វីតាមីន គឺជាសារធាតុបំប៉នចាំបាច់បំផុតសម្រាប់ការលូតលាស់ និងការពាររាងកាយពីជំងឺកាចសាហាវជាច្រើន។ ដូចយើងដឹងស្រាប់ វីតាមីនមានច្រើនប្រភេទ និងមានគុណសម្បត្តិផ្សេងៗពីគ្នា។ “Hello គ្រូពេទ្យ” ថ្ងៃនេះ នឹងលើកយកពពួកវីតាមីន B Complex មកណែនាំឲ្យគ្នាយើងបានស្គាល់ច្បាស់ តើមានប៉ុន្មានប្រភេទ មានអត្ថបទប្រយោជន៍អ្វីខ្លះ?
ស្វែងយល់ពីកំពូលគុណប្រយោជន៍ពីវីតាមីន B Complex
ត្រួតពិនិត្យដោយ គឹម កាណែល
១- ក្រុមវីតាមីន B Complex
ក្រុមវីតាមីន B ត្រូវគេស្គាល់ថា ជាវីតាមីន B Complex គឺមានសរុបទាំងអស់ ៨ ប្រភេទ ដូចជា៖
– B1 (Thiamine)
– B2 (Riboflavin)
– B3 (Niacin)
– B4 (Pantothenic acid)
– B6
– B7 (Biotin)
– B9 ឬ អាស៊ីដហ្វូលីក (Folic acid)
– B12
វីតាមីន B ជួយដល់ការដំណើរការផលិត និងគ្រប់គ្រងថាមពលក្នុងរាងកាយ ក៏ដូចជាបង្កើតកោសិកាឈាមក្រហមមានសុខភាពល្អ ដើម្បីដឹកនាំអុកស៊ីហ្សែន ចិញ្ចឹមគ្រប់កោសិកាទាំងអស់។
២- អត្ថប្រយោជន៍វីតាមីន B Complex
ជាទូទៅក្រុមវីតាមីន B ត្រូវបានគេជឿថា មានប្រសិទ្ធភាពក្នុងការជម្រុញប្រព័ន្ធភាពស៊ាំ អាចធ្វើឲ្យមានអារម្មណ៍ប្រសើរឡើង កាត់បន្ថយបញ្ហាថប់បារម្ភ ជួយជំរុញដល់សុខភាព និងបន្ថយការរលាកស្បែក។ វីតាមីន B នីមួយៗ មានអត្ថប្រយោជន៍រៀងៗខ្លួន ដូចជា៖
– វីតាមីន B1 និង B2 រួមគ្នាជួយដល់សុខភាពសាច់ដុំ សរសៃប្រសាទ និងបេះដូង។ B1 ជំរុញដល់ការបង្កើតកោសិកាថ្មីៗ នៅពេលដែល B2 ជួយដល់ការផលិតកោសិកាឈាមក្រហម និងប្រឆាំងពីរ៉ាឌីកាល់សេរី។
– វីតាមីន B3 មានតួនាទីយ៉ាងសំខាន់ ក្នុងការគ្រប់គ្រងលើប្រព័ន្ធសរសៃប្រសាទ និងប្រព័ន្ធរំលាយអាហារ អាចជួយស្រូបយកថាមពលពីអាហារយើងបានញ៉ាំ។
– វីតាមីន B5 ទទួលខុសត្រូវលើការបំបែកជាតិខ្លាញ់ និងជាតិស្ករកាបូអ៊ីដ្រាត ឲ្យក្លាយទៅជាថាមពលដើម្បីប្រើប្រាស់។ វីតាមីន B ប្រភេទនេះសំខាន់ណាស់សម្រាប់ការផលិតអ័រម៉ូន ខណៈរាងកាយយើង ត្រូវការវីតាមីន B5 និង B12 ដើម្បីការលូតលាស់រាងកាយឲ្យបានពេញលេខ និងត្រឹមត្រូវ។
– វីតាមីន B6 ប្រៀបដូចជាមិត្តដ៏ល្អរបស់ប្រព័ន្ធភាពស៊ាំក្នុងខ្លួនយើង ចាំបាច់សម្រាប់ដំណើរការផលិតអ័រម៉ូន និងប្រូតេអ៊ីន។
