– បន្ថែមបន្លែទៅក្នុងស៊ុបដែលយើងញ៉ាំឲ្យបានច្រើន
– ញ៉ាំអាហារដែលមានលាយសាច់ និងបន្លែស្មើគ្នា។ល។
៦.ញ៉ាំកាហ្វេទឹកដោះគោច្រើនពេក
ចំណុចនេះ សម្រាប់អ្នកដែលញៀនកាហ្វេទឹកដោះគោរាល់ព្រឹក ច្បាស់ជាមិនសូវជាសប្បាយចិត្តហើយ។ កាហ្វេជាភេសជ្ជៈពេញនិយមមួយដែលគ្នាយើងចូលចិត្តស្ទើរគ្រប់រូប ប៉ុន្តែសម្រាប់អ្នកដែលញ៉ាំកាហ្វេមានថែមទឹកដោះគោ ស្ករ និងថែមគ្រីមពីលើនោះអាចធ្វើឲ្យយើងធាត់វិញបាន។ ព្រោះកាហ្វេក្នុងហាងខ្លះ ជាធម្មតា ក្នុងមួយកែវមានដល់ទៅ២០៤កាឡូរី ឯណោះ។
៧. ញ៉ាំប្រូតេអ៊ីន វីតាមីន និងជាតិសរសៃមិនគ្រប់គ្រាន់
បើយើងទទួលបានប្រូតេអ៊ីន វីតាមីន និងជាតិសរសៃមិនបានគ្រប់គ្រាន់ទេ វាអាចធ្វើឲ្យយើងធាត់បាន ដោយសារប្រូតេអ៊ីន ជាសារធាតុចិញ្ចឹមសំខាន់មួយដែលជួយឲ្យយើងញ៉ាំបានតិច តែឆ្អែតបានយូរ។ សម្រាប់សារជាតិសរសៃក៏ដូចគ្នាដែរ ព្រោះវាជួយគ្រប់គ្រងចំណង់អាហាររបស់យើង ធ្វើឲ្យយើងញ៉ាំតិចប៉ុន្តែឆ្អែតបានយូរ។
៨. គេងមិនបានគ្រប់គ្រាន់
ការគេងមិនឆ្អែត មានទំនាក់ទំនងខ្លាំងមែនទែនជាមួយនឹងការឡើងទម្ងន់។ វាបណ្ដាលមកកត្តាជាច្រើន ក្នុងនោះរួមមាន បម្រែបម្រួលអ័រម៉ូន និងខ្វះការលើកទឹកចិត្តឲ្យហាត់ប្រាណ។ មនុស្សដែលគេងមិនបានគ្រប់គ្រាន់ ភាគច្រើនតែងដុះក្បាលពោះ និងអាចប្រឈមនឹងជំងឺធ្ងន់ធ្ងរមួយចំនួនដូច ជំងឺបេះដូង ឬកើតទឹកនោមផ្អែមប្រភេទ២។