តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

អាហារ ៦ មុខនេះអាចបង្កអាការៈឈឺក្បាលប្រកាំង

    អាហារ ៦ មុខនេះអាចបង្កអាការៈឈឺក្បាលប្រកាំង

    អាការៈ​ឈឺ​ក្បាល​ប្រកាំង​អាច​បង្ក​ដោយ​មូលហេតុ​ច្រើន​រួម​ទាំង​ចំណី​អាហារ និង​ភេសជ្ជៈ។ ទោះបីជា​គេ​មិន​ទាន់​ដឹង​ច្បាស់​ពី​មូលហេតុ​ដែល​អាច​បង្ក​អាការៈ​ឈឺក្បាល​ប្រកាំង​ ប៉ុន្តែ​អាហារ​មួយ​ចំនួន​អាច​​មាន​ចំណែក​ក្នុង​ការ​បង្ក​អាការៈ​ឈឺក្បាល​ប្រកាំង​ទៅ​លើ​មនុស្ស​មួយ​ចំនួនដែរ​។

    ១. កាហ្វេអ៊ីន

    ការ​ផឹក​ភេសជ្ជៈ​មាន​ជាតិ​កាហ្វេអ៊ីន​ច្រើន ឬឈប់​ផឹក​ភេសជ្ជៈ​មាន​ជាតិ​កាហ្វេអ៊ីន​អាច​បង្ក​អាការៈ​ឈឺក្បាល​ប្រកាំង ឬ​ឈឺក្បាល​បាន។ អាហារ និង​ភេសជ្ជៈ​មាន​ជាតិ​កាហ្វេអ៊ីន​រួមមាន​កាហ្វេ តែ និង​សូកូឡា។

    ២. ជាតិ​ស្ករ​បន្ថែម

    អាហារ​កែច្នៃ​មួយ​ចំនួន​ផ្ទុក​ជាតិ​ស្ករ​បន្ថែម ហើយ​ជាតិ​ស្ករ​បន្ថែម​នេះ​អាច​បង្ក​អាការៈ​ឈឺក្បាល​ប្រកាំង​បាន ជាពិសេស​ពពួក​ស្ករ​បន្ថែម Aspartame។

    ៣. គ្រឿង​ស្រវឹង

    គ្រឿង​ស្រវឹង​គឺជា​មូលហេតុ​បង្ក​អាការៈ​ឈឺក្បាល​ប្រកាំង​។ ការ​សិក្សា​មួយ​បាន​ឲ្យ​ដឹង​ថា​អ្នក​ចូលរួម​ជាង​៣៥% មាន​អាការៈ​ឈឺក្បាល​ប្រកាំង​បាន​រាយការណ៍​ថា​គ្រឿងស្រវឹង​គឺ​កត្តា​ជំរុញ​អាការៈ​ឈឺក្បាល​ប្រកាំង។ ម៉្យាងទៀត គ្រឿង​ស្រវឹង​ក៏​អាច​ធ្វើ​ឲ្យ​បាត់​បង់​​ជាតិ​ទឹក​ដែល​អាច​បង្ក​អាការៈ​ឈឺក្បាល​បាន។

    ៤. សូកូឡា

    សមាគម​អាការៈឈឺក្បាល​ប្រកាំង​សហរដ្ឋអាមេរិក​បាន​លើកឡើង​ថា​សូកូឡា​ក៏​ជា​កត្តា​ជំរុញ​អាការៈ​ឈឺក្បាល​ប្រកាំង​ដែរ ព្រោះ​សូកូឡា​មាន​ជាតិ​កាហ្វេអ៊ីន និង​ beta-phenylethylamine ។ សារធាតុ​ទាំង​ពីរ​នេះ​អាច​បង្ក​អាការៈ​ឈឺក្បាល​ទៅ​លើ​មនុស្ស​មួយ​ចំនួន។

    ៥. អាហារ​មាន​ដាក់​ប៊ីចេង

    គេ​ចាត់ទុក​ប៊ីចេង​ជា​គ្រឿង​ផ្សំ​ដែល​មាន​សុវត្ថិភាព​ក្នុង​ការ​ញ៉ាំ ប៉ុន្តែ​ការ​ស្រាវជ្រាវ​មួយ​ចំនួន​បាន​បង្ហាញ​ពី​ទំនាក់ទំនង​រវាង​ប៊ីចេង និង​ការ​វាយ​ប្រហារ​របស់​អាការៈ​ឈឺក្បាល​ប្រកាំង។ សមាគម​អាការៈ​ឈឺក្បាល​ប្រកាំង​សហរដ្ឋ​អាមេរិក​បាន​សម្គាល់​ថា​ប៊ីចេង​​អាច​បង្ក​ឲ្យ​អាការៈ​ឈឺក្បាល​ប្រកាំង​ធ្ងន់ធ្ងរ​សម្រាប់​អ្នក​ដែល​មាន​ជំងឺ​ឈឺក្បាល​ប្រកាំង។

    ៦. អាហារ​មាន​ជាតិ​ប្រៃ

    អាហារ​មាន​ជាតិ​ប្រៃ​ ជាពិសេស​ពពួក​អាហារ​កែច្នៃ​ដែល​មាន​ផ្ទុក​បន្ថែម​នូវ​សារធាតុ​ដើម្បី​រក្សា​ទុក​ឲ្យ​បាន​យូរ​ក៏​អាច​បង្ក​អាការៈ​ឈឺក្បាល​ប្រកាំង​ដែរ។ ការ​ញ៉ាំ​អំបិល​ច្រើន​អាច​ធ្វើឲ្យ​សម្ពាធ​ឈាម​ឡើង​ដែល​អាច​បណ្ដាល​ឲ្យ​ឈឺក្បាល ឬ​ឈឺក្បាល​ប្រកាំង។

    health-tool-icon

    គណនា BMR

    ប្រើប្រាស់​រង្វាស់​សុខភាព - អត្រាដុតកាឡូរី ដើម្បី​កំណត់ និង​​ដឹង​ពី​បរិមាណ​កាឡូរី​ដុត​សមស្របបំផុត​ទៅ​តាម កម្ពស់ ទម្ងន់ អាយុ និង​សកម្មរាងកាយ​នានា

    ប្រុស

    ស្រី

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ប្រភព

    https://www.healthline.com/health/foods-that-trigger-migraines

    រូបថត​របស់​អ្នក​និពន្ធbadge
    ដោយ ថាត់ រ័ត្នមូនីតា កែសម្រួល​ចុងក្រោយ 10/09/2020
    ត្រួតពិនិត្យដោយ វេជ្ជ. ចាន់ ស៊ីណេត
    Next article: