គ្នាយើងខ្លះប្រហែលអត់ដឹងថា ផ្លែល្មើរ ត្រូវគេស្គាល់តាំងពី ៤០០០ឆ្នាំ មុនគ្រិស្តសករាជម្ល៉េះ ហើយជឿថា ផ្លែឈើនេះ សក្តិសមបំផុតសម្រាប់គ្នាយើងចង់តមអាហារ ជួយថែរាងបានស្អាត ថែមទាំងសុខភាពល្អទៀត។ ជំនឿនេះពិតដែរអត់? ចុះវិទ្យាសាស្ត្រនិយាយថាម៉េចខ្លះ?
គេប្រាប់ថា ផ្លែល្មើរញ៉ាំទៅរាងស្អាត សុខភាពល្អ ដោយសារមូលហេតុអីទៅ?
ត្រួតពិនិត្យដោយ គឹម កាណែល
១- អត្ថប្រយោជន៍នៃផ្លែល្មើរសម្រាប់សុខភាព
– ប្រភពនៃសារធាតុរ៉ែ៖ ផ្លែល្មើរ សម្បូរទៅដោយប៉ូតាស្យូម និងម៉ាញ៉េស្យូម ដោយប៉ូតាស្យូម មាននាទីជួយដល់កោសិកា ជាលិកា និងសរីរាង្គនៅក្នុងរាងកាយ ខណៈប៉ូតាស្យូម ជាធាតុផ្សំដ៏សំខាន់ ក្នុងការថែរក្សាមុខងារបេះដូង និងជួយដល់ការកន្រ្តាក់សាច់ដុំ។ លើសពីនេះ ប៉ូតាស្យូម អាចជួយបន្ថយសម្ពាធឈាមខ្ពស់ ដូច្នេះវាអាចបន្ថយហានិភ័យជំងឺបេះដូងបាន ឯម៉ាញ៉េស្យូម ត្រូវការជាជំនួយ ដើម្បីផលិតថាមពល។
ម៉ាញ៉េស្យូម ក៏មាននាទីបង្កើតរចនាសម្ព័ន្ធឆ្អឹង និង DNA ជួយដល់ការដឹកជញ្ជូនកាល់ស្យូម និងប៉ូតាស្យូម ទៅកោសិកា រក្សាចង្វាក់បេះដូង និងការកន្ត្រាក់សាច់ដុំ។ រាងកាយយើងជាធម្មតា ត្រូវការកម្រិតម៉ាញ៉េស្យូម ៣០០ មិលី្លក្រាម និងប៉ូតាស្យូម ៤៧០០ មិលី្លក្រាម/ថ្ងៃ ខណៈប្រមាណ ១៥០ក្រាម មានប៉ូតាស្យូម ៩៦៤ មិលី្លក្រាម និងម៉ាញ៉េស្យូម ៦៣ មិលី្លក្រាម។
– ជាប្រភពនៃជាតិសរសៃ៖ ជាតិសរសៃ សមាសធាតុសំខាន់មួយនៅក្នុងរាងកាយ ហើយប្រព័ន្ធរំលាយអាហារយើង ត្រូវការជាតិសរសៃ ដើម្បីដំណើរការបានល្អ។ ជាតិសរសៃ អាចការពារអាការៈទល់លាមកបាន នៅពេលកម្រិតកូលេស្តេរ៉ូនៅក្នុងឈាមចុះទាប។ ជាតិសរសៃ ក៏អាចមានឥទ្ធិពលប្រឆាំងសារធាតុបង្កឲ្យមានជំងឺមហារីកផងដែរ។ គ្នាយើងពេញវ័យ ត្រូវបានណែនាំឲ្យញ៉ាំជាតិសរសៃពី ៣០-៣៧ ក្រាម/ថ្ងៃ ខណៈផ្លែល្មើរមួយកូនចាន មានផ្ទុកជាតិសរសៃ ១១,៨ ក្រាម ស្ទើរតែពាក់កណ្តាល នៃតម្រូវការជាតិសរសៃប្រចាំថ្ងៃរបស់យើង។
អត្ថបទពាក់ព័ន្ធ៖
- ក្រូចថ្លុង មានគុណប្រយោជន៍ច្រើន តែក៏មានគុណវិបត្តិដែរ!
- ឪឡឹកល្អខ្លាំង តែបើកើតទឹកនោមផ្អែម គួរប្រយ័ត្នផងពេលញ៉ាំ!
២- ផលប៉ះពាល់ពីផ្លែល្មើរ
– ជាតិស្ករកាបូអ៊ីដ្រាតខ្ពស់៖ កាបូអ៊ីដ្រាត ជាសារធាតុចិញ្ចឹមមួយដ៏សំខាន់នៅក្នុងរាងកាយ ដោយសារតែវាជាប្រភពថាមពលដ៏សំខាន់។ ទោះជាយ៉ាងណាក៏ដោយ ត្រូវតែគិតសិន បើចង់ញ៉ាំផ្លែល្មើរឲ្យគ្រប់ដល់កម្រិតកាបូអ៊ីដ្រាត យើងត្រូវការប្រចាំថ្ងៃ។ ផ្លែល្មើរមួយកូនចាន មានកាបូអ៊ីដ្រាត ១១០ ក្រាម ខណៈរាងកាយយើងត្រូវការចន្លោះពី ៣០០-៤០០ ក្រាម/ថ្ងៃ មានន័យថា ផ្លែល្មើរមួយកូនចាន ស្មើនឹងយើងទទួលកាបូអ៊ីដ្រាត ៣០% ដូច្នេះបើញ៉ាំផ្លែល្មើរច្រើនលើសកម្រិត មិនត្រឹមតែ មិនជួយឲ្យស្គម នោះទេ អាចធ្វើឲ្យយើងមានជំងឺធាត់ និងជំងឺផ្សេងៗទៀតផង។
– ជាតិស្ករខ្ពស់៖ ផ្លែល្មើរ ១០០ ក្រាម មានជាតិស្ករ ៦៦ក្រាម ខណៈកម្រិតជាតិស្កររាងកាយយើងត្រូវការប្រចាំថ្ងៃ គឺប្រមាណ ៥០ ក្រាមប៉ុណ្ណោះ។ ជាតិស្ករដែលលើស នឹងត្រូវរក្សាទុកក្នុងទម្រង់ជាខ្លាញ់ ហើយអាចបង្កើនហានិភ័យជំងឺរ៉ាំរ៉ៃ ដូចជា ជំងឺទឹកនោមផ្អែម ជំងឺបេះដូង និងលើសជាតិខ្លាញ់។ បើយើងញ៉ាំអាហារច្រើន ត្រូវបន្ថយការញ៉ាំផ្លែល្មើរ មុនពេលញ៉ាំអាហារ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
គឹម កាណែល
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម