home

What are your concerns?

close
Inaccurate
Hard to understand
Other

ឬ​ចម្លង​តំណភ្ជាប់

កក្រើក​វេជ្ជសាស្ត្រ! ក្រោយវះកាត់​ប្ដូរស្បូន ស្ត្រីម្នាក់សម្រាល​កូន​ដោយជោគជ័យ

កក្រើក​វេជ្ជសាស្ត្រ! ក្រោយវះកាត់​ប្ដូរស្បូន ស្ត្រីម្នាក់សម្រាល​កូន​ដោយជោគជ័យ

មាន​រឿងកក្រើក​ផ្នែកវេជ្ជសាស្ត្រ​មួយ កាលពី​ម្សិលមិញ គឺ​ស្ត្រីម្នាក់ បាន​សម្រាល​កូន​ពី​ស្បូន ដែល​ទទួល​បាន​តាមរយៈ​ការ​វះកាត់​ផ្លាស់ប្ដូរពី​អ្នកផ្សេង។ នេះជាដំណឹង​ល្អ​មួយ សម្រាប់​ស្ត្រីដែល​ពុំអាចមានកូនបាន ដោយសារ​តែ​បញ្ហា​ស្បូន។

នេះជាករណី​ដំបូង នៅ​អាមេរិក និង​ជា​ករណីទី​២ លើ​ពិភពលោក ដែល​ស្រ្តីម្នាក់បាន​សម្រាល​កូន ដែល​ទទួល​បាន​តាមរយៈ​ការ​វះកាត់​ផ្លាស់ប្ដូរ​ពីអ្នកផ្សេង។ វេជ្ជបណ្ឌិត បាន​សម្រាល​កូន​ឲ្យ​ស្ត្រី​ដែល​សុំមិន​បញ្ចេញ​អត្តសញ្ញាណ​ម្នាក់នេះ ដោយ​វះកាត់ កាលពី​ខែមិថុនា កន្លងទៅ។ គ្លីនិក Cleveland ដែល​ទទួល​ខុសត្រូវ​លើ​ករណីនេះ បញ្ជាក់​ថា ទាំង​ការវះកាត់​ផ្លាស់ប្ដូរ និង​ផ្ដល់កំណើត ជា​ផ្នែកមួយ​នៃ​ការស្រាវជ្រាវ​របស់​គ្លីនិក ដើម្បី​ជួយ​ស្ត្រី ដែល​មិន​អាច​មាន​កូនបាន ដោយសារ​បញ្ហា​ស្បូន។

គ្លីនិកដដែល​បន្ថែម​ថា វេជ្ជបណ្ឌិតបាន​វះកាត់​ផ្លាស់ប្ដូរ​ស្បូន​ឲ្យ​ស្រ្តីខាងលើនេះ កាល​ពី​ឆ្នាំ​២០១៧ ខណៈដែល​ស្ត្រីម្នាក់នេះ កើតមក​ពុំមាន​ស្បូន​នោះទេ។ បន្ទាប់​មក ស្ត្រីម្នាក់នេះ បាន​ចាប់ផ្ដើម​ពពោះ នៅ​ចុងឆ្នាំ ២០១៨ តាមរយៈ​ការបង្កកំណើត​ក្រៅខ្លួន (In Vitro Fertilization)។

អត្ថបទពាក់ព័ន្ធ៖

ការ​សម្រាល​កូន ដែលទទួល​បាន​ដោយ​ការវះកាត់ផ្លាស់ប្ដូរ​ដូច្នេះ បាន​កើតឡើង​លើកទី១ នៅ​ក្នុង​ប្រទេស​ប្រេស៊ីល នៅ​ឆ្នាំ២០១៧។ ស្រដៀង​គ្នា​នឹងករណី​ខាងលើដែរ ស្ត្រី​វ័យ ៣២​ឆ្នាំ​ម្នាក់ ដែល​កើតមកពុំមាន​ស្បូន បាន​វះកាត់​ផ្លាស់ប្ដូរ​ស្បូន​របស់​ស្ត្រី​វ័យ ៤៥​ឆ្នាំ​ម្នាក់ ដែល​ស្លាប់​ដោយ​ជំងឺ​ដាច់សរសៃ​ឈាម​ខួរក្បាល។

ក្នុង​ករណី​មាន​សំណួរ ឬ​មន្ទិល​សង្ស័យ​ជុំវិញ​សុខ​ភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជា​មួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

health-tool-icon

គណនាថ្ងៃសម្រាលកូន

ប្រើ​វិធី​គណនា​នេះ​​ គឺ​ដើម្បី​រក​ថ្ងៃ​សម្រាល​កូន​។ វិធី​​នេះ​អាច​ប៉ាន់ស្មាន​ថ្ងៃ​សម្រាល​បាន​ តែ​មិន​ធានា​ថា​ត្រឹម​ត្រូវ​ទាំង​ស្រុង​ទេ​។ ស្រ្តី​ភាគ​ច្រើន មិន​ទាំង​អស់​ទេ អាច​ឆ្លង​ទន្លេ​មុន​ ឬ​ក្រោយ​មួយ​សប្ដាហ៍ នៃ​ពេល​វេលា​ប៉ាន់​ស្មាន​នេះ។

រយៈពេល​វដ្ដរដូវ

28 ចំំនួន​ថ្ងៃ​

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

រូបថត​របស់​អ្នក​និពន្ធbadge
ដោយ គីង ច័ន្ទវាសនា​ កែសម្រួល​ចុងក្រោយ 11/07/2019
ត្រួតពិនិត្យដោយ ដេត ធន្នី