តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

null

អ្វីទៅជាស៊ុបមាន់បំប៉ន? ហេតុអីយើងគួរញ៉ាំរាល់ថ្ងៃ?

    អ្វីទៅជាស៊ុបមាន់បំប៉ន? ហេតុអីយើងគួរញ៉ាំរាល់ថ្ងៃ?

    សព្វថ្ងៃនេះ មនុស្សម្នាក់ៗទទួលរងភាពនឿយហត់ និងសម្ពាធច្រើនណាស់ក្នុងមួយថ្ងៃៗ ដោយសារតែមមាញឹកនឹងការងារ ការប្រកបរបររកស៊ី ហើយមានគ្នាយើងមួយចំនួនធ្វើការងាររកស៊ីផង ត្រូវរៀនដើម្បីបំពេញចំណេះទៀត។ ដោយសារតែការអស់កម្លាំង និងសម្ពាធច្រើន អាចប៉ះពាល់ដល់សុខភាព ដូចនេះយើងត្រូវរកដំណោះស្រាយណាដែលងាយស្រួល ហើយមានប្រយោជន៍ដល់សុខភាព ដូចជាការញ៉ាំស៊ុបមាន់ជាប្រចាំ ដើម្បីជួយបង្កើនកម្លាំង និងពង្រឹងស្មារតីមកវិញ។

    អ្វីទៅជាស៊ុបមាន់បំប៉ន?

    ស៊ុបមាន់ ជាអាហារបំប៉នសុខភាពមួយចម្រាញ់ចេញពីសាច់មាន់ដែលមានគុណភាពខ្ពស់ និងសម្បូរទៅដោយសារធាតុចិញ្ចឹម។ ស៊ុបមាន់ត្រូវបានផលិតឡើងនៅក្នុងសីតុណ្ហភាពខ្ពស់ ដើម្បីបំបែកប្រូតេអ៊ីនដែលកកើតឡើងនៅក្នុងស៊ុបឲ្យក្លាយជា Peptide ទំហំរឹតតែតូច កាន់តែងាយស្រួលក្នុងការរំលាយ។ ជាទូទៅ រាល់ខ្លាញ់ដែលមាននៅក្នុងសាច់មាន់ត្រូវបានយកចេញទាំងស្រុង ដើម្បីផលិតជាអាហារបំប៉នដែលមាន Cholesterol តិចតួច ឬគ្មានតែម្ដង ហើយក្នុងការផលិតស៊ុបមាន់បំប៉ននេះ ក៏មិនមានបន្ថែមគ្រឿងផ្សំដទៃ សារធាតុគីមី ឬសារធាតុរក្សាទុកអ្វីដែរ។

    ហេតុអីយើងគួរញ៉ាំស៊ុបមាន់រាល់ថ្ងៃ?

    យោងតាមការសិក្សាមួយរបស់សកលវិទ្យាល័យជាតិ និងមន្ទីរពេទ្យសកលវិទ្យាល័យជាតិ នៃប្រទេសសិង្ហបុរី និងបានចុះផ្សាយលើ Nutritional Neuroscience បានឲ្យដឹងថា ការញ៉ាំស៊ុបមាន់រាល់ថ្ងៃវាអាចជួយពង្រឹងដំណើរការនៃការចងចាំ (working memory)។ ការស្រាវជ្រាវដដែលបន្តថា ស៊ុបមាន់ជួយពង្រឹងដល់ដំណើរការនៃការចងចាំបានដោយសារ វាបង្កើនមេតាបូលីសរបស់អ័រម៉ូន Cortisol។

    លើសពីនេះ ស៊ុបមាន់ផ្ដល់ប្រយោជន៍ច្រើនដល់សុខភាពយើងដូចជា កាត់បន្ថយស្ត្រេស ពង្រឹងដល់ប្រព័ន្ធការពាររាងកាយ ពង្រឹងស្មារតី និងកាត់បន្ថយភាពនឿយហត់ជាដើម។ ស៊ុបមាន់អាចញ៉ាំបាន និងផ្ដល់ប្រយោជន៍ដល់មនុស្សគ្រប់វ័យ ជាពិសេស ស្ត្រីពពោះក៏អាចញ៉ាំបាន និងទទួលបានប្រយោជន៍ច្រើនរួមមាន ជួយទ្រទ្រង់សុខភាពម្ដាយ ការពារម៉ាក់ៗពីជំងឺតូចតាចមួយចំនួន និងផ្ដល់សារធាតុចិញ្ចឹមទៅឲ្យអាអូនក្នុងផ្ទៃថែមទៀត។

    ស៊ុបមាន់ ជាទូទៅត្រូវបានគេចាត់ទុកជាអាហារបំប៉នសុខភាពមួយប្រភេទ វាមិនមែនជាថ្នាំអាចជាព្យាបាលជំងឺបានទេ ដូចនេះហើយ យើងអាចញ៉ាំស៊ុបមាន់បានដោយមិនចាំបាច់បារម្ភពីផលរំខានណាមួយប៉ះពាល់ដល់សុខភាពយើងទេ។ យើងក៏អាចញ៉ាំវាជាប្រចាំ ឬ ២-៣ថ្ងៃ/ម្ដង ឬញ៉ាំតាមតែចិត្តចង់ក៏បាន។

    គ្រួសារ

    health-tool-icon

    គណនា BMR

    ប្រើប្រាស់​រង្វាស់​សុខភាព - អត្រាដុតកាឡូរី ដើម្បី​កំណត់ និង​​ដឹង​ពី​បរិមាណ​កាឡូរី​ដុត​សមស្របបំផុត​ទៅ​តាម កម្ពស់ ទម្ងន់ អាយុ និង​សកម្មរាងកាយ​នានា

    ប្រុស

    ស្រី

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ប្រភព

    https://www.nutraingredients-asia.com/Article/2019/08/13/Daily-consumption-of-essence-of-chicken-strengthens-working-memory-Suntory-funded-meta-analysis#

    https://www.mintel.com/blog/food-market-news/asias-brain-tonic-chicken-essence-targets-youth#:~:text=Chicken%20essence%20is%20a%20liquid,smaller%2C%20more%20easily%20digested%20peptides.

    https://www.euyansang.com.my/en_MY/pregnancy-nourishment-package-pure-chicken-essence-6boxes-500100000194.html#:~:text=Strengthens%20pregnant%20women’s%20immune%20system,to%20improve%20the%20foetus’%20immunity.&text=Utilises%20cutting%2Dedge%20technology%20to,body%20for%20absorption%20of%20nutrients.

    រូបថត​របស់​អ្នក​និពន្ធbadge
    ដោយ នាង សុខុមដាលីញ៉ា កែសម្រួល​ចុងក្រោយ 29/03/2021
    ត្រួតពិនិត្យដោយ វេជ្ជ. ចាន់ ស៊ីណេត