក​។ ការ​វះកាត់​ក្លន​ពោះ​វៀន​គឺ​មាន​ពីរ​​បែប​គឺ​ការ​វះ​បើក​ពោះ ​និង​ការ​ចោះ​ពោះ​។ អត្ថបទពាក់ព័ន្ធ៖ អ្វីជា​ជំងឺក្លនពេលពពោះ ហើយគួរឲ្យបារម្ភកម្រិតណា?

ហេតុ​អ្វី​ត្រូវ​វះកាត់​កែ​លម្អ​ស្លឹក​ត្រចៀក​លើ​កុមារ? ការវះកាត់​កែលម្អស្លឹក​ត្រចៀក​លើ​កុមារ​ ​ជា​ប្រភេទ​វះកាត់​កែ​សម្ផស្ស​ហើយ​​គេតែងតែ​​ធ្វើ​លើ​ស្លឹក​ត្រចៀក​ដែល​មាន​ទម្រង់​មិន​ធម្មតា​។ លើស​ពី​នេះ​ទៅ​ទៀត​ក្រោយ​ការ​វះកាត់​ហើយ​ពេល​ធំឡើង​កុមារ​​មាន​ទំនុក​ចិត្ត​លែង​ខ្មាស​គេ​ព្រម​ទាំង​​ធ្វើ​ឲ្យ​មាន​ភាព​ជឿជាក់​ក្នុង​ខ្លួន​ទៀត​ផង​ តែ​កុំ​ត្រេក​អរ​នឹង​ភាព​ឥត​ខ្ចោះ​ពេក​ព្រោះ​ពេល​ខ្លះ​ការ​រំពឹង​ទុក​មិន​ដូច​អ្វី​ដែល​បាន​មក​ដូច​ដែល​គិត​នោះ​ទេ។

ការ​វះកាត់​កែ​ទម្រង់​ថ្គាម​ជា​អ្វី​? ការវះកាត់​កែទម្រង់​ថ្គាម​ជា​ការ​វះកាត់​ដែល​ធ្វើ​ឡើង​ដោយ​ទន្តបណ្ឌិត​ឯកទេស​វះកាត់​។ ធ្មេញ​ដុះ​មក​ខុស​ជួរ ​គឺ​ដោយ​សារ​តែ​ឆ្អឹង​ថ្គាម​ដែល​ផ្ទុក​ឆ្អឹង​នោះ​ ​មិន​ត្រង់​ល្អ​ដែល​ជា​ទូទៅ​ពេទ្យ​ធ្មេញ​អាច​គ្រីប​ដោយ​ប្រើ​ដែក​ទាញ​តែ​បើ​មាន​ការ​វៀច​ខុស​ទម្រង់​ខ្លាំង​ពេក​គឺ​ត្រូវ​ការ​វះកាត់​ហើយ។ ការ​វះកាត់​គឺ​អាច​ធ្វើ​ទៅ​បាន​បន្ទាប់​ពី​ឆ្អឹង​ថ្គាម​ឈប់​​លូតលាស់​ចំពោះ​ស្ត្រី​គឺ​ចន្លោះ​ ១៦ ​ទៅ​ ១៨​ឆ្នាំ​ហើយ​បុរស​គឺ​ចន្លោះ​ ១៣​ ទៅ​ ១៥​ឆ្នាំ។ ការ​វះកាត់​តែ​មួយ​មុខ​មិន​ធានា​ថា​អាច​តម្រង់​ថ្គាម​និង​ជួរ​ធ្មេញ​បាន​ល្អ​ទេ​គ្រូពេទ្យ​ធ្មេញ​អាច​ត្រូវ​ការ​ប្រើ​ឧបករណ៍​ជំនួយ​ដូច​ជា​ដែក​សម្រាប់​ទាញ​ ឬ​កៅស៊ូ​រឹត​ដែល​ប្រើ​អស់​មួយ​ជីវិត​ទៀត​ផង។ អត្ថបទពាក់ព័ន្ធ៖ Dental Implant Surgery (វះកាត់​ដាំបង្គោល​ធ្មេញ)

