តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

អេឡិចត្រូលីតជាអ្វី? ពេលបាត់បង់គួរធ្វើម៉េច?

    អេឡិចត្រូលីតជាអ្វី? ពេលបាត់បង់គួរធ្វើម៉េច?

    អេឡិចត្រូលីតមាននាទីរក្សាតុល្យភាពសារធាតុរាវនៅក្នុងរាងកាយ និងជួយបង្កើន​ថាមពល​ឱ្យរាងកាយយើង។ យើងអាចបាត់បង់​អេឡិចត្រូលីត​​​​​តាមរយៈ​ការបែកញើស​ច្រើន រាក ក្អួត ឬបាត់បង់ឈាមជាដើម។ យើងគួរធ្វើម៉េចដើម្បីបំពេញ​អេឡិចត្រូលីត​ឡើងវិញ?

    អេឡិចត្រូលីត គឺជាភាគល្អិតសារធាតុរ៉ែដូចជា សូដ្យូម (អំបិល) ប៉ូតាស្យូម កាល់ស្យូម ក្លរួ ម៉ាញ៉េស្យូម និងផូស្វាតជាដើម ដែលមាននៅក្នុងឈាម និងសារធាតុរាវ​ក្នុង​រាងកាយ​របស់យើង។

    នៅពេលរាងកាយយើងបាត់បង់អេឡិចត្រូលីត យើងនឹងវិលមុខ អស់កម្លាំង ថប់បារម្ភ រមួលសាច់ដុំ ឆាប់ខឹង ញ័របេះដូង វង្វេង សម្ពាធឈាមចុះទាប ឈឺក្បាល ស្រេកទឹក ទល់លាមក និងមានជំងឺឆ្អឹង ជាដើម។

    ចង់គណនារកចង្វាក់បេះដូងលោត ចុចទីនេះ!

    ខាងក្រោមនេះជាអាហារមួយចំនួនដែលយើងអាចញុំាដើម្បីបំពេញអេឡិចត្រូលីតឡើងវិញ៖

    ១. ទឹកដូង

    ទឹកដូងមួយពែងមានផ្ទុកប៉ូតាស្យូមប្រហែល ៦០០​ មិល្លីក្រាម សូដ្យូម ២៥២ មិល្លីក្រាម និងមានជាតិស្ករធម្មជាតិដែលមានប្រសិទ្ធភាពក្នុងការបំពេញថាមពល និង​អេឡិចត្រូលីត​ដែលយើងបាត់បង់ក្រោយពេលបែកញើស​ច្រើន។

    ២. ទំពាំងបាយជូរក្រៀម

    ទំពាំងបាយជូរក្រៀមផ្ទុកទៅដោយប៉ូតាស្យូម កាល់ស្យូម និងម៉ាញេស្យូម ដែលជា​ជម្រើស​ងាយស្រួលក្នុងការបំពេញអេឡិចត្រូលីតឡើងវិញ ប៉ុន្តែយើង​​មិនត្រូវ​ញុំាច្រើន​ពេកទេ។

    ៣. ឪឡឹក

    ឪឡឹកផ្ទុកទៅដោយសារធាតុចិញ្ចឹមល្អៗដូចជា ស្ករធម្មជាតិ ប៉ូតាស្យូម និងទឹក។ យើង​អាចញុំាឪឡឹកដើម្បីបង្កើនថាមពល និងអេឡិចត្រូលីត។

    ៤. អាហារសម្បូរជាតិកាល់ស្យូម

    យើងអាចបង្កើនកម្រិតជាតិកាល់ស្យូមដោយការញ៉ាំអាហារដូចជា ទឹកដោះគោ ទឹក​ដោះ​គោជូរ (យ៉ាអួ) ឈីស បន្លែស្លឹកបៃតង ផ្លែក្រូច បង្គា និង​​សណ្តែកដី។

    អាហារសម្បូរជាតិកាល់ស្យូម

    ៥. អាហារសម្បូរជាតិម៉ាញ៉េស្យូម

    រាងកាយរបស់យើងត្រូវការម៉ាញ៉េស្យូមដើម្បីដំណើរការសាច់ដុំ និងសរសៃប្រសាទ។ អាហារផ្ទុកម៉ាញ៉េស្យូមខ្ពស់មានដូចជាបន្លែស្លឹកបៃតង គ្រាប់ធញ្ញជាតិ គ្រាប់ផ្លែឈើ និងសណ្តែក។

    ៦. អាហារសម្បូរប៉ូតាស្យូម

    អាហារសម្បូរប៉ូតាស្យូមមានដូចជា ផ្លែបឺរ ចេក ដំឡូង ការ៉ុត សាច់គោគ្មានខ្លាញ់ ក្រូច ប៊័រសណ្តែកដី សណ្តែក ត្រីសាល់ម៉ុន ស្ពៃពួយឡេង និង​ប៉េងប៉ោះ។

    ៧. អាហារសម្បូរសារធាតុក្លរួ

    យើងអាចបាត់បង់សារធាតុក្លរួ និងសូដ្យូម ពេលបែកញើសច្រើន។ ដូច្នេះ​យើង​អាចញុំា​អាហារសម្បូរទៅដោយជាតិក្លរួដូចជា សារ៉ាយសមុទ្រ ប៉េងប៉ោះ សាឡាត់ ឬ ខិនឆាយ។

    ៨. បង្កើនវីតាមីន D

    កង្វះ​វីតាមីន D ​អាច​បន្ថយ​កម្រិត​ផូស្វាត និង​កាល់ស្យូម​ក្នុងខ្លួន ដូច្នេះ​យើងអាច​បង្កើន​វីតាមីន D ដោយ​ហាលថ្ងៃ​ប្រហែល ២០ នាទីជារៀងរាល់ថ្ងៃ និងញុំាអាហារ​ដូចជា ​ផ្សិត ​ត្រី​សាល់​ម៉ុន តៅហ៊ូ ស៊ុត និង​សាច់ជ្រូក​គ្មាន​ខ្លាញ់។

    រាងកាយយើងត្រូវការអេឡិចត្រូលីតដើម្បីដំណើរការ ដូច្នេះយើងត្រូវញុំាទឹក​ឱ្យបាន​គ្រប់គ្រាន់ ដើម្បីរក្សាតុល្យភាពអេឡិចត្រូលីតក្នុងខ្លួន។ ការលើស ឬខ្វះអេឡិចត្រូលីតអាចបណ្តាលឱ្យយើងមានបញ្ហាសុខភាពដូចគ្នា។

    health-tool-icon

    គណនា BMI

    ប្រើ​រង្វាស់សុខភាព​BMI ដើម្បី​គណនា​រាងកាយ ទម្ងន់ និង​កម្ពស់​សមសួន និង​សុខភាព​ល្អ

    ប្រុស

    ស្