យើងគ្រប់គ្នាតែងក្រោកពីគេងលឿន និងពេលខ្លះចូលគេងយប់ជ្រៅទៀតនៅថ្ងៃធ្វើការ ហើយនៅថ្ងៃចុងសប្ដាហ៍យើងតែងគេងយូរដើម្បីប៉ះប៉ូវទៅលើការគេងមិនគ្រប់គ្រាន់អំឡុងថ្ងៃធ្វើការ។ ប៉ុន្តែការគេងសងនេះពិតជាអាចប៉ះប៉ូវនូវការគេងមិនគ្រប់គ្រាន់របស់យើងបានដែរឬយ៉ាងណា?
ចង់ចាកចេញពី Hellokrupet?
ប្រាកដហើយថា អ្នកចង់ចាកចេញ?
គេងមិនគ្រប់គ្រាន់នៅថ្ងៃធ្វើការ អាចគេងសងនៅថ្ងៃចុងសប្ដាហ៍បានអត់?
ជាការពិតយើងមិនអាចគេងសងការគេងមិនគ្រប់គ្រាន់របស់យើងបានទេ។ យើងប្រហែលសម្គាល់ឃើញហើយថាមិនថាយើងព្យាយាមគេងច្រើនយ៉ាងម៉េចនៅថ្ងៃចុងសប្ដាហ៍ ក៏មិនបានជួយឲ្យយើងទទួលបានថាមពលដែលយើងបាត់បង់អំឡុងថ្ងៃធ្វើការបានដែរ។ ប្រសិនជាយើងគេងមិនគ្រប់គ្រាន់នៅថ្ងៃនេះ យើងគួរប៉ះប៉ូវវិញនៅថ្ងៃដដែល។ ការគេងសងក្រោយពីរយៈពេលយូរគឺមិនអាចប៉ះប៉ូវការគេងមិនគ្រប់គ្រាន់នេះទេ។ ផ្ទុយទៅវិញ ការធ្វើបែបនេះអាចប៉ះពាល់ដល់ការប្រតិកម្ម និងការផ្ចង់អារម្មណ៍របស់យើងរួមទាំងអាចនឹងរំខានដល់ទម្លាប់នៃការគេងប្រចាំថ្ងៃរបស់យើងទៀត។
មិនថាដោយមូលហេតុអ្វីដែលធ្វើឲ្យយើងចូលគេងយឺតក៏ដោយ ការគេងគឺសំខាន់ណាស់។ នៅពេលយើងហត់នឿយ សូម្បីតែកិច្ចការតូចតាចក៏ពិបាកក្នុងបំពេញដែរ ដូចជាការសន្ទនាជាដើម ព្រោះយើងពិបាកក្នុងការផ្ចង់អារម្មណ៍។ ការគេងមិនគ្រប់គ្រាន់ក៏បង្កគ្រោះថ្នាក់បានពេលយើងកំពុងបើកបរ និងប៉ះពាល់ដល់ការចងចាំរយៈពេលខ្លី។ ទម្លាប់នៃការគេងមិនទៀងទាត់អាចបង្កើនហានិភ័យជំងឺផ្សេងៗដូចជាជំងឺទឹកនោមផ្អែម ឡើងទម្ងន់ អាការៈថប់បារម្ភ ជំងឺបាក់ទឹកចិត្ត និងជំងឺបេះដូង។
ដូចនេះហើយយើងគួរទៅគេងនៅពេលយើងមានអារម្មណ៍ថាអស់កម្លាំង ឬងងុយគេង។ យើងអាចប្រើម៉ោងរោទ៍ដើម្បីដាស់តឿនឲ្យចូលគេងលឿនបាន។ ម៉្យាងទៀត បើយើងប្រើទូរស័ព្ទ ឬកុំព្យូទ័រមុនចូលគេងគួរបន្ថយពន្លឺឲ្យសល់តិច។
ក្នុងករណីដែលយើងចង់ប៉ះប៉ូវការគេងមិនគ្រប់គ្រាន់ យើងអាច៖
- គេងថ្ងៃ២០នាទីមុនម៉ោង៣ល្ងាច
- គេងឲ្យបានច្រើនមួយទៅពីរយប់បន្ទាប់
- ចូលគេងឲ្យបានលឿននៅយប់បន្ទាប់។
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ប្រភព
https://www.lifehack.org/635976/when-youre-sleep-deprived-you-can-never-repay-your-lost-sleep
https://www.healthline.com/health/dr/sleep-deprivation/sleep-debt#tips