គ្មានប្រុសៗណាមិនចង់បានរាងសង្ហា ទាក់ទាញចិត្តស្រីៗនោះទេ គ្រាន់តែថាធ្វើយ៉ាងម៉េចបើក្បាលពោះដុះមូលដូចពពោះ ៥ ខែទៅហើយ កែយ៉ាងណាក៏កែមិនឡើង។ “Hello គ្រូពេទ្យ” មានអត្ថបទពិសេសណែនាំប្រុសៗចង់បានក្បាលពោះរាបស្មើ ព្រោះវាមានប្រសិទ្ធភាព ហើយគ្នាយើងខ្លះជោគជ័យរួចហើយដែរ។
ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
គ្មានប្រុសៗណាមិនចង់បានរាងសង្ហា ទាក់ទាញចិត្តស្រីៗនោះទេ គ្រាន់តែថាធ្វើយ៉ាងម៉េចបើក្បាលពោះដុះមូលដូចពពោះ ៥ ខែទៅហើយ កែយ៉ាងណាក៏កែមិនឡើង។ “Hello គ្រូពេទ្យ” មានអត្ថបទពិសេសណែនាំប្រុសៗចង់បានក្បាលពោះរាបស្មើ ព្រោះវាមានប្រសិទ្ធភាព ហើយគ្នាយើងខ្លះជោគជ័យរួចហើយដែរ។
ក្បាលពោះយើងកំពុងវិវត្តយ៉ាងរឹង ប៉ុន្តែយើងមានដឹងថា វាកំពុងបាំងពីមុខស្រទាប់ខ្លាញ់ដែរទេ? ស្រទាប់ខ្លាញ់នេះ ជាសត្រូវធំសម្រាប់រាងសង្ហារបស់យើង។ អ្វីគួរចាប់ផ្តើមពេលនេះ រៀបចំកាលវិភាគហាត់ប្រាណទៀងទាត់ និងរៀបចំរបបអាហារ។ កម្ចាត់ខ្លាញ់កើតឡើងក្នុងខ្លួនយើង នឹងធ្វើឲ្យយើងមានរាងរឹងមាំ និងសុខភាពកាន់តែល្អ ជាមួយក្បាលពោះរាបស្មើ។
ជាមធ្យម បុរសមានខ្លាញ់ប្រមាណ ២៨% នៃខ្លួនប្រាណ។ ដើម្បីសម្រកខ្លាញ់ទាំងអស់បាន ត្រូវធ្វើការធ្ងន់បន្តិចហើយ។
បញ្ចុះខ្លាញ់ ត្រូវដុតកាឡូរីឲ្យច្រើនជាងអាហារដែលញ៉ាំ ហើយវិធីសាស្ត្រតែមួយគត់ ត្រូវបន្ថយញ៉ាំឆ្អែតលើសកម្រិត និងហាត់ប្រាណច្រើនជាងមុន។ យកចិត្តទុកដាក់លើអាហារសម្បូរប្រូតេអ៊ីនគ្មានជាតិខ្លាញ់ ដូចជា ទ្រូងមាន់ សាច់គោ ត្រី រួមនឹងបន្លែ។
កែទម្លាប់ទៅញ៉ាំអាហារមានតុល្យភាព ដូចជា ធញ្ញជាតិ ផ្លែឈើ និងអាហារធ្វើពីទឹកដោះគោមានខ្លាញ់ទាប ទៅជាទម្លាប់បរិភោគអាហារប្រចាំ។ តែអាហារមានជាតិស្ករ ជាតិអាល់កុល និងខ្លាញ់ខាប់ ត្រូវតែផ្អាក។
ញ៉ាំអាហារត្រឹម ៣ ពេលក្នុងមួយថ្ងៃ នៅតែមានអារម្មណ៍ឃ្លានក្នុងអំឡុងពេញមួយថ្ងៃ និងពេលហាត់ប្រាណ។ អ៊ីចឹង ត្រូវរៀបចំរបបអាហារឡើងវិញ ដើម្បីគ្រប់គ្រងស្ថានការណ៍ មានផែនការអាហារចម្បង ៣ ពេល និងអាហារសម្រន់ ៣ ពេលបន្ថែមទៀត។
មនុស្សប្រុសគួរស្រូបយកកាឡូរីយ៉ាងហោចណាស់ ១.៨០០ ក្នុងមួយថ្ងៃដើម្បីរក្សាការរំលាយអាហារ ដូច្នេះកុំចេះតែកាត់បន្ថយកាឡូរី ដើម្បីបញ្ចុះខ្លាញ់ឲ្យសោះ។ ដើម្បីដុតបានចំនួនកាឡូរីបានច្រើនជាងមុន និងកសាងសាច់ដុំ ត្រូវបន្ថែមសកម្មភាពខ្លះ និងហាត់យកកម្លាំង សាកល្បង ៣០-៦០ នាទី ហាត់ចង្វាក់បេះដូង ដូចជា រត់ ជិះកង់ រួមទាំងការហាត់បញ្ចេញកម្លាំងខ្លាំងៗ។
ដើម្បីស្រកទម្ងន់ និងមានសាច់ដុំពោះល្អឥតខ្ចោះ យើងត្រូវជំរុញការដុតខ្លាញ់ធម្មជាតិនៅក្នុងខ្លួន គឺសាច់ដុំ។ វិធីល្អបំផុត គឺហាត់កម្លាំង (លើកទម្ងន់) ធ្វើលំហាត់ប្រាណសរសៃឈាមបេះដូង (រត់ ជិះកង់ បង្វិលកង) និងធ្វើលំហាត់ក្បាលពោះ និងឆ្អឹងខ្នង។
គេងគ្រប់គ្រាន់ ផ្តល់ប្រយោជន៍សម្រាប់យុទ្ធនាការសម្រកជាតិខ្លាញ់។ វ័យជំទង់ គួរគេងពី ៧-៩ ម៉ោងក្នុងមួយយប់។ គេងគ្រប់ ក៏អាចរក្សាអ័រម៉ូនគ្រប់គ្រងការឃ្លាន មិនចាំបាច់ពឹងផ្អែកលើអាហារបំផ្លាញគោលដៅរបស់យើង។
ជឿមិនជឿ បើមានគ្នាបានទៅហាត់ប្រាណ ដូចជា សង្សារ ឬពួកម៉ាកអី យើងអាចហាត់ជាប់ បង្កើតជាទម្លាប់។ រឿងរបបអាហារអ៊ីចឹងដែរ បើយើងមានទម្លាប់ជាប្រចាំ នោះក្ដីស្រមៃរាងស្អាត មិនពោះប៉ោង នឹងសម្រេចបាន។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