អាការៈរមាស់ស្បែកតិចតួច ដែលកើតឡើងនៅអំឡុងពេលមានគភ៌ គឺជារឿងធម្មតាប៉ុណ្ណោះ ហើយប្រហែលជា២០%នៃស្ត្រីមានគភ៌ជួបប្រទះបញ្ហាមួយនេះ។ ជាទូទៅ ស្ត្រីមានផ្ទៃពោះ អាចមានអារម្មណ៍រមាស់ត្រង់បរិវេណពោះ និងសុដន់ ដោយសារតែស្បែកចាប់ផ្ដើមយឺត ដើម្បីសម្រួលដល់ការកើនឡើងនៃទំហំពោះ។ មួយវិញទៀត សម្រាប់អ្នកមានស្បែកស្ងួត ព្រមទាំងមានការប្រែប្រួលអ័រម៉ូនក៏អាចរួមចំណែកក្នុងការកើតមានបញ្ហារមាស់ស្បែកអំឡុងពេលមានគភ៌ផងដែរ។