១- មិនផឹកទឹក ទម្ងន់មិនឡើង
ការពិតទៅប្រសិនបើខ្វះជាតិទឹក រាងកាយយើងនឹងឃ្លានខ្លាំង ទប់ចំណង់អាហារមិនសូវបានឃើញអីក៏ចង់ញ៉ាំទាំងអស់។ ដូច្នេះហើយបានជាអ្នកដែលមើលរំលងភាពសំខាន់របស់ទឹកឆាប់ធាត់រហ័ស។ វិធីផឹកទឹកដ៏ល្អបំផុត គឺភ្ញាក់ពីដេកព្រឹកឡើងមួយកែវ ផឹកមួយកែវទៀតចន្លោះពេលបាយ ផឹកក្រេបម្ដងបន្តិចៗ ចន្លោះពេលធ្វើការ ហើយផឹកមួយកែវពេញមុនចូលដេក១ម៉ោង។ បរិមាណត្រឹមត្រូវបំផុត គឺត្រូវផឹក ២ ទៅ ២,៥ លីត្រ/ថ្ងៃ។
២- ផឹកទឹកផ្លែឈើ
ការពិតទៅទឹកផ្លែឈើដែលដាក់លក់សព្វថ្ងៃនេះ គ្មានសារជាតិសរសៃនៅសេសសល់ឡើយ។ ដូច្នេះផឹកទឹកផ្លែឈើមួយកែវស្មើនឹងបង្កើនភាពធាត់ឲ្យខ្លួនឯងដោយមិនដឹងខ្លួន។ ក្រៅពីនេះ ពេលយើងផឹកទឹកផ្លែឈើដែលមានសារធាតុស្ករច្រើនឡើងៗពេលនោះកម្រិតជាតិស្ករក្នុងឈាមនឹងឡើងភ្លាមៗដែរ ធ្វើឲ្យយើងឆាប់ឆ្អែត។ ប៉ុន្តែមិនយូរប៉ុន្មាននៅពេលរាងកាយប្រើជាតិស្ករក្នុងឈាមអស់ហើយ ពេលនោះកម្រិតជាតិស្ករក៏នឹងថយចុះយ៉ាងឆាប់រហ័ស ជាហេតុធ្វើឲ្យយើងឃ្លានខ្លាំង បាយ១ចាន ២ចានស្ទើរតែទប់មិនជាប់ ហើយទីបំផុតភាពធាត់ក៏កើនមួយជាពីរ។