ហេតុ​អ្វី​ត្រូវ​វះកាត់​កែ​លម្អ​ស្លឹក​ត្រចៀក​ធំលើ​មនុស្ស​ពេញ​វ័យ? ការ​វះកាត់​​កែលម្អ​ស្លឹកត្រចៀកធំលើមនុស្ស​ពេញ​វ័យ​ ជា​ប្រភេទ​វះកាត់​កែ​សម្ផស្ស​ដែល​គេតែង​​ធ្វើ​លើ​ស្លឹក​ត្រចៀក​ដែល​មាន​ទម្រង់​មិន​ធម្មតា​។ លើស​ពី​នេះ​ទៅ​ទៀត​ក្រោយ​ការ​វះកាត់​ហើយ​អាច​ធ្វើ​ឲ្យ​មាន​ទំនុក​ចិត្ត​លែង​ខ្មាស​គេ​ព្រម​ទាំង​​ធ្វើ​ឲ្យ​មាន​ភាព​ជឿជាក់​ក្នុង​ខ្លួន​ទៀត​ផង​ តែ​កុំ​ត្រេក​អរ​នឹង​ភាព​ឥត​ខ្ចោះ​ពេក​ព្រោះ​ពេល​ខ្លះ​ការ​រំពឹង​ទុក​មិន​ដូច​អ្វី​ដែល​បាន​មក​នោះ​ទេ។ អត្ថបទពាក់ព័ន្ធ៖ យករបស់ទាំងនេះត្បារអាចម៍ត្រចៀក ប្រៀបបានយកមេរោគទៅដាក់ត្រចៀក

ការកាត់ឆ្អឹងកងខ្នងចង្កេះផ្នែកខាងក្រោយចេញ ឆ្អឹង​ខ្នង​របស់​យើង​តម្រៀប​គ្នា​ជាជួរ​តាម​បណ្ដោយ​ដង​ខ្លួន ហើយ​បង្កើត​ជា​លំហ​មួយ​នៅ​ចន្លោះ​ឆ្អឹង​ដែល​គេ​ហៅ​ថា ប្រហោង​ឆ្អឹង​ខ្នង។ ក្នុង​ប្រហោង​នោះ មាន​ខួរ​ឆ្អឹង​ខ្នង និង​សរសៃ​វិញ្ញាណ។ ការ​រួម​តូច​នៃ​ប្រហោង​ឆ្អឹង​កង​ខ្នង​ចង្កេះ នឹង​ធ្វើ​ឱ្យ​មាន​ការ​សង្កត់​លើ​ខួរ​ឆ្អឹង និង​សរសៃ​វិញ្ញាណ ជា​ហេតុ​បណ្ដាល​ឱ្យ​ជើង​មាន​ការ​ឈឺ​ចុកចាប់ និង​ចុះ​ខ្សោយ។ ដើម្បី​ព្យាបាល​បញ្ហា​នេះ គេ​ត្រូវ​ធ្វើ​ការ​វះ​កាត់​ឆ្អឹង​ផ្នែក​ខាង​ក្រោយ​នៃ​ឆ្អឹង​កង​ខ្នង​ចង្កេះ​ចេញ (Lumbar laminectomy) ដើម្បី​ធ្វើ​ឱ្យ​ប្រហោង​ឆ្អឹង​ខ្នង​នោះ​លែង​ចង្អៀត​។ ដូច្នេះ​នឹង​លែង​មាន​ការ​សង្កត់​លើ​ខួរ​ឆ្អឹង ឬ​សរសៃ​វិញ្ញាណ​ត​ទៀត។ គោល​បំណង​នៃ​ការ​វះ​កាត់​នេះ គឺ​ដើម្បី​បន្ធូរ​រោគ​សញ្ញា និង​កុំ​ឱ្យ​រោគ​សញ្ញា​វិវត្ត​ទៅ​កាន់​តែ​ធ្ងន់ធ្ងរ​ជាង​នេះ។ ករណីណាខ្លះត្រូវធ្វើការវះកាត់ឆ្អឹងកងខ្នងផ្នែកខាងក្រោយចេញ? – ការ​ព្យាបាល​ដោយ​ថ្នាំ និង​ដោយ​ចលនា បរាជ័យ​ធ្វើ​ឱ្យ​រោគ​សញ្ញា​មិន​ធូរ​ស្រាល – ខ្សោយ​សាច់ដុំ ឬ​ស្ពឹក​ជើង ដែល​ធ្វើ​ឱ្យ​ពិបាក​ឈរ ឬ​ដើរ – បន្ទោរ​បង់ ឬ​នោម​អត់​ដឹង​ខ្លួន។ ក្នុង​ករណី​ខ្លះ ការ​កាត់​ឆ្អឹង​កង​ខ្នង​ផ្នែក​ខាង​ក្រោយ គឺ​ចាំ​បាច់​សម្រាប់​ព្យាបាល​ជំងឺ​ក្លន​លូន​ឆ្អឹង​ខ្នង។ អត្ថបទពាក់ព័ន្ធ៖ អ្វីជាជំងឺសឹកឌីសឆ្អឹងខ្នង? ប៉ះពាល់ស្រីៗមានផ្ទៃពោះអត់? Epidural Anaesthetic (ចាក់ថ្នាំស្ពឹកក្រៅខួរឆ្អឹងខ្នង)

១- អ្វីទៅជាការវះកាត់យកទ្រនាប់ឆ្អឹងកងខ្នងចង្កេះចេញដោយប្រើមីក្រូស្កុប? ជំងឺលានទ្រនាប់​ឆ្អឹង​ខ្នង គឺ​ជា​ការ​លូន​ចេញ​របស់​ឆ្អឹង​កង​ខ្នង ចូល​ទៅ​សង្កត់​សរសៃ​ប្រសាទ​ត្រង់​កន្លែង​ដែល​សរសៃ​ប្រសាទនោះ​ចេញ​ពី​ឆ្អឹង​ខ្នង។ ជំងឺ​នេះ​អាច​បង្ក​ឱ្យ​មាន​ការ​ឈឺ​ចុកចាប់​ខ្លាំង ខ្សោយ និង​ស្ពឹក​នៅ​តំបន់​ដែល​សរសៃ​ប្រសាទបញ្ជា។ សម្រាប់​ជំងឺ​លានទ្រនាប់​ឆ្អឹង​កង​ខ្នង​ចង្កេះ នឹង​លេច​ចេញ​រោគ​សញ្ញា​ឈឺ​ចាប់ ស្ពឹក​ជើង និង​ប្រអប់​ជើង។ ២- ករណីណាខ្លះ​ទើបត្រូវធ្វើការវះកាត់យកយកទ្រនាប់ឆ្អឹងកងខ្នងចង្កេះចេញ? ការ​វះ​កាត់​មាន​គោល​បំណង​បន្ថយ​ការ​ឈឺ​ចាប់ និង​ជួយ​ឱ្យ​អ្នក​អាច​ធ្វើ​ចលនា​ដូច​ធម្មតា​ឡើង​វិញ។ គួរ​ធ្វើ​ការ​សម្រេច​ចិត្ត​វះ​កាត់​ក្នុង​ករណី​ដូច​ខាង​ក្រោម៖ – ឈឺ​ជើង​ខ្លាំង ស្ពឹក​ជើង ឬ​ជើង​ខ្សោយ មិន​អាច​ធ្វើ​សកម្មភាព​ប្រចាំ​ថ្ងៃ​បាន – រោគ​សញ្ញា​ទាំង​នេះ​មិន​បាន​ធូរ​ស្បើយ​សោះ បន្ទាប់​ពី​ការ​ព្យាបាល​ដោយ​មិន​វះ​កាត់ អស់​រយៈពេល ៤សប្ដាហ៍​រួច​មក – ការ​ពិនិត្យ​បង្ហាញ​ថា ជើង​របស់​យើង​​ខ្សោយ បាត់បង់​ចលនា ឬ​ស្ពឹក​លែង​ដឹង​ជើង ប៉ុន្តែ​អាច​នឹង​ធូរ​ស្បើយ​ក្រោយ​ការ​វះ​កាត់។ អត្ថបទពាក់ព័ន្ធ៖ ឧស្សាហ៍ឈឺកញ្ចឹងក ​ឆ្អឹង​ខ្នង អាចបណ្ដាល​មកពី​បញ្ហា​នេះ ការឈឺខ្នងចង្កេះ ៧ ប្រភេទ ស្រីៗឧស្សាហ៍​ជួប​ប្រទះ​បំផុត

