home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

តិចនិក ៥យ៉ាង ជួយម៉ាក់ៗកាត់បន្ថយ​ស្ត្រេសពេលពពោះ

តិចនិក ៥យ៉ាង ជួយម៉ាក់ៗកាត់បន្ថយ​ស្ត្រេសពេលពពោះ

ចូលចិត្តព័ត៌មាន “Hello គ្រូពេទ្យ” សូមចូលរួមស្ទង់មតិនៅទីនេះ។ មតិអ្នកទាំងអស់គ្នា ពិតជាមានតម្លៃសម្រាប់ “Hello គ្រូពេទ្យ” អាចកែលម្អព័ត៌មានឲ្យកាន់តែប្រសើរ

ស្ត្រេស​ពេល​ពពោះ ស្រីៗ​យើង​ពិតជា​ចៀស​មិន​ផុត​នោះ​ទេ ដែល​នេះ​កើត​ឡើង​ដោយសារ​តែ​យើង​ប្រែ​ប្រួល​រាង​កាយ និង​អ័រម៉ូន​ ហើយ​បើ​យើង​ស្រ្តេស​ម្ដង​ម្កាល​មិន​ជា​ថ្វី​នោះ​ទេ តែ​ថា​បើ​ស្ត្រេស​យូរ​ពេក​អាច​បង្ក​ផល​ប៉ះពាល់​ទាំង​សុខ​ភាព​ម៉ាក់ៗ និង​កូន​​ក្នុង​ផ្ទៃទៀត​ផង​។​

អត្ថបទ Hellokrupet មុន​ៗ​បាន​និយាយ​ច្រើន​ហើយ​​ពី​មូល​ហេតុ​ស្រីៗ​យើង​កើត​ស្រ្តេស​ពេល​ពោះ និង​ផល​ប៉ះពាល់​ដល់​កូន​ ហើយ​ពេល​នេះ​នឹង​ប្រាប់​ម៉ាក់ៗ​ថា​ត្រូវ​ដោះ​ស្រាយ​បែប​ណា​បើ​យើង​មាន​ស្ត្រេស​ពេល​ពពោះ​វិញ​ម្ដង។​

. ផ្ដោត​អារម្មណ៍​លើ​កូន​ជា​សំខាន់​

វា​ជា​ការ​ល្អ​ណាស់​បើ​ម៉ាក់ៗ​អាច​បង្វែរ​អារម្មណ៍​ខ្វល់​ខ្វាយ​ពី​រឿង​ផ្សេង មក​គិត​ដល់​កូន​ក្នុង​ផ្ទៃ​យើង​ឲ្យ​បាន​ច្រើន​វិញ​នោះ។ កុំ​ខ្វល់​រឿង​ផ្សេង​ច្រើនពេក ងាក​មក​កូន​​ក្នុង​ផ្ទៃ​វិញ ម៉ាក់ៗ​ដឹង​ទេ​ចាប់ពី​សប្ដាហ៍​ទី​២៣​នៃ​ការ​ពពោះ​ទៅ​អូនៗ​អាច​ស្តាប់ ​ឮ​ម៉ាក់ៗ​និយាយ​ហើយ។ ដូច​នេះ នៅ​ចាំ​អី​ទៀត ម៉ាក់​គួរ​កុំ​គិត​ច្រើន​រឿង​រ៉ាវ​ដែល​ធ្វើ​ឲ្យ​យើង​ខ្វល់​ចិត្ត ងាក​មក​និយាយ​លេង​ជាមួយ​កូន​ក្នុង​ផ្ទៃ ឬ​អាន​សៀវ​ភៅ​ឲ្យ​អូន​ស្ដាប់​ក៏​បាន។​ ការ​ធ្វើ​បែប​នេះ អាច​ជួយ​ឲ្យ​ស្រីៗ​យើង​គិត​រឿង​វិជ្ជមាន​ពេល​មាន​ផ្ទៃ​ពោះ​បាន​​កាន់តែ​ច្រើន។

. សម្រាក និង​គេង​ឲ្យ​បាន​គ្រប់​គ្រាន់​

ក្នុង​អំឡុង​ពេល​ពពោះ​នេះ ម៉ាក់ៗ​ត្រូវ​ចេះ​សង្កេត​ពី​ខ្លួន​យើង​ឲ្យ​បាន​ច្រើន បើ​យើង​មាន​អារម្មណ៍​ថា​អស់​កម្លាំង ទៅ​សម្រាក​បន្តិច​ទៅ អាច​គេង​មួយ​ភ្លែត ឬ​បើ​ពេល​យប់​ត្រូវ​ឆាប់​ចូល​គេង​។ ការ​គេង​បាន​គ្រប់​គ្រាន់​ជា​រឿង​សំខាន់​ណាស់​ក្នុង​អំឡុង​ពេល​នេះ​ មិន​ថា​ចំពោះ​សុខ​ភាព​ផ្លូវកាយ ឬ​ចិត្ត​នោះ​ទេ។ បើ​យើង​មាន​ការងារ​ផ្ទះ​ច្រើន យើង​គួរ​ស្នើ​ដៃគូ​ឲ្យ​ជួយ​រំលែក​ខ្លះ ដើម្បី​យើង​មាន​ពេល​ខ្លះ​បាន​សម្រាក​។

ហាត់ប្រាណពេលពពោះ

. ចេះ​ស្វែង​រក​ជំនួយ

បើ​យើង​មាន​កង្វល់​ច្រើន​ជាមួយ​នឹង​សុខភាព​កូ​ន​ក្នុង​ផ្ទៃ ឬ​បញ្ហា​សុខ​ភាព​ផ្ទាល់​ខ្លួន កុំ​ស្ទាក់ស្ទើរ​ក្នុង​ការ​ពិភាក្សា​ជាមួយ​គ្រូពេទ្យ​ជំនាញ។ ពេល​ណា​យើង​និយាយ​បញ្ហា​ ឬ​កង្វល់​នានា​ចេញ​មក​កាន់តែ​ច្រើន យើង​នឹង​ទទួល​បាន​ការ​ជ្រោមជ្រែង​កាន់តែ​ច្រើន​ផង​ដែរ​។

ដូច​គ្នា​ដែរ ក្រៅពី​ពិភាក្សា​ជាមួយ​គ្រូពេទ្យ យើង​ក៏​គួរ​ប្រាប់​ដៃគូ​យើង​ឲ្យ​បាន​ដឹង​ដូច​គ្នា ពី​អ្វី​ដែល​យើង​កំពុង​បារម្ភ។ ការ​ជជែក​គ្នា នឹង​ធ្វើឲ្យ​អ្នក​ទាំងពីរ​អាច​យល់​ពី​បញ្ហា និង​ក្ដី​កង្វល់​របស់​គ្នា​បាន​កាន់តែ​ច្រើន និង​អា​ច​ដោះ​ស្រាយ ឬរំលែក​ទុក្ខ​គ្នា​បាន​កាន់តែ​ឆាប់។

. ញ៉ាំ​អាហារ​ល្អ​ចំពោះ​សុខ​ភាព

រឿង​ដែល​កាន់តែ​សំខាន់​នោះ គឺ​សុខភាព​នេះឯង បើ​យើង​ថែទាំ​សុខភាព​មិន​បាន​ល្អ កូន​​ក្នុង​ផ្ទៃ​ក៏​មាន​បញ្ហា​ទៅ​តាម​ហ្នឹង​ដែរ។ ម៉ាក់ៗ​​ត្រូវ​ព្យាយាម​ញ៉ាំ​អាហារ​សុខភាព ទៅ​តាម​ការ​ណែ​នាំ​របស់​គ្រូ​ពេទ្យ​។ មិន​ត្រឹម​តែ​ញ៉ាំ​អាហារ​ដែល​ល្អ​ចំពោះ​សុខ​ភាព​ទេ ត្រូវ​ញាំ​ឲ្យ​បាន​ទៀង​ទាត់​ផង​ដែរ​។ ដូច​គ្នា​ដែរ កុំ​ភ្លេច​ញ៉ាំ​ទឹក​ឲ្យ​បាន​គ្រប់​គ្រាន់ គឺ​អាច​ញ៉ាំ​ចន្លោះ​ពី​៦​ទៅ​៨កែវ​ក្នុង​មួយថ្ងៃ​(១កែវប្រហែល​២០០មិល្លីលីត្រ) ដើម្បី​ឲ្យ​រាងកាយ​មាន​ជាតិ​ទឹក​គ្រប់គ្រាន់។

. ហាត់ប្រាណ

ទោះបីជា​យើង​កំពុង​មាន​ផ្ទៃ​ពោះ​ក៏​ដោយ​ការ​ហាត់​ប្រាណ​នៅ​តែ​សំខាន់​ចំពោះ​សុខ​ភាព​ផ្លូវ​កាយ និង​ចិត្ត​របស់​ម៉ាក់ៗ។ ក្នុង​អំឡុង​ពេល​នេះ​ម៉ាក់ៗ​អាច​ដើរ​ហាត់ប្រាណ ឬ​ហាត់​យូហ្កា ជាដើម។ ការ​ហាត់​ប្រាណ​ជួយ​បញ្ចេញ​សារធាតុ​គីមី​ម្យ៉ាង​ធ្វើ​ឲ្យ​ម៉ាក់ៗ​មាន​អារម្មណ៍​ល្អ ដែល​នេះ​ជា​ការណ៍​សំខាន់​មួយ​សម្រាប់​ម៉ាក់​កាត់​បន្ថយ​ស្រ្តេស​ពេល​ពពោះ។

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

https://www.babycentre.co.uk/a552044/11-ways-to-survive-stress-in-pregnancy

https://www.webmd.com/parenting/features/less-stress-for-healthier-mom-baby#1


អត្ថបទពាក់ព័ន្ធ

ហាត់ប្រាណពេលពពោះឲ្យស្រួលកើត តែគ្រូពេទ្យថាជ្រុលពេក ប្រយ័ត្នស៊យធំ!

ស្រីៗពពោះកុំកើតស្រ្តេសពេក ប្រយ័ត្នកូនជួបបញ្ហា​

៤ យ៉ាង ដោះស្រាយបញ្ហាទល់លាមកពេលពពោះបានយ៉ាងងាយ

ម៉េចបាន​ស្រីៗ​យើង ចេះតែកើតស្រ្តេស​ពេលកំពុងពពោះ?​

អាហារ​ស្រីៗពពោះ​គួរញ៉ាំ និង​មិនគួរ​ញ៉ាំ​ ​ការ​ពារ​កូន​កុំឲ្យ​កើត​មកមាន​បញ្ហា​អូទីស្សឹម

អូនៗអាយុក្រោម​ ១ឆ្នាំ ហាមញ៉ាំទឹកឃ្មុំ ចុះ​ម៉ាក់កំពុងពពោះអាចញ៉ាំបានអត់?​

រឿងគួរបារម្ភ! មានសញ្ញាទាំងនេះពេលពពោះ អាចមានគ្រោះថ្នាក់ ម៉ាក់ៗកុំទុកយូរ ប្រញាប់ទៅជួបពេទ្យ

ស្រីៗ​យើង​​ត្រូវ​ធ្វើ​ដូច​ម្ដេច​បើ​មាន​បញ្ហា​ច្រាល​អាស៊ីដ​ក្រពះ​ពេល​ពពោះ?


រូបថត​របស់​អ្នក​និពន្ធ
ត្រួតពិនិត្យ​ដោយ វេជ្ជ. ចាន់ ស៊ីណេត
អត្ថបទ​ដោយ ទូច សុខា
កែ 28/10/2020
x