ការលូតលាស់គភ៌
មកដល់ពេលនេះគភ៌មានទំហំប៉ុនគ្រាប់ជី ការលូតលាស់ក៏បន្តទៅមុខជាលំដាប់ ហើយសុកក៏ត្រៀមទាញយកសារធាតុចិញ្ចឹមពីម្ដាយ។ នេះជាពេលដែលស្រីៗយើងឆាប់បាក់ទឹកចិត្តបំផុត ដូច្នេះត្រូវប្រយ័ត្នប្រយែងឲ្យមែនទែន។
បម្រែបម្រួលរាងកាយ
១- ផ្លូវចិត្តមិននឹងន
ជារឿងដែលមិនអាចជៀសបាន ស្រីៗយើងអាចនឹងមានអារម្មណ៍ឆេវឆាវ ឆាប់ខឹង មួម៉ៅ ហើយអាការៈទាំងនេះភាគច្រើនកើតក្នុងអំឡុងខែទី ២ ដូចនេះប្រសិនបើមានអារម្មណ៍ថាបាក់ទឹកចិត្តពេលពពោះលើសពី ២ សប្ដាហ៍ឡើងទៅ ត្រូវប្រញាប់ទៅជួបគ្រូពេទ្យព្រោះគេបានរកឃើញថា អត្រានៃការបាក់ទឹកចិត្តចំពោះស្រីៗមុន និងក្រោយសម្រាល មានតួលេខប្រហាក់ប្រហែលគ្នា។
២- ត្រូវធ្វើអ្វីល្អពេលនេះ?
លំហាត់ប្រាណជាវិធីមួយល្អដើម្បីបន្ធូរអាការៈតានតឹង ព្រោះវាមានអត្ថប្រយោជន៍ដូចជា៖
– កាត់បន្ថយស្ត្រេស
– រំសាយសម្ពាធផ្លូវជាតិ
– ពង្រឹងសាច់ដុំកុំឲ្យពិបាកពេលសម្រាល
– សម្រួលសរសៃការពារកុំឲ្យឈឺពេលពោះកាន់តែធំ។
ការជួបជាមួយគ្រូពេទ្យ
៣- ចំណុចដែលត្រូវប្រាប់ពេទ្យ
ក្នុងពេលនេះស្រីៗយើងគួរតែចាប់ផ្ដើមលេបវីតាមីនបម្រុងរាងកាយ និងប៉ូវដល់អាអូនក្នុងផ្ទៃ ហើយត្រូវកំណត់ថ្ងៃឲ្យច្បាស់ថាត្រូវទៅជួបពេទ្យថ្ងៃណា ព្រមទាំងប្រាប់គ្រូពេទ្យរាល់ការប្រើថ្នាំទាំងឡាយដែលសង្ស័យថាអាចមានផលអាក្រក់ដល់បេប៊ី។
៤- តេស្តត្រូវធ្វើ
គ្រូពេទ្យនឹងពិនិត្យរាងកាយយើងពេលទៅជួបដំបូង ពិសេសនៅម្ដុំអាងត្រគាកដែលជាតំបន់ត្រូវយកចិត្តទុកដាក់បំផុត។ គ្រូពេទ្យអាច នឹងពិនិត្យមើលមាត់ស្បូនដោយដាក់ឧបករណ៍ម្យ៉ាងហៅថាចំពុះទាចូលទ្វារមាស ដើម្បីពិនិត្យមាត់ស្បូនយើង បន្ទាប់មកពេទ្យនឹងប្រាប់ពីការប្រែប្រួលផ្សេងៗដែលអាចកើតមាន។
សុខភាព និងសុវត្ថិភាព
៥- របបអាហារបែបណាល្អ?
ក្នុងពេលពពោះប្រព័ន្ធភាពស៊ាំរបស់ស្រីៗយើងមានការថយចុះ ដូចនេះហើយត្រូវប្រុងប្រយ័ត្នចំពោះអាហារដែលអាចចម្លងរោគ និងបង្កឲ្យមានការរលូត ឬអត់អវៈយវៈជាដើម។ ខាងក្រោមនេះជាអាហារដែលត្រូវជៀសវាង៖
– ឈីស
– សាច់កំប៉ុង
– ទឹកខ្មេះប៉ោម
– ស៊ុត និងសាច់ឆៅ
– បន្លែ និងសាច់ដែលមិនឆ្អិនល្អ
– ត្រីសមុទ្រដែលមានជាតិបារ៉តច្រើន
– ទឹកផ្លែឈើដែលមិនបានសម្លាប់មេរោគ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-due-date]
