សម្រាប់គ្នាយើងដែលចូលចិត្តហាត់ប្រាណតែងតែស្វែងរកវិធីដើម្បីជួយដល់ការហាត់ឲ្យបានយូរ។ ដូចនេះហើយបានជាសារធាតុចិញ្ចឹមគឺមានសារៈសំខាន់ និងអាចជួយដល់រាងកាយមានថាមពលហាត់ប្រាណឲ្យកាន់តែល្អ និងត្រលប់មកសភាពដើមវិញកាន់តែលឿនក្រោយពេលហាត់ប្រាណ។
ទាំងនេះជាអាហារគួរញ៉ាំ និងមិនគួរញ៉ាំមុនពេលហាត់ប្រាណ
ត្រួតពិនិត្យដោយ ទូច សុខា
សារធាតុចិញ្ចឹមចាំបាច់មុនពេលហាត់ប្រាណ
- កាបូអ៊ីដ្រាត៖ អាចផ្តល់ថាមពលដែលត្រូវការពេលហាត់ប្រាណជាពិសេសការហាត់ប្រាណប្រើកម្លាំងច្រើន។
- ប្រូតេអ៊ីន៖ រាល់លំហាត់ប្រាណតែងបង្កឲ្យជាលិកាសាច់ដុំមានការរហែក ហើយការសំយោគប្រូតេអ៊ីនបង្កើនជាលិកាសាច់ដុំថ្មីដែលលូតលាស់នៅកន្លែងជាលិកាចាស់។ នេះអាចពង្រឹងសាច់ដុំ និងបង្កើនម៉ាសសាច់ដុំ។
- ជាតិខ្លាញ់៖ ខ្លាញ់គឺមានសារៈសំខាន់នៅពេលយើងធ្វើលំហាត់ប្រាណប្រើកម្លាំងតិចព្រោះខ្លាញ់គឺជាប្រភពថាមពលនៃរាងកាយ។
- ទឹក៖ ទោះបីជាទឹកមិនមែនជាសារធាតុចិញ្ចឹម ប៉ុន្តែការសិក្សាជាច្រើនបានបង្ហាញទំនាក់ទំនងនៃការផឹកទឹក និងការបង្កើនប្រសិទ្ធភាពក្នុងពេលហាត់ប្រាណ។ អ្នកជំនាញណែនាំឲ្យផឹកទឹកយ៉ាងតិចកន្លះលីត្រក្នុងរយៈពេល៤ម៉ោងមុនហាត់ប្រាណ និង០,៣លីត្រ នៅរយៈពេល១៥នាទីមុនពេលហាត់ប្រាណ។
អាហារដែលល្អគួរញ៉ាំមុនពេលហាត់ប្រាណ
១. ផ្លែចេក
ផ្លែចេកសម្បូរដោយកាបូអ៊ីដ្រាត និងបូតាស្យូម ហើយផ្លែនេះធ្វើឲ្យឆ្អែត និងជាប្រភពថាមពលដ៏ល្អសម្រាប់អ្នកហាត់ប្រាណ។ យើងអាចញ៉ាំចេកកន្លះម៉ោងមុនហាត់ប្រាណដើម្បីទទួលបានថាមពល។
២. Oats
Oats គឺមានជាតិសរសៃច្រើនដែលជួយឲ្យការបំបែកកាបូអ៊ីដ្រាតយឺតជាងមុន។ នេះអាចបង្កើនថាមពលដែលអាចហាត់ប្រាណបានយូរជាងមុន និងល្អសម្រាប់អ្នកចូលចិត្តធ្វើលំហាត់ប្រាណដែលប្រើកម្លាំងខ្លាំង។ ម៉្យាងទៀត Oats ក៏ជាប្រភពវីតាមីន B ដែរ។
៣. យ៉ាអួ Greek និងផ្លែឈើស្រស់
នេះជាជម្រើសអាហារដ៏ល្អ។ យ៉ាអួ Greek គឺមានជាតិខ្លាញ់ និងកាបូអ៊ីដ្រាតទាប ប៉ុន្តែសម្បូរដោយប្រូតេអ៊ីន ហើយផ្លែឈើស្រស់គឺជាប្រភពនៃកាបូអ៊ីដ្រាតដូចជា Fructose ដែលងាយបំលែងទៅជាថាមពល។
៤. ផ្លែឈើក្រៀម
ផ្លែឈើក្រៀមដូចជាទំពាំងបាយជូរក្រៀម ឬផ្លែបឺរីក្រៀមសម្បូរដោយកាបូអ៊ីដ្រាតដែលងាយរំលាយ ហើយក៏មានផ្ទុកវីតាមីនចាំបាច់។