– វីតាមីន B7 ក៏ជាវីតាមីនសំខាន់មួយទៀតក្នុងការផលិតអ័រម៉ូនដូចគ្នា។
– វីតាមីន B9 (អាស៊ីដហ្វូលីក) ជួយដល់ការបង្កើតកោសិកា និងថែរក្សា DNA ជំរុញការផលិតកោសិកាឈាមក្រហម។
– វីតាមីន B6 B9 និង B12 រួមគ្នាជួយដល់ការកំណត់នូវកម្រិតអាមីណូអាស៊ីដ (Homocysteine) ព្រោះនៅពេលកម្រិតអាស៊ីដទាំងនេះកើនឡើងខ្ពស់ យើងនឹងប្រឈមជំងឺបេះដូង។
អត្ថបទពាក់ព័ន្ធ៖
- ស្វែងយល់អំពីប្រូតេអ៊ីនក្នុងបន្លែ និងសាច់
- ចង់ឲ្យសាច់ដុំកាន់តែល្អ មិនងាយឈឺ ញ៉ាំវីតាមីនប៉ុន្មានមុខនេះ ល្អបំផុត
៣- ទំនាក់ទំនងរវាងវីតាមីន B Complex និងលក្ខខណ្ឌសុខភាព
ក្រុមអ្នកស្រាវជ្រាវជឿថា ការប្រើប្រាស់ពពួកវីតាមីន B complex អាចការពារជំងឺមួយចំនួន ដូចជា៖
– បើយើងមាន ជំងឺទឹកនោមផ្អែម អាចបន្ថយហានិភ័យជំងឺតម្រងនោម ដោយការប្រើប្រាស់វីតាមីន B1។ វីតាមីន B1 ក៏អាចបន្ថយហានិភ័យជំងឺភ្នែកឡើងបាយផងដែរ។
– វីតាមីន B2 អាចការពារប្រឆាំងអាការៈឈឺក្បាលប្រកាំង។
– វីតាមីន B3 ជួយបង្កើននូវកម្រិតខ្លាញ់ល្អ HDL និងកាត់បន្ថយកម្រិតខ្លាញ់កូឡេស្តេរ៉ុលបាន។
– វីតាមីន B6 ជួយបន្ថយហានិភ័យ ជំងឺបេះដូង បន្ថយរោគសញ្ញា PMS និងអាការៈចាញ់កូន។
– វីតាមីន B7 មានទាក់ទងខ្លាំងជាមួយសុខភាពស្បែក សក់ និងក្រចក។
– វីតាមីន B9 ត្រូវបានគេជឿថា អាចការពារ មហារីក មហារីកពោះវៀនធំ និងមហារីកលំពែង។ ចំណោះស្រីៗមានផ្ទៃពោះ វីតាមីនប្រភេទនេះ អាចកាត់បន្ថយនហានិភ័យមិនប្រក្រតីទារកក្នុងផ្ទៃបានទៀតផង។
– វីតាមីន B12 ជួយដល់មនុស្សចាស់កាត់បន្ថយបញ្ហាវង្វេងវង្វាន់ និងគ្រប់គ្រងដល់កម្រិតអាមីណូអាស៊ីដ (Homocysteine) ។
យ៉ាងណា វីតាមីន B Complex មិនមែនជាថ្នាំព្យាបាល សម្រាប់ជំងឺគ្រប់លក្ខខណ្ឌទាំងអស់នោះទេ ព្រោះស្រាវជ្រាវបានបង្ហាញថា ការប្រើប្រាស់វីតាមីន B6 និង B12 និងអាស៊ីតហ្វូលីក (B9) រយៈពេលយូរ មិនអាចកាត់បន្ថយហានិភ័យជំងឺបាក់ទឹកចិត្ត ចំពោះស្រីៗវ័យចំណាស់បានទេ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
គឹម កាណែល
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម