អាហារសម្បូរជាតិអាស៊ីដ ២ប្រភេទ គឺអាស៊ីដហ្វេណូលិក និងអាស៊ីតក្លរ៉ូហ្សែនិក ជួយស្រីៗ កាត់បន្ថយភាពប្រឈមកើតជំងឺមហារីកសុដន់ ក្រោយអស់រដូវ។ នេះពិតជាល្អមែន! តើអាស៊ីដមានប្រយោជន៍សម្រាប់សុខភាពស្រីៗដូច្នេះ មាននៅក្នុងប្រភេទអាហារអ្វីខ្លះ?

ការសិក្សាមួយ ធ្វើឡើងដោយអ្នកស្រាវជ្រាវ នៅសាកលវិទ្យាល័យ Navarra និងសាកលវិទ្យាល័យ Jaen របស់អេស្ប៉ាញ ពិនិត្យលើភាពជាប់ពាក់ព័ន្ធគ្នា រវាងអាស៊ីដហ្វេណូលិក និងមហារីក ក្នុងចំណោមស្រីៗជាង ១ម៉ឺននាក់ ក្នុងរយៈពេល ១២ឆ្នាំ។ ដើម្បីឲ្យកាន់តែច្បាស់ អ្នកស្រាវជ្រាវ សួរស្រីៗ ពីប្រភេទអាហារ ១៣៦មុខ ដែលពួកគេញ៉ាំ និងយកទិន្នន័យនេះ ទៅប្រៀបធៀបជាមួយព័ត៌មានស្ដីពីអាហារសម្បូរជាតិអាស៊ីដហ្វេណូលិក។

លទ្ធផល រកឃើញថា ស្រីៗ ញ៉ាំអាហារមានជាតិអាស៊ីដហ្វេណូលិក កាន់តែច្រើន ជួយកាត់បន្ថយភាពប្រឈម កើតជំងឺមហារីកសុដន់ ៦២% ប្រៀបធៀបជាមួយស្រីៗ ញ៉ាំអាហារមានអាស៊ីដនេះតិច។ ស្រីៗ អាចរកអាហារសម្បូរជាតិអាស៊ីដនេះ ញ៉ាំបាន ដូចជាគ្រាប់ធញ្ញជាតិ ផ្លែប្លូប៊័ររី ក្រូច ស្រូវសាលី និងបាយ។ ជាតិអាស៊ីដនេះ ក៏មាននៅក្នុងស្រាក្រហមដែរ។

ជាមួយគ្នានេះ អ្នកស្រាវជ្រាវ ក៏រកឃើញថា អាស៊ីដក្លរ៉ូហ្សែនិក មាននៅក្នុងកាហ្វេ បន្លែ និងផ្លែឈើ ក៏ជួយកាត់បន្ថយភាពប្រឈម កើតជំងឺមហារីកសុដន់ផងដែរ។ ស្រីៗ ញ៉ាំអាហារសម្បូរជាតិអាស៊ីដនេះ កាន់តែច្រើន ជួយកាត់បន្ថយហានិភ័យ កើតជំងឺនេះ ៦៥% ប្រៀបនឹងស្រីៗ ញ៉ាំអាហារមានជាតិអាស៊ីដនេះតិច។

មហារីក Hello គ្រូពេទ្យ

អត្ថបទពាក់ព័ន្ធ៖

លោកស្រី Susannah Brown ប្រធានស្ដីទី នៃមជ្ឈមណ្ឌលស្រាវជ្រាវ World Cancer Research Fund បញ្ជាក់ថា ការសិក្សានេះ គួរឲ្យចាប់អារម្មណ៍ ដោយសារវាបង្ហាញពីផលប្រយោជន៍ញ៉ាំបន្លែ និងផ្លែឈើ សម្រាប់បង្ការជំងឺមហារីក។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អាស៊ីដ ២​ប្រភេទ​​ល្អ​អស់ទាស់​ ចំពោះ​ស្រីៗ​មិន​ចង់​កើត​មហារី​កសុដន់

អាស៊ីដ ២ប្រភេទល្អអស់ទាស់ ចំពោះស្រីៗមិនចង់កើតមហារីកសុដន់