តើ​ការ​វះ​កាត់​ព្យាបាល​ជំងឺ​រលាក​ពោះវៀន​រ៉ាំរ៉ៃ​ធ្វើ​​ដើម្បី​អ្វី? ជំងឺរលាកពោះវៀន​រ៉ាំរ៉ៃ ​គឺ​ជា​ជំងឺ​ដែល​កើត​ឡើង​លើ​ភ្នាស​របស់​ពោះវៀន​ផ្នែក​ខាង​ចុង​ដែល​បង្ក​ឲ្យ​មាន​ការ​ឡើង​ក្រាស់​ និង​ទៅ​ជា​កក​ស្ទះ​ដំណើរ​ការ​របស់​ពោះវៀន​។ យ៉ាងណាមិញ ​វា​ក៏​អាច​ប៉ះពាល់​លើ​គ្រប់​ផ្នែក​របស់​ពោះវៀនដែរ​​។​ ប្រសិន​បើ​យើង​មិន​អើពើ​នឹង​រោគ​សញ្ញា​ទេ​ ជំងឺរលាកពោះវៀន​រ៉ាំរ៉ៃ ​​អាច​បង្ក​ជា​អាការៈ​រំខាន ​ដូចជា​ ​រាក ឈឺ​ពោះ ស្រក​ទម្ងន់ មាន​ការ​ខូចខាត​ភ្នាស​ពោះវៀន​ និង​មាន​ការ​ជ្រាប​ទឹក​ចេញ​ពី​ពោះវៀន​ជាដើម។ ក្នុង​ករណី​មាន​ការ​ក​រោគ ​គ្រូពេទ្យ​នឹង​ធ្វើ​ការ​កាត់​ផ្នែក​នោះ​ចេញ​។ ការ​វះកាត់​ជំងឺរលាកពោះវៀន​រ៉ាំរ៉ៃ ​​គេ​ធ្វើ​ឡើង​នៅ​ពេល​ដែល​ការ​ព្យាបាល​ដោយ​តម​អាហារ​ ការ​ផ្លាស់​ប្ដូរ​ឥរិយាបថ​ក្នុង​ការ​រស់​នៅ ​ព្រម​ទាំង​ថ្នាំ​មួយ​ចំនួន​ មិន​អាច​សម្រាល​អាការៈ​បាន​។ តាម​ការ​អង្កេត​បាន​បង្ហាញ​ថា ​អ្នក​ជំងឺរលាកពោះវៀន​រ៉ាំរ៉ៃ ​ ​៥០% ​ត្រូវ​ការ​ការ​វះកាត់​ ហើយ​ការ​ព្យាបាល​បែប​នេះ​​មិន​មែន​​បាន​ន័យ​ថា​អាច​ឲ្យ​ជា​សះ​មួយ​ជីវិត​នោះ​ទេ​ វា​អាច​លាប់​ឡើង​វិញ​ក្នុង​ពេល​ណា​មួយ។ ​ដូច​នេះ ​យើង​គប្បី​តាមដាន​និង​បន្ត​ការ​លេប​ថ្នាំ​ក្រោយ​ការ​វះកាត់​ទៀត​ដើម្បី​ជៀស​វាង​ការ​លាប់​នៃ​ជំងឺរលាកពោះវៀន​រ៉ាំរ៉ៃ នេះ។ អត្ថបទពាក់ព័ន្ធ៖ Infectious colitis (ជំងឺរលាក​ពោះវៀន​ធំដោយសារបង្ករោគ)

១- អ្វីទៅជាថ្មបេះដូង? ថ្ម​បេះដូង គឺ​ជា​ឧបករណ៍​សម្រាប់​ព្យាបាល​បញ្ហា​ចង្វាក់​បេះដូង​ដើរ​យឺត។ ថ្ម​បេះដូង គឺ​ជា​ដុំ​ប្រអប់​តូច​មួយ​ដែល​មាន​ចរន្ត​អគ្គិសនី និង​ថ្ម។ ជា​ធម្មតា គេ​យក​ថ្ម​បេះដូង​នេះ​ដាក់​ក្រោម​ស្បែក នៅ​ពី​ក្រោម​ឆ្អឹង​ដង​កាំបិត​បន្តិច និង​ឱ្យ​អគ្គិសនី​ឆ្លង​កាត់​ខ្សែ​មួយ​ឬ​ច្រើន