ភ្នែក គឺសំខាន់ណាស់សម្រាប់យើងគ្រប់គ្នា ក៏ជាអវយវៈងាយរងគ្រោះបំផុតដែរ ពិសេសក្មេងៗ បើប្រហែសតែបន្តិច អាចនឹងរងរបួសភ្លាម។ យ៉ាងណា យើងត្រូវដឹងថា ពេលរបួសភ្នែក បើមិនចាំបាច់ គឺមិនត្រូវប្រើថ្នាំទេ ហើយកត្តាមួយចំនួន ក៏គួរចៀសវាងដែរ ព្រោះអាចខូចខាតភ្នែកធ្ងន់ធ្ងរ។ “Hello គ្រូពេទ្យ” នឹងពន្យល់ពីបញ្ហារបួសភ្នែកឧស្សាហ៍កើតមាន ក៏ដូចជាវិធីដោះស្រាយត្រឹមត្រូវ ឲ្យគ្នាយើងបានដឹង។
ចង់ចាកចេញពី Hellokrupet?
ប្រាកដហើយថា អ្នកចង់ចាកចេញ?
មានរបួសភ្នែក កុំចេះតែប្រើថ្នាំផ្តេសផ្តាស ប្រយ័ត្នកាន់តែធ្ងន់ធ្ងរ!
១- អ្វីទៅជារបួសភ្នែក?
អ្វីក៏ដោយ ដែលធ្វើឲ្យឈឺចាប់នៅបរិវេណជុំវិញភ្នែក សុទ្ធតែរាប់ថា ជារបួសភ្នែកទាំងអស់ ហើយវាមានករណីជាច្រើនផ្សេងទៀតអាចកើតមាន ខណៈខាងក្រោមនេះ ជាករណីឧស្សាហ៍ជួបប្រទះជាងគេ៖
– ការប៉ះទង្គិចជុំវិញភ្នែក៖ បញ្ហានេះកើតឡើងញឹកញាប់នៅពេលលេងកីឡា ហើយកីឡានាំឲ្យមានបញ្ហានេះច្រើនជាងគេ រួមមាន កីឡាប្រដាល់ ឬកីឡាទាក់ទងនឹងក្បាច់គុន។ កីឡាមិនសូវនាំឲ្យមានបញ្ហារបួសភ្នែក រួមមាន កីឡាបាល់ទាត់ និងកីឡា Baseball ជាដើម ខណៈកីឡាកាន់តែមានគ្រោះថ្នាក់តិចតួចបំផុត រួមមាន កីឡាហែលទឹក លើកទម្ងន់ និងកាយវប្បកម្ម។
– ស្នាមឆ្នូតនៅភ្នែក៖ បញ្ហានេះច្រើនកើតចំពោះក្មេង ដោយសារតែក្មេងរពឹស និងសកម្មខ្លាំង ដូចនេះហើយទើបពេលខ្លះ យើងមិនអាចគ្រប់គ្រងស្ថានភាពរបួសបានល្អ។
– រលាកភ្នែកដោយសារជាតិគីមី៖ ជាទូទៅ សារធាតុក្នុងផ្ទះ ដូចជា សាប៊ូដុះខ្លួន ឬសាប៊ូកកសក់ នៅពេលចូលភ្នែក គឺសុទ្ធតែបង្ករបួសភ្នែក។ ត្រូវទៅពិនិត្យភ្នែក ដើម្បីអាចដឹងថា មានកម្រិតគ្រោះថ្នាក់ដល់ភ្នែកកម្រិតណា។
– របួសដោយសារវិទ្យុសកម្ម៖ បើយើងមិនបានពាក់វ៉ែនតាការពារពន្លឺថ្ងៃ ដើម្បីចៀសពីកាំរស្មី UV ទេ អាចនឹងរលាកភ្នែក ដោយសារតែពន្លឺថ្ងៃ។ ចំពោះការងារវិញ ពិសេស ជាងផ្សារដែក គួរតែពាក់វ៉ែនតា ឬរបាំងការពារភ្នែកពិសេសម្យ៉ាង អាចការពារភ្នែកពីពន្លឺខ្លាំង កើតចេញពីការផ្សារដែកនោះ។
– ឥទ្ធិពលពីខាងក្រៅ៖ ដោយគ្រាន់តែកម្ទេចឈើ ឬដែកតូច គ្រាប់ខ្សាច់ មួយចូលក្នុងភ្នែក ក៏អាចបង្កឲ្យវាមានរបួសដែរ។
អត្ថបទពាក់ព័ន្ធ៖
២- គួរធ្វើម៉េចពេលមានរបួសភ្នែក?