៥. សាច់មាន់ស្ងោរ ផ្កាខាត់ណាខៀវ និងដំឡូងជ្វា
អាហារនេះគឺសម្បូរដោយប្រូតេអ៊ីន ពពួកវីតាមីន និងកាបូអ៊ីដ្រាតល្អ ហើយអាហារនេះជួយដល់ការបង្កើនម៉ាសសាច់ដុំ និងជួយដល់ការហាត់ប្រាណឲ្យខ្លាំងជាងមុន។ អាហារនេះគួរញ៉ាំ៣ម៉ោងមុនហាត់ប្រាណ។
៦. ទឹកផ្លែឈើស្រស់
ជំនួសឲ្យការផឹកភេសជ្ជៈកីឡាដែលមានបន្ថែមជាតិស្ករ យកល្អយើងគួរធ្វើទឹកផ្លែឈើដោយខ្លួនឯង។ យើងអាចលាយទឹកក្រូចស្រស់ជាមួយ ទឹក អំបិល និងទឹកឃ្មុំដើម្បីទទួលបានកាបូអ៊ីដ្រាតមុនពេលហាត់ប្រាណ។ ទឹកផ្លែឈើនេះអាចជួយរក្សាលំនឹងអេឡិចត្រូលីត្រក្នុងរាងកាយមុនពេលហាត់ប្រាណដោយប្រើកម្លាំងខ្លាំង។
៧. Oatmeal និងទំពាំងបាយជូរក្រៀម
អាហារនេះគឺមានភាពងាយស្រួលដោយលាយ oatmeal និងទំពាំងបាយជូរក្រៀមផ្តល់នូវកាបូអ៊ីដ្រាតល្អ និងប្រូតេអ៊ីន។ ម៉្យាងទៀត យើងអាចទទួលបាននូវសារធាតុចិញ្ចឹមសំខាន់ៗ។
៨. នំប៉័ងចំណិត និងបឺរសណ្ដែកដី
នំប៉័ងចំណិត និងបឺរសណ្ដែកដីសម្បូរដោយកាបូអ៊ីដ្រាតដែលនេះក្លាយជាជម្រើសអាហារសម្រន់មុនពេលហាត់ប្រាណរបស់អ្នកហាត់ប្រាណ។
អាហារគួរចៀសវាសមុនពេលហាត់ប្រាណ
ដោយសារក្រពះយើងទទួលមិនបានឈាមច្រើនអំឡុងពេលហាត់ប្រាណ យកល្អយើងគួរចៀសវាងអាហារខាងក្រោម៖
- អាហារដែលពិបាករំលាយ និងបន្លែមានជាតិសរសៃច្រើនដូចជាពពួកសណ្ដែក និងផ្កាខាត់ណា
- អាហារបំពង
- អាហារមានជាតិហឹរ
- ភេសជ្ជៈមានជាតិកាបូណាតដូចជាភេសជ្ជមានជាតិហ្គាស និងបង្អែម។
អត្ថបទពាក់ព័ន្ធ៖
- តិចនិកកម្ដៅសាច់ដុំមុនរត់ហាត់ប្រាណ
- រត់ហាត់ប្រាណ ងាយស្រួល មិនស៊ាំញ៉ាំ ហើយជួយឆ្អឹងរឹងមាំថែមទៀត
- ហាត់ប្រាណ អាចជួយពង្រឹងប្រព័ន្ធភាពស៊ាំប្រយុទ្ធនឹងមេរោគឆ្លងបានទេ?
- ជួបអាការៈឈឺចាប់សាច់ដុំក្រោយហាត់ប្រាណ សាកតិចនិកនេះអាចដោះស្រាយបាន
- ការរត់ហាត់ប្រាណផ្ដល់អត្ថប្រយោជន៍ច្រើនយ៉ាងដល់សុខភាពផ្លូវចិត្ត
ក្នុងករណីមានសំនួរឬមន្ទិលសង្ស័យជុំវិញសុខភាពអ្នក ជម្រើសល្អបំផុតសូមពិគ្រោះ និងប្រឹក្សាយោបល់ផ្ទាល់ជាមួយគ្រូពេទ្យជំនាញ។ Hello Health Group មិនចេញវេជ្ជបញ្ជា ធ្វើរោគវិនិច្ឆ័យឬ ធ្វើការព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
ទូច សុខា
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម