ប្រាកដហើយថា អ្នកចង់ចាកចេញ?
សម្រាប់ស្រ្តីមានផ្ទៃពោះ ជារឿងសំខាន់ណាស់ដែលត្រូវញ៉ាំអាហារសម្បូរដោយសារធាតុចិញ្ចឹម និងចៀសវាងអាហារដែលសម្បូរខ្លាញ់ និងមានស្ករច្រើន។ បន្លែ និងផ្លែឈើជាប្រភពអាហារសម្បូរសារធាតុចិញ្ចឹមសម្រាប់ស្រ្តីមានផ្ទៃពោះ។ ពេលយើងមាន បន្លែ និងផ្លែឈើក្នុងរបបអាហារ យើងនឹងទទួលបានវីតាមីន រ៉ែ និងជាតិសរសៃ ដែលខ្លួនយើង និងកូនក្នុងផ្ទៃត្រូវការ។ តើអ្វីផ្លែឈឺណាខ្លះងាយរក ហើយមានប្រយោជន៍ច្រើនដល់ស្រីៗកំពុងពពោះ?
ផ្លែក្រូចមិនត្រឹមតែជួយបំពេញជាតិទឹកដល់រាងកាយស្រ្តីមានផ្ទៃពោះនោះទេ តែនៅមានហ្វូឡេត ដែលមានសារសំខាន់ណាស់ជួយការពារខួរក្បាល និងឆ្អឹងខ្នងកូនក្នុងផ្ទៃកុំឲ្យមានបញ្ហា។
ក្រៅពីនេះផ្លែក្រូចក៏ជាប្រភពវីតាមីន C ផងដែរ ដែលវីតាមីននេះ ជាសារធាតុប្រឆាំងអុកស៊ីតកម្ម ជួយការពារការខូចខាតកោសិកា និងជួយរាងកាយស្រូបជាតិដែកបានល្អទៀតផង។
ផ្លែស្វាយក៏សម្បូរវីតាមីន C និងវីតាមីនA។ ខ្វះវីតាមីន A ពេលកើតធ្វើឲ្យទារកប្រឈមនឹងផលវិបាកផ្សេងៗខ្ពស់ ដូចជាឆ្លងរោគផ្លូវដង្ហើម និងរាករូសជាដើម។
ជាការណែនាំស្រ្តីមានផ្ទៃពោះមិនគួរញ៉ាំស្វាយទុំច្រើនពេកទេក្នុងមួយថ្ងៃ ដោយថាអាចនាំឲ្យលើសវីតាមីន A ថ្វីបើករណីនេះជាករណីកម្រក៏ដោយ។ ស្ត្រីមានផ្ទៃពោះគួរញ៉ាំក្នុងកម្រិតសមល្មម និងញ៉ាំជាមួយផ្លែឈើផ្សេងៗទៀត។
សម្រាប់ផ្លែប័រឯណេះវិញសម្បូរទៅដោយវីតាមីន C, B, K ជាតិសរសៃ Choline ម៉ាញ៉េស្យូម និងប៉ូតាស្យូម។ ស្រ្តីមានផ្ទៃពោះមួយចំនួនអះអាងថាផ្លែប័រជួយកាត់បន្ថយអាការៈចង្អោរពេលមានផ្ទៃពោះ ដែលនេះទំនងមកពីរ៉ែម៉ាញ៉េស្យូម និងប៉ូតាស្យូម។
ប៉ូតាស្យូម ក៏បន្ធូររោគសញ្ញារមួលក្រពើរបស់ស្រ្តីមានផ្ទៃពោះផងដែរ។ អាការៈរមួលក្រពើ ច្រើនកើតឡើងដោយសារតែរាងកាយខ្វះម៉ាញ៉េស្យូម និងប៉ូតាស្យូម។ ចំណែកCholineវិញមានប្រយោជន៍ជួយដល់ការលូតលាស់ផ្នែកខួរក្បាល និងប្រព័ន្ធប្រសាទកូនក្នុងផ្ទៃ។
ចេកទុំ ក៏ជាប្រភពនៃប៉ូតាស្យូម វីតាមីនB6, C និងជាតិសរសៃ។ បន្ថែមអាហារសម្បូរជាតិសរសៃដូចជាចេកទុំទៅក្នុងរបបអាហារក៏អាចជួយកាត់បន្ថយបញ្ហាទល់លាមករបស់ស្រ្តីមានផ្ទៃពោះដែរ។ ការសិក្សាផ្សេងទៀតបង្ហាញថាវីតាមីនB6 ជួយបន្ធូរអាការៈចាញ់កូនរបស់ស្រ្តីមានផ្ទៃពោះផងដែរ។
ផ្លែប៉ោមសម្បូរជាតិសរសៃ និងវីតាមីន C, A ប៉ូតាស្យូម និងpectin ផងដែរ។ Pectin ជាព្រីបាយអូទិក(prebiotic) ជួយចិញ្ចឹមបាត់តេរីល្អក្នុងពោះវៀន។ ដើម្បីទទួលបានសារធាតុចិញ្ចឹមល្អៗពីផ្លែប៉ោម យើងគួរញ៉ាំទាំងសម្បក តែត្រូវប្រាកដថាបានលាងសម្អាតស្អាតជាមុនសិន។
ញ៉ាំផ្លែឈើពេលពពោះជួយឲ្យយើង និងកូនមានសុខភាពល្អ។ ផ្លែឈឺកំប៉ុងអាចជាជម្រើសល្អសម្រាប់ស្រ្តីពពោះដែរ តែត្រូវប្រាកដថាមិនមានបន្ថែមជាតិស្ករ។ ដើម្បីដឹងច្បាស់ពីផែនការអាហារពេលមានផ្ទៃពោះ ស្រីៗយើងគួរពិភាក្សាជាមួយគ្រូពេទ្យ។
តាមដានវដ្តរដូវរបស់អ្នកកំណត់ថ្ងៃមេជីវិតទុំធ្លាក់ បង្កើនឱកាសមានគភ៌ឬគ្រប់គ្រងការពន្យារកំណើត
តាមដានវដ្តរដូវរបស់អ្នកកំណត់ថ្ងៃមេជីវិតទុំធ្លាក់ បង្កើនឱកាសមានគភ៌ឬគ្រប់គ្រងការពន្យារកំណើត
រយៈពេលវដ្ដរដូវ
(ថ្ងៃ)
វដ្ដរដូវ
(ថ្ងៃ)
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
https://www.healthline.com/health/pregnancy/best-fruits-to-eat#benefits
https://parenting.firstcry.com/articles/eating-mangoes-during-pregnancy-safe-or-unsafe/