ដែល​រត់​តាម​សរសៃ​ឈាម​វ៉ែន​ចូល​ទៅ​ក្នុង​បេះដូង។ មូលហេតុដែលធ្វើឱ្យចង្វាក់បេះដូងដើរខុសប្រក្រតី ចង្វាក់​បេះដូង​​ត្រូវ​បាន​គ្រប់គ្រង​ដោយ​ចរន្ត​អគ្គិសនី​ដែល​បញ្ជា​មក​ពី​ក្រុម​កោសិកា​បេះដូង​មាន​ឈ្មោះ​ថា Sinus node ។ នៅ​ពេល​បេះដូង​ដើរ​ធម្មតា ចរន្ត​អគ្គិសនី​ធ្វើ​ឱ្យ​ថត​បេះដូង​ខាង​លើ​ទាំងពីរ (atria) កន្ត្រាក់ និង​រលា​ដំណាលៗ​​គ្នា ហើយ​ថត​បេះដូង​ខាង​ក្រោម​ទាំង​ពីរ (ventricles) កន្ត្រាក់ និង​រលា​ដំណាលៗ​គ្នា​ដែរ។ គេ​ប្រើ​ថ្ម​បេះដូង​នេះ​សម្រាប់​ព្យាបាល​ជំងឺ​បេះដូង​ដើរ​យឺត ដែល​ថត​បេះដូង​ខាង​ក្រោម​កន្ត្រាក់​យឺត​ពេក មិន​អាច​បញ្ចេញ​ឈាម​គ្រប់​គ្រាន់​មក​ចិញ្ចឹម​រាងកាយ​បាន។ ផលប្រយោជន៍នៃថ្មបេះដូង យើង​អាច​ជួប​បញ្ហា​ប្រឈម​ធ្វើ​ឱ្យ​បេះដូង​លោត​ខុស​ធម្មតា ឬ​មាន​ជំងឺ​ចង្វាក់​បេះដូង​ខុស​ប្រក្រតី។ ចង្វាក់​បេះដូង​លោត​យឺត អាច​បណ្ដាល​ឱ្យ​គាំង​បេះដូង ហើយ​អាច​ស្លាប់​ទៀត​ផង។ ក្រៅ​ពី​នេះ​នៅ មាន​រោគ​សញ្ញា​ដទៃ​ទៀត​ដូចជា វិល​មុខ ងងឹត​មុខ ពិបាក​ដក​ដង្ហើម ឬ​ហើម​ជើង។ ថ្ម​បេះដូង​មាន​អត្ថប្រយោជន៍​ក្នុង​ការ​ផ្ដល់​ចរន្ត​អគ្គិសនី​ទៅ​ភ្ញោច​បេះដូង​ឱ្យ​លោត​តាមធម្មតា​​វិញ។ អត្ថបទពាក់ព័ន្ធ៖ ប្រការគួរធ្វើ និងចៀសវាង ដើម្បីបង្ការជំងឺមហារីក បេះដូង ទឹកនោមផ្អែម

អ្វី​ទៅ​ជា​ការ​ដាក់​ថ្នាំ​សណ្ដំ? ថ្នាំ​សណ្ដំ​ ឬ​គ្នាយើង​ខ្លះតែងហៅថា​ថ្នាំសន្លប់ ជា​ថ្នាំឬ​សារធាតុ​​ដែល​ធ្វើ​ឲ្យយើង​បាត់​ស្មារតី​ទាំង​ស្រុង​ឬ​ដោយផ្នែក។ ថ្នាំសណ្ដំ​​មាន​បី​ប្រភេទ​គឺ ថ្នាំ​ដាក់​ឲ្យសន្លប់ ថ្នាំ​ដាក់​ឲ្យស្ពឹក​តាមតំបន់​​ និង​ថ្នាំ​ស្ពឹក​ធម្មតា។ ពេល​ដាក់​ថ្នាំ​សណ្ដំ​​ អ្នក​ជំងឺ​នឹង​បាត់​បង់​ស្មារតី ​និង​ការ​ដឹង​ញ្ញាណ ហើយ​យើង​​នឹង​មិន​ដឹង​ពីការឈឺចាប់​ពេល​​វះ​កាត់​នោះ​ទេ។ ថ្នាំសណ្ដំ​​ធ្វើ​ការ​បង្អាក់​ការ​នាំ​ពត៌មាន​តាម​សរសៃ​ប្រសាទ ដែល​នេះ​មាន​ន័យ​ថា​ការ​ភ្ញោច​លើ​រាង្គ​កាយ​របស់​យើង​ និង​ខួរ​ក្បាល​​មិនបាន​ទទួល​នោះ​ទេ។ ថ្នាំ​សន្លប់​នេះ​អាចប្រើ​ក្នុង​ទម្រង់​​ជា​ថ្នាំ​ចាក់​ ឬ​ជា​ឧស្ម័នដោយ​គ្រូ​ពេទ្យជំនាញ​ខាង​​ថ្នាំ​សណ្តំ។ ហេតុ​អ្វី​បាន​ជា​ត្រូវ​ប្រើ​ថ្នាំ​សណ្តំ?  សម្រាប់​ការ​វះ​កាត់​មួយ​ចំនួន​ ការ​ដាក់​ថ្នាំ​សណ្តំ​គឺ​ជា​ការ​ចាំ​បាច់​ដោយ​សារ​វា​មាន​សុវត្ថិ​ភាព​ជាង​ ឬជួយ​ឲ្យ​អ្នក​ជំងឺ​មាន​ផាសុខភាពដែល​មិន​ដឹង​ថា​ខ្លួន​បាន​វះ​កាត់​យ៉ាង​ណា​ខ្លះ។ ជា​ពិសេសថ្នាំ​សណ្ដំជួយ​​ចំពោះ​ការ​វះ​កាត់​យូរ ​និង​ឈឺ​ចាប់​ខ្លាំង ដូចជា កាត់​ថង់​ទឹក​ប្រមាត់ វះ​ដេរ​ក្លន​លូន បូម​ខ្លាញ់​ពោះ ​ឬ​កាត់​ស្បូន​ជា​ដើម។

អ្វី​ទៅ​ជា​​​ក្លន​នៅ​ផ្ចិត លើ​កូន​ក្មេង​? ក្លន​នៅ​ផ្ចិត​កូនក្មេង​កើត​ដោយ​សារ​ភាព​​ខ្សោយ​សាច់​ដំុ​ពោះ​។ ​គ្រប់​ទារក​ទាំងអស់​មាន​​ក្លនពេល​នៅ​ក្នុង​ផ្ទៃ​ម្តាយ​ ហើយជា​ធម្មតា​​​វា​បាត់​មុនពេល​កើត​ តែ​ក៏​នៅ​តែ​មាន​ទារក​១​ក្នុង​ចំ​នោម​៥​នាក់​កើត​មក​មាន​ក្លន​នេះ​ (ក្រោយ​៣៧​សប្តាហ៍)​ដែរ​។​ បើ​កូន​អ្នក​មាន​ក្លន​​ ជា​ធម្មតា​វា​នឹង​ប៉ោងនៅ​ពេល​យំ​ ឬ​ប្រឹង​។​ ក្លន​ផ្ចិត​អាច​មាន​គ្រោះ​ថ្នាក់​ដោយ​សារ​ពោះ​វៀន​ ឬ​ រចនាសរីរាង្គផ្សេង​ទៀត​ក្នុង​​ពោះ​ រមួល​និង​ស្ទះ​សរសៃ​ឈាម​។​ ទោះ​ជា​គ្មាន​ផល​វិបាក​ពី​ក្មេង​ក៏​អាច​កើត​ពេល​ពេញ​វ័យ​ដែរ​។​ ហេតុ​អ្វី​បាន​ត្រូវ​ធ្វើ​ការវះកាត់លើ​កូន​​ក្មេង? អ្នក​មិន​គួរ​ទុក​កូន​ឲ្យ​មាន​ក្លន​យូរ​ឡើយ​។​ គ្រូ​ពេទ្យ​វះ​កាត់​ដើម្បី​ការ​ពារ​កូនពី​ផល​វិ​បាកធ្ងន់​ធ្ងរ​ដែល​ធ្វើ​ឲ្យ​ប៉ះ​ពាល់​​នៅ​ពេល​គេ​ពេញ​វ័យ​។​​