ដើម្បីទទួលបានសុខភាពល្អនៅអំឡុងពេលពពោះ ម៉ាក់ៗគប្បីធ្វើលំហាត់ប្រាណជាទៀងទាត់។ ពិតណាស់ ការទៅលេងសមុទ្រ និងហែលទឹកគឺជាលំហាត់ប្រាណស្រាលៗ ដែលធ្វើឲ្យរាងកាយយើងទាំងមូលបញ្ចេញសកម្មភាព ក៏ដូចជាជួយជំរុញដល់ការសម្រាលកូនផងដែរ។ យ៉ាងណាមិញ ស្ត្រីពពោះគួរធ្វើលំហាត់ប្រាណលក្ខណៈសមល្មម យ៉ាងហោចណាស់២ម៉ោងកន្លះក្នុងមួយសប្ដាហ៍។ ប្រសិនបើម៉ាក់ៗចង់ចំណាយពេលខ្លះក្នុងការហែលទឹកនៅសមុទ្រ បឹង ឬទន្លេ ចូរគិតគូរអំពីចំណុចសុវត្ថិភាពមួយចំនួនជាមុន រួមមានទឹកស្អាត និងគ្រោះថ្នាក់ផ្សេងៗដែលអាចលាក់ខ្លួននៅក្នុងទឹក។

ការហែលទឹកនៅក្នុងសមុទ្រ

ជាក់ស្ដែង ការហែលទឹកអាចបំបាត់ការថ្លោះ ឬឈឺចាប់នៅត្រង់សន្លាក់ ដែលមានអត្ថប្រយោជន៍យ៉ាងខ្លាំងដល់ស្ត្រីកំពុងតែពពោះ។ ជាមួយគ្នានេះដែរ មុនពេលចុះលេងទឹក ចូរប្រុងប្រយ័ត្នចំពោះកត្តាមួយចំនួនដូចជាខ្ញែសមុទ្រដែលអាចទិច និងបង្កឲ្យមានការឈឺចាប់។ បន្ថែមពីនេះ យើងមិនគួរលេបទឹកសមុទ្រឡើយ ពីព្រោះវាអាចបណ្ដាលឲ្យមានការឆ្លងមេរោគផ្សេងៗ។ រីឯសារធាតុគីមី និងបាក់តេរីនៅក្នុងទឹកក៏អាចនាំឲ្យកើតមានជំងឺក្រពះពោះវៀន។ គ្រោះថ្នាក់ផ្សេងទៀត រួមមានរលកសមុទ្រ និងការរលាកស្បែកដោយកម្ដៅថ្ងៃជាដើម។

ការហែលទឹកនៅកន្លែងផ្សេងទៀត និងការធ្វើលំហាត់ប្រាណ

ស្ត្រីពពោះក៏អាចហែលទឹកនៅក្នុងអាងហែលទឹកបានដែរ ប៉ុន្តែវាអាចបង្កជាគ្រោះថ្នាក់នៅក្នុងករណីខ្លះ។ ប្រសិនបើបរិមាណច្រើននៃសារធាតុគីមីត្រូវបានប្រើប្រាស់ក្នុងអាងហែលទឹក វាអាចបង្កគ្រោះថ្នាក់ដល់ទាំងម្ដាយ និងទារកក្នុងផ្ទៃ។ ប៉ុន្តែ កម្រិតក្លរីនធម្មតាមិនបណ្ដាលឲ្យមានផលប៉ះពាល់ឡើយ។ ចំពោះម៉ាក់ៗដែលជ្រើសរើសការហែលទឹកក្នុងអាងហែលទឹក ចូរជ្រើសរើសអាងដែលមានទឹកស្អាត ប្រើប្រាស់សារធាតុគីមីនៅក្នុងបរិមាណសមល្មម និងមិនត្រូវលេបទឹកចូលទៅក្នុងពោះជាដាច់ខាត។

ហែលទឹក២

ការហែលទឹកមិនមែនជាលំហាត់ប្រាណតែមួយគត់ ដែលមានសុវត្ថិភាពនៅអំឡុងពពោះឡើយ ម៉ាក់ៗក៏អាចសាកល្បងលំហាត់ប្រាណស្រាលៗផ្សេងទៀតដូចជារាំ ដើរ និងជិះកង់ជាដើម។ ចូរពិគ្រោះយោបល់ជាមួយនឹងគ្រូពេទ្យ មុនពេលចាប់ផ្ដើមលំហាត់ប្រាណណាមួយ ព្រមទាំងចាប់ផ្ដើមយឺតៗដោយមិនត្រូវបង្ខំពេកឡើយ។ នៅពេលដែលម៉ាក់ៗមានអារម្មណ៍ថាហត់ខ្លាំង ឬមិនស្រួលខ្លួន ចូរបញ្ឈប់លំហាត់ប្រាណនោះភ្លាមៗ។

មុនហែល​ទឹក​​សមុទ្រ​ពេល​ពពោះ​ គួរ​ពិចារណាកត្តា​ទាំងនេះសិន​

ការ​ហែល​ទឹក​នៅ​ក្នុង​សមុទ្រ​

​ការ​ហែល​ទឹក​នៅ​កន្លែង​ផ្សេង​ទៀត​ និង​ការ​ធ្វើ​លំហាត់​ប្រាណ​

មុនហែលទឹកសមុទ្រពេលពពោះ គួរពិចារណាកត្តាទាំងនេះសិន

ការហែលទឹកនៅក្នុងសមុទ្រ

ការហែលទឹកនៅកន្លែងផ្សេងទៀត និងការធ្វើលំហាត់ប្រាណ