អាហារ ៥ មុខនេះ ប៉ូវខ្លាំងដល់សុខភាពប្រុសៗ

ដោយ Chamnan Amrith កែសម្រួលចុងក្រោយ 3 សប្ដាហ៍កន្លងទៅ

ត្រួតពិនិត្យដោយ វេជ្ជ. ចាន់ ស៊ីណេត

អាហារ ៥ មុខនេះ ប៉ូវខ្លាំងដល់សុខភាពប្រុសៗ

ប្រុសៗ បើញ៉ាំអាហារត្រឹមត្រូវមានជីវជាតិល្អ នឹងជួយសុខភាពច្រើន ដូចជា សមត្ថភាពផ្លូវភេទខ្លាំងមិនឲ្យសង្សារ ប្រពន្ធខកចិត្ត បំប៉នសាច់ដុំ កាត់បន្ថយការបាក់ទឹកចិត្ត ជួយស្មារតីខួរក្បាល ការពារមិនឲ្យអារអត់កូន-ល-។ “Hello គ្រូពេទ្យ” នឹងណែនាំអាហារពិសេស ៥ យ៉ាង សម្រាប់បំប៉នសុខភាពប្រុសៗ។

១- អយស្ទ័រ

អយស្ទ័រ មានផ្ទុកជាតិស័ង្កសីច្រើនជាងអាហារផ្សេងៗទៀត។ ស័ង្កសី គឺជាសារធាតុរ៉ែសំខាន់សម្រាប់សុខភាពក្រពេញប្រូស្តាត។ នៅពេលកម្រិតស័ង្កសីទាប អាចប៉ះពាល់ដល់ការមានកូន និងជំងឺក្រពេញប្រូស្តាតផងដែរ។

អ្នកវិទ្យាសាស្ត្រលើកឡើងថា ក្នុងរាងកាយមនុស្សម្នាក់ៗគ្មានបរិមាណស័ង្កសីគ្រប់គ្រាន់ទេ ហេតុនេះ ចាំបាច់ត្រូវញ៉ាំសារធាតុចិញ្ចឹមដ៏សំខាន់មួយនេះឲ្យបានគ្រប់គ្រាន់ពីរបបអាហារប្រចាំថ្ងៃ ឬអាហារបំប៉ន ហើយប្រុសៗ ត្រូវញ៉ាំប្រហែល ១១ មិល្លីក្រាមក្នុងមួយថ្ងៃ។

២- ត្រីសាលម៉ុន

កង្វះវីតាមីន D អាចបណ្តាលឲ្យលិង្គមិនរឹងមាំ។ បើយោងតាមការស្រាវជ្រាវ ករណីស្រូបយកវីតាមីន D គ្រប់គ្រាន់ ជួយកាត់បន្ថយហានិភ័យជំងឺលិង្គមិនរឹងមាំ កាត់បន្ថយការខូចខាតសរសៃឈាមបង្កឡើងដោយការរលាក។

ជាទូទៅ ប្រុសៗមានបញ្ហាលិង្គមិនរឹង ងាយនឹងមានការរលាកស្រទាប់ក្នុងសរសៃឈាម បើប្រៀបធៀបទៅប្រុសៗទូទៅ។ ដើម្បីកាត់បន្ថយការរលាក និងអាចជួយបង្កើនលំហូរឈាម ត្រីសាលម៉ុនត្រឹមមួយចំណែកតូច គឺមានផ្ទុកវីតាមីន D រហូតដល់ទៅ ១១២% សម្រាប់ប្រុសៗញុំាប្រចាំថ្ងៃ។

អាហារ ៥យ៉ាង ប្រុសៗញ៉ាំភ្លាមខ្លាំងភ្លែត

អត្ថបទពាក់ព័ន្ធ៖

៣- គ្រាប់វ៉ុលណាត់

វាជាគ្រាប់ធញ្ញជាតិសម្បូរដោយអាស៊ីដខ្លាញ់អូមេហ្គា ៣ ប្រឆាំងអុកស៊ីតកម្ម និងសារធាតុជីវសាស្ត្រ Phytochemical ល្អបំផុតសម្រាប់ខួរក្បាល។ សារធាតុទាំងនេះមានប្រសិទ្ធភាពខ្ពស់ក្នុងការទប់ស្កាត់ជំងឺបាក់ទឹកចិត្ត និងជួយទ្រទ្រង់ការចងចាំ ហើយបើយោងតាមការសិក្សាថា គ្រាប់វ៉ុលណាត់ ចូលរួមប្រឆាំងទៅនឹងប្រតិកម្មអារម្មណ៍ហៅថា Oxidative Stress និងការរលាកបណ្តាលមកពីកំណើនអាយុ។ គ្រាប់វ៉ុលណាត់មានបរិមាណ ១/៤ នៃខ្លាញ់អូមេហ្គា៣ មួយពែង ស្មើនឹង ៣,៧ ក្រាម ច្រើនជាងកម្រិតដែលអ្នកវិទ្យាសាស្ត្រណែនាំឲ្យញុំាពេញមួយថ្ងៃទៅទៀត។

waltnut_helloគ្រូពេទ្យ

៤- ទឹកដោះគោសូកូឡា

យោងតាមការស្រាវជ្រាវនៃសាកលវិទ្យាល័យ Central Washington ក្នុងទីក្រុង Ellensburg រដ្ឋវ៉ាស៊ីនតោនឌីស៊ី ចេញផ្សាយឆ្នាំ ២០១២ ថា ទឹកដោះគោលាយសូកូឡា ជាភេសជ្ជៈមានប្រយោជន៍ និងមានតម្លៃសមរម្យសម្រាប់អ្នកកីឡា ដើម្បីបង្កើនកម្លាំង ព្រោះវាមានជាតិខ្លាញ់ទាប ប៉ុន្តែមានកម្រិតស្ករ ៤ និងប្រូតេអ៊ីន ១ ប្រហាក់ប្រហែលទៅនឹងភេសជ្ជៈកីឡាផ្សេងៗ អាចផ្តល់នូវជាតិទឹក និងសូដ្យូម ជួយសម្រួលរាងកាយក្រោយពេលធ្វើលំហាត់ប្រាណ។ អាចញុំាទឹកដោះគោសូកូឡា បន្ទាប់ពីធ្វើការហាត់ប្រាណ។

អត្ថបទគូរអាន៖

៥- ផ្លែឈើ និងបន្លែ

ផ្លែឈើ និងបន្លែពោរពេញទៅដោយជាតិសរសៃ និងជាតិ Phytonutrients (សារធាតុជួយដល់សុខភាព និងការពារជំងឺ) អាចជួយការពារបេះដូង ប្រឆាំងភាពអស់កម្លាំង និងធ្វើឲ្យមានអារម្មណ៍ល្អ ហើយជាតិសរសៃនេះ ប្រុសៗត្រូវការវាច្រើនជាងស្រីៗ។

បន្លែផ្លែឈើ_helloគ្រូពេទ្យ

ប្រុសៗគួរញ៉ាំផ្លែឈើ ២ កូនចាន និងបន្លែ ២-៣ កូនចានរៀងរាល់ថ្ងៃ។ រាល់ពេលញុំាអាហារម្តងៗ គួរញុំាផ្លែឈើ និងបន្លែឲ្យបានពាក់កណ្តាលនៃចំណែកអាហារ ហើយចំណែកនៅសល់ គួរបំពេញជាមួយស្រូវសាលី និងប្រូតេអ៊ីនល្អៗ ដូចជា សណ្តែក គ្រាប់ធញ្ញជាតិ ត្រី សាច់មាន់ ទៅតាមតម្រូវការ ហើយគួរមានសាច់ក្រហម និងទឹកដោះគោ ប៉ុន្តែកុំញឹកញាប់ពេក។

យើងគួរយកចិត្តទុកដាក់លើពណ៌ និងភាពស្រស់របស់ផ្លែឈើ បន្លែ។ ធ្វើបែបនេះ ទើបអាហារកាន់តែប្រសើរឡើង កាន់តែឆ្ងាញ់ និងល្អសម្រាប់សុខភាព។