មានម៉ាក់ៗជាច្រើនដែលសម្រាលកូនរួចជួបបញ្ហាក្បាលពោះនៅធំដដែល នោះក៏ព្រោះតែស្បូនមិនទាន់ត្រឡប់ទៅសភាពដើម និងស្បែកពោះយារខ្លាំង។ ដើម្បីជាជំនួយខ្លះៗ Helloគ្រូពេទ្យ បានសម្ភាសកញ្ញា លីន ប៉ុល្លីកា អ្នកលក់សម្លៀកបំពាក់ និងស្បែកជើងក្នុងផ្សារធំថ្មី មកចែករំលែកពីរឿងសំខាន់នេះ៖
ម៉ាក់ៗក្រោយសម្រាល ក្បាលពោះនៅធំ សាកតិចនិកបិទបាំងទាំងនេះ
ត្រួតពិនិត្យដោយ ដេត ធន្នី
១- ពាក់ហ្គេន
នារីវ័យក្មេងរូបនេះបានឲ្យដឹងថា អ្នកសម្រាលកូនតាមបែបធម្មជាតិបាន ១ សប្ដាហ៍ អាចពាក់ហ្គេនរឹបក្បាលពោះនេះភ្លាម ព្រោះវាអាចជួយទប់សាច់យាកនោះមិនឲ្យមានចលនា និងអាចជួយទប់ពោះមិនឲ្យឃើញធំ ហើយបានបន្តពាក់នឹងអាចជួយឲ្យពោះរាបស្មើមកវិញ។ ម្ចាស់ហាងរូបវ័យ ២៤ ឆ្នាំរូបនេះបានបន្ថែមទៀតថា អ្នកវះក៏អាចជ្រើសរើសវិធីនេះបានដែរ តែចាំទាល់ស្នាម ឬថ្នេរសះស្បើយសិន។
២- កុំជ្រើសសម្លៀកបំពាក់តឹងពេក
ប្រសិនបើយើងត្រូវចូលរួមក្នុងកម្មវិធីណាមួយ សូមកុំស្លៀកសម្លៀកបំពាក់តឹង និងរឹបខ្លួនទាំងមូល តែអាចស្លៀករ៉ូបដែលរឹបគន្លាក់ចង្កេះ ហើយផ្នែកខាងក្រោមមានលក្ខណៈទូលាយ។ វិធីនេះពិតជាមានប្រសិទ្ធភាព ព្រោះបើស្លៀកតឹងពេក នឹងលេចចេញក្បាលពោះទាំងអស់ ហើយបើរលុងពេក រាងម៉ាក់ៗឃើញរយីករយាក តែបើសម្លៀកបំពាក់រឹបគន្លាក់ចង្កេះ ជួយឲ្យឃើញរាងសមសួន និងមើលមិនដឹងថាមានក្បាលពោះ។
អត្ថបទពាក់ព័ន្ធ៖ កើតអាអូនរួច ម៉ាក់ៗនៅតែមានរាងស្អាតដូចដើម បើធ្វើតាម ៥ វិធីនេះបាន
៣- ជ្រើសអាវក្នុងរឹប ហើយកល់
សម្រាលកូនរួច ទាំងក្បាលពោះ និងសុដន់ប្រាកដជាធំខុសពីពេលមិនទាន់មាន ក្នុងករណីម៉ាក់ៗចង់ដើរទៅក្រៅ ដើម្បីជួយឲ្យរូបរាងមានតុល្យភាពត្រូវពាក់អាវក្នុងតឹង ទើបដើមទ្រូងមិនរយីកយោក ហើយបើទោះក្បាលពោះធំក៏សម្លៀកបំពាក់បានបិទបាំងបានខ្លះៗហើយដែរ។ ផ្ទុយទៅវិញ បើស្រីៗបណ្ដែតបណ្ដោយមិនបានពិនិត្យចំណុះទាំង ២ នេះ អ្នកមើលទៅដូចមនុស្សស្រីទម្ងន់ ៨០ គីឡូអ៊ីចឹង។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយគ្រូពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
ដេត ធន្នី
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម