ក្រោកអង្គុយ ឬគេងភ្លាម ចេះតែងងឹតមុខ បណ្តាលមកពីអី? (វីដេអូ)

បញ្ហាមួយនេះ មានមនុស្សមួយចំនួនឧស្សាហ៍ជួបប្រទះច្រើនដងក្នុងមួយថ្ងៃ។ រាល់ពេលដែលក្រោកអង្គុយ ឬគេងភ្លាម ចេះតែមានអារម្មណ៍ថា វិលមុខ ទន់ដៃ ទន់ជើងអស់ ងងឹតមុខ ដោយមិនដឹងពីមូលហេតុច្បាស់លាស់ថា វាបណ្តាលមកពីអីឲ្យប្រាកដ។

ទាក់ទងនឹងបញ្ហាងងឹតមុខនេះ លោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅ បានប្រាប់ឲ្យដឹងថា ការងងឹតមុខ ក្រោយពីក្រោកពីអង្គុយ ឬគេងភ្លាមៗ វាមានមូលហេតុច្រើនដែលទាក់ទងនឹងជំងឺមួយនេះ តែបញ្ហាចំបងគឺទាក់ទងនឹង សម្ពាធឈាមធ្លាក់ចុះ។ ពេលខ្លះ យើងក្រោកឡើងពីអង្គុយ ឬគេងភ្លាមៗ ធ្វើឲ្យយើងមានអារម្មណ៍ថា វិលមុខ ឈរមិននឹង ឬក្នុងករណីខ្លះ អាចបណ្តាលឲ្យសន្លប់តែម្តង។