home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

ម៉ាក់ៗផឹកស្រាពេលមានផ្ទៃពោះ អាចនឹងប៉ះពាល់សុខ​ភាពកូន​ពេញ​មួយ​ជីវិត​

ម៉ាក់ៗផឹកស្រាពេលមានផ្ទៃពោះ អាចនឹងប៉ះពាល់សុខ​ភាពកូន​ពេញ​មួយ​ជីវិត​

ម៉ាក់​ៗភាគច្រើន​ទំនង​ជា​​បាន​ដឹង​ច្រើន​ពី​ផល​ប៉ះ​ពាល់​របស់​គ្រឿង​ស្រវឹង​មក​លើ​កូន​ក្នុង​ផ្ទៃ និង​មិន​ហ៊ាន​ផឹក​នោះ​ទេ​ ខណៈ​ក៏​មាន​ម៉ាក់ៗ​មួយ​ចំនួន​ទៀត​បាន​ដឹង តែ​ក៏​​ម្ដង​ម្កាល​ឆ្លៀត​ផឹក​គ្រឿង​ស្រវឹង​ពេល​កំពុង​ពពោះ​ដែរ។

បើ​គ្នា​យើង​ណា​គិត​ថា​ផឹក​ម្ដង​ម្កាល​មិន​ប៉ះពាល់​ដល់​កូន​ក្នុង​ផ្ទៃ​នោះ គួរ​ដូរ​គំនិត​នេះ​ចេញ​ហើយ។ មក​ដល់ពេល​នេះ​មិន​ទាន់​មាន​អ្នក​ជំនាញ​ណា​ហ៊ាន អះអាង​ឲ្យ​ជាក់​ច្បាស់​ថា​ស្រ្តី​មាន​ផ្ទៃ​ពោះ​អាច​ផឹក​គ្រឿង​ស្រ​​វឹង​ក្នុង​កម្រិត​ណា​មាន​សុវត្ថិភាព​នោះ​ទេ បើ​ទោះជា​ខ្លះ​គ្រាន់តែ​និយាយ​ថា​ទំនងជា​ផឹក​ម្ដងៗ​ចាប់​ពី​ប្រាំ​កែវ​ឡើង​ទៅ​នឹង​បង្ក​គ្រោះ​ថ្នាក់​ធ្ងន់​ធ្ងរ​ដល់​កូន​ក្នុង​ផ្ទៃ​ក៏​ដោយ។

ជា​ការ​ណែនាំ​សម្រាប់​ស្រ្តី​មាន​ផ្ទៃពោះ ឬ​ស្រ្តី​ដែល​មាន​បំណង​យក​កូន​ គឺ​មិន​​គួរ​ផឹក​គ្រឿង​ស្រ​វឹង​នោះ​ទេ។ ការ​ផឹក​គ្រឿង​ស្រ​វឹង​កាន់តែ​ច្រើន ហានីភ័យ​គ្រោះ​ថ្នាក់​ដល់​កូន​ក្នុង​ផ្ទៃ​ក៏​កាន់តែ​ខ្ពស់​ទៅ​តាម​ហ្នឹ​ង​ដែរ​ និង​ក្នុង​រយៈពេល​វែង​ទៀត​ផង​។

ពេល​ម៉ាក់​ៗ​ផឹក​គ្រឿង​ស្រវឹង ជាតិ​អាល់កុល​នឹង​ឆ្លង​តាម​ឈាម​របស់​យើង​ទៅ​ទង​សុក និង​ចម្លង​ដល់​កូន​យើង​ដែរ។ ថ្លើម​របស់​កូន​យើង​មិន​ទាន់​លូត​លាស់​បាន​ល្អ​នៅ​ឡើង​ទេ​ក្នុង​ត្រីមាស​ដំបូង ពោល​គឺ​ថ្លើម​កូន​លូត​លាស់​បាន​ល្អ​ពេញ​លេញ​នៅ​ជិត​ដល់ពេល​សម្រាល​ឯណោះ។

ម៉ាក់ៗ​ត្រូវ​ដឹងថា​កូន​ក្នុង​ផ្ទៃ​មិន​អាច​បំប្លែង​ជាតិអាល់​កុល​​បាន​ល្អ​ដូច​យើង​ជា​មនុស្ស​ធំ​នោះ​ទេ ដូច​នេះ​ជាតិ​អាល់​កុល​នឹង​ប៉ះពាល់​ធ្ងន់ធ្ងរ​ដល់​ការ​លូត​លាស់​របស់​កូន​ក្នុង​ផ្ទៃ។ ពិសេស​ប់​ម៉ាក់ៗ​ផឹក​គ្រឿង​ស្រ​វឹង​នៅ​ត្រី​មាស​ដំបូង​ អាច​ប្រ​ឈម​នឹង​រលូត​កូន កូន​កើត​មិន​គ្រប់ខែ ឬ​កូន​កើត​មិន​គ្រប់​គីឡួ​ទៀត​ផង។

តើ​មាន​ផល​ប៉ះពាល់​អ្វី​ទៀត​បើ​ម៉ាក់ៗ​ផឹក​គ្រឿង​ស្រវឹង​ពេល​ពពោះ?

ផល​ប៉ះពាល់​ដែល​បាន​រៀបរាប់​ខាង​លើ​គឺ​មិន​ទាន់​អស់​នោះ​ទេ ការ​ផឹក​គ្រឿង​ស្រវឹង​ពេល​ពោះ​ពោះ​អាច​បង្ក​ផល​វិបាក​ពី​ស្រាល​ទៅ​ធ្ងន់​ធ្ងរ​ទៅ​តាម​កម្រិត​ដែល​​ម៉ាក់ៗ​បាន​ផឹក។ ខាង​ក្រោម​នេះ​ជា​ផល​វិបាក​ផ្សេង​ៗ​ដែល​អាច​កើត​មាន​លើ​កូន​ក្នុង​ផ្ទៃ និង​ក្រោយ​សម្រាល៖

  • ប៉ះពាល់​ដល់​ការ​លូតលាស់ ឬ​បំផ្លាញ​កោសិកា​ខួរក្បាល និង​ឆ្អឹង​ខ្នង
  • កូន​មាន​បញ្ហា​ក្បាល​តូច មុខ​សំប៉ែត
  • ក្រិន ឬ​លូត​លាស់​មិន​ស្រប​តាម​វ័យ
  • ខ្សោយ​បញ្ញា ឬ​មាន​អកប្បកិរិយា​ខុសប្រក្រតី

ដូច​ដែល​បាន​រៀប​រាប់​ខាង​លើ​អ៊ីចឹង​ បើ​យើង​មាន​បំណងយក​កូន ឬកំពុង​មាន​ផ្ទៃពោះ ឬ​កំពុង​បំបៅ​ដោះ​កូន មិន​គួរ​ផឹក​គ្រឿង​ស្រ​វឹង​នោះ​ទេ ទោះ​ក្នុ​ង​កម្រិត​ណា​ក៏​ដោយ ដើម្បី​សុវត្តិ​ភាព​ចំពោះ​សុខ​ភាព និង​ការ​លូត​លាស់​របស់​កូន​យើង។

យ៉ាង​ណាមិញ បើ​យើង​ជា​មនុស្ស​ចូលចិត្ត ឬញៀន​ស្រា យើង​ត្រូវ​តែ​ហ៊ាន​និយាយ​ដោយ​បើក​ចំហ​ជាមួយ​គ្រូ​ពេទ្យ ដើម្បី​ទទួល​បាន​ការ​ប្រឹក្សា​ត្រឹម​ត្រូវ និង​ដឹង​ថា​អាច​ប៉ះ​ពាល់​បែប​ណា​ខ្លះ​ដល់​កូន​របស់​យើង​។

health-tool-icon

គណនាថ្ងៃមេជីវិតញីទុំធ្លាក់

ប្រើ​វិធី​គណនា​នេះ​​ គឺ​ដើម្បី​រក​ថ្ងៃ​សម្រាល​កូន​។ វិធី​​នេះ​អាច​ប៉ាន់ស្មាន​ថ្ងៃ​សម្រាល​បាន​ តែ​មិន​ធានា​ថា​ត្រឹម​ត្រូវ​ទាំង​ស្រុង​ទេ​។ ស្រ្តី​ភាគ​ច្រើន មិន​ទាំង​អស់​ទេ អាច​ឆ្លង​ទន្លេ​មុន​ ឬ​ក្រោយ​មួយ​សប្ដាហ៍ នៃ​ពេល​វេលា​ប៉ាន់​ស្មាន​នេះ។

រយៈពេល​វដ្ដរដូវ

28 ចំំនួន​ថ្ងៃ​

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

https://www.pregnancybirthbaby.org.au/alcohol-and-pregnancy

https://www.healthlinkbc.ca/health-topics/tk3598

https://www.nhs.uk/conditions/pregnancy-and-baby/alcohol-medicines-drugs-pregnant/#:~:text=Drinking%20alcohol%2C%20especially%20in%20the,greater%20the%20more%20you%20drink.

រូបថត​របស់​អ្នក​និពន្ធbadge
ដោយ ទូច សុខា កែសម្រួល​ចុងក្រោយ 22/10/2020
ត្រួតពិនិត្យដោយ វេជ្ជ. វេជ្ជ. ចាន់ ស៊ីណេត
x