home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

ញ៉ាំផ្លែឈើស្រស់ និងផឹកទឹកផ្លែឈើស្រស់ មួយណាល្អជាង?

ញ៉ាំផ្លែឈើស្រស់ និងផឹកទឹកផ្លែឈើស្រស់ មួយណាល្អជាង?

គ្នាយើង​ភាគច្រើន ប្រហែល​ជាគិតថា ផ្លែឈើស្រស់ ផ្ដល់អត្ថប្រយោជន៍​ចំពោះ​សុខភាព​ដូចគ្នា មិនថា ញ៉ាំ ឬ​ធ្វើ​ជាទឹក​ក្រឡុក ផឹក​នោះទេ។ តែអ្នកជំនាញ​ផ្នែក​អាហារូបត្ថម្ភ​របស់​សិង្ហបុរី បញ្ជាក់​ថា ការញ៉ាំ​ផ្លែឈើ​ស្រស់ ល្អជាង​ការផឹក​ទឹកផ្លែឈើ​ស្រស់។

លោកស្រី​វេជ្ជបណ្ឌិត Kalpana Bhaskaran ប្រធាន​មជ្ឈមណ្ឌល​សេវាកម្ម​អាហារូបត្ថម្ភ នៅក្នុង​ប្រទេស​សិង្ហបុរី បញ្ជាក់ថា ការធ្វើ ឬក្រឡុក​ទឹកផ្លែឈើ​ស្រស់ បាន​បាត់បង់​ជាតិ​សរសៃ (Fibres) រួមជាមួយ​វីតាមីន និង​រ៉ែមួយ​ចំនួន នៅ​ក្នុង​ផ្លែឈើ។ ជាងនេះទៅទៀត ប្រភេទ​ទឹកផ្លែឈើស្រស់​ខ្លះ ត្រូវការ​ផ្លែឈើ​លើសពី ១​មុខ ដែល​ធ្វើឲ្យ​បរិមាណ​ជាតិស្ករ​ក្នុង​ទឹកផ្លែឈើ​កើនឡើង បើធៀប​នឹង​ការញ៉ាំ​ផ្លែឈើ ១​ផ្លែ។

លោកស្រី​វេជ្ជបណ្ឌិត Kalpana Bhaskaran ដែល​ជាអនុប្រធាន​ផ្នែក​ជំងឺ​ទឹកនោមផ្អែម របស់​សិង្ហបុរី​ផងដែរ​នោះ បាន​ណែនាំ​ឲ្យ​សាធារណជន ប្រយ័ត្ន និង​គិតគូរ​ពី​បរិមាណ​កាបូអ៊ីដ្រាត (Carbohydrate) និង​ជាតិស្ករ ដែល​គួរបរិភោគ។ លោកស្រី​ថា “យើងមិនគួរ​ភ្លេច​ថា ទឹកផ្លែឈើ​ស្រស់ ជាប្រភព​សំខាន់​មួយ​នៃ​ជាតិ​ស្ករ។ សាធារណជន យកល្អ គួរញ៉ាំ​ផ្លែឈើ“។ វិធីនេះ មនុស្ស​មិន​បាត់បង់​ជាតិ​សរសៃ ហើយ​អាចគ្រប់គ្រង​កាឡូរី និង​អាចមាន​អារម្មណ៍​ឆ្អែត តាមរយៈ​ការ​ទំពារ​ផ្លែឈើ។

លោកស្រី បន្ថែម​ថា ផ្លែប៉ោម ១​ផ្លែ ទម្ងន់ ១៣០​ក្រាម បើញ៉ាំ វា​មាន​កាបូអ៊ីដ្រាត ១៥​ក្រាម ដោយ​ភាគច្រើន ជាជាតិស្ករ​ធម្មជាតិ ដូចជា ហ្វ្រាក់តូស (Fructose) សាក់ក្រូស (Sucrose) និង​គ្លុយកូស។ តែបើផឹកវិញ វាមាន​ជាតិស្ករ ៤០​ក្រាម ក្នុងទឹកផ្លែឈើ​ស្រស់ ៣០០​មីល្លីលីត្រ។

ជាមួយគ្នានេះ ក្រុមប្រឹក្សា​លើកកម្ពស់​សុខភាព (HPB) ​របស់​សិង្ហបុរី ក៏បាន​បញ្ជាក់​ដែរថា ជា​សរសៃ (Fibres) ជួយ​បន្ថយ​ការស្រូប​ជាតិស្ករ ទៅ​ក្នុងសរសៃ​ឈាម។ បើគ្មាន​ជាសរសៃ​ទេ បរិមាណ​ជាតិ​ស្ករ​ជាច្រើន នឹង​ចេញពី​ទឹកផ្លែឈើ​ស្រស់ ចូលទៅ​ក្នុង​សរសៃឈាម​ភ្លាមៗ និង​បណ្ដាលឲ្យ​ឡើង​ជាតិស្ករ ស្រដៀង​គ្នាទៅ​នឹង​ការផឹក​ភេសជ្ជៈ​ផ្អែមខ្លាំងដែរ ដែលយូរទៅ​បង្កឲ្យ​លើសទម្ងន់ និង​កើតជំងឺទឹកនោមផ្អែម។

អត្ថបទពាក់ព័ន្ធ៖ ញ៉ាំ​ស្ករ​ច្រើន មិន​ត្រឹម​តែ​ទឹក​នោម​ផ្អែម​ទេ ឆ្អឹង​ក៏​ឆាប់​ពុក​ដែរ

ក្រុមប្រឹក្សា​ដដែល បញ្ជាក់​ថា មនុស្សជាច្រើន​គិតថា ស្ករចេញពី​ធម្មជាតិ ល្អសម្រាប់​សុខភាព​ជាង​ស្ករ​ដែល​បន្ថែម​ទៅ​លើ​អាហារ។ ប៉ុន្ដែគ្មាន​សមាសធាតុ​គីមី​ខុសគ្នាឡើយ រវាង​ប្រភេទ​ស្ករទាំង​ពីរនេះ ហើយ​វាមាន​ផលប៉ះពាល់​លើ​កម្រិតស្ករ​ក្នុងឈាម​ដូចគ្នា នៅពេល​យើង​បរិភោគ។ មូលហេតុ​នេះហើយ ទើប​ក្រុមប្រឹក្សា​លើកកម្ពស់​សុខភាព ចាត់ទុក​ការផឹក​ទឹកផ្លែឈើ​ស្រស់ គ្មាន​ភាព​ខុសគ្នា​ឡើយ ​នឹង​ការផឹកទឹក​ផ្លែឈើ ដែល​ខ្ចប់​ទុកមុន​។

ក្នុង​ករណី​មាន​សំណួរ​ ឬ​មន្ទិល​សង្ស័យ​ជុំវិញ​បញ្ហា​សុខភាព​អ្នក​ ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា​ មិន​ធ្វើ​រោគ​វិនិច្ឆ័យ​ ឬ​ព្យាបាល​ជូន​ទេ៕

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

រូបថត​របស់​អ្នក​និពន្ធ
ត្រួតពិនិត្យ​ដោយ ជីព ចិត្ត
អត្ថបទ​ដោយ គីង ច័ន្ទវាសនា​
កែ 23/07/2019
x