របួសភ្នែកជាទូទៅមិនត្រូវការប្រើថ្នាំទេ ព្រោះវានឹងសម្អាតចេញដោយខ្លួនឯង អំឡុងពេល ២៤ ម៉ោងបន្ទាប់ពីរងរបួស។ ប៉ុន្តែក្នុងករណីខ្លះ យើងមិនអាចទ្រាំការឈឺចាប់បាន អាចប្រើថ្នាំប៉ារ៉ាសេតាម៉ុល ឬអ៊ីប៊ុយប្រូហ្វែន ដើម្បីបន្ធូរការឈឺចាប់នេះ។
បើប្រើកញ្ចក់ដាក់ភ្នែក (Contact lenses) ញឹកញាប់ ត្រូវដោះវាចេញ និងមិនត្រូវប៉ះ ឬញីភ្នែកឡើយ។ ប៉ុន្តែ មិនគួរប្រើកញ្ចក់ដាក់ភ្នែកឡើយនៅពេលមានរបួសនៅភ្នែក ដើម្បីចៀសវាងពីការប៉ះពាល់ច្រើនជាងនេះទៀត។
ចំពោះរបួសដោយសារសារធាតុគីមីវិ គួរតែលាងភ្នែកឲ្យលឿនតាមដែលអាចធ្វើបាន ហើយបើមានអារម្មណ៍មិនស្រួលបន្ទាប់ពីប៉ុន្មានម៉ោងក្រោយ ត្រូវគួរតែទៅជួបគ្រូពេទ្យភ្លាម។
ក្នុងករណីមានកម្ទេចអ្វីមួយនៅក្នុងភ្នែក មិនអាចយកចេញបាន កុំព្យាយាមយកវាចេញដោយខ្លួនឯឲ្យសោះ ព្រោះអាចធ្វើឲ្យបន្ថែមរបួសផ្សេងទៀតលើកែវភ្នែក គួរតែរកជំងឺពីគ្រូពេទ្យជាបន្ទាន់។
ក្នុងករណីរបួសភ្នែកធ្ងន់ធ្ងរ គួរតែទៅជួបគ្រូពេទ្យភ្នែកដើម្បីពិនិត្យមើល។ ដំបូង គ្រូពេទ្យអាចនឹងសួរពីមូលហេតុនាំឲ្យមានរបួស និងពិនិត្យមើលពីកម្រិតធ្ងន់ធ្ងរនៃរបួស។ បន្ទាប់មកគ្រូពេទ្យ អាចនឹងចេញវេជ្ជបញ្ជាឲ្យប្រើថ្នាំផ្សះ ប្រភេទថ្នាំលាប ឬថ្នាំបន្តក់ភ្នែក ដើម្បីការពារពីការបង្ករោគ។ ទោះបីជាការបង្ករោគ កម្រកើតមានក៏ពិតមែន ប៉ុន្តែវាអាចបង្កឲ្យមានគ្រោះថ្នាក់បាន។ បើយើងដឹងពីវិធីការពារ និងព្យាបាលត្រឹមត្រូវ នោះរបួសភ្នែកនឹងមិនវិវត្តន៍ធ្ងន់ធ្ងរឡើយ។
គណនា BMI
ប្រើរង្វាស់សុខភាពBMI ដើម្បីគណនារាងកាយ ទម្ងន់ និងកម្ពស់សមសួន និងសុខភាពល្អ
ប្រុស
ស្រី
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ប្រភព
Eye Injury http://www.nhs.uk/conditions/eye-injuries/Pages/Introduction.aspx Accessed on March 15, 2017.
How to handle common eye injures http://www.allaboutvision.com/conditions/eye-injuries.htm Accessed on March 15, 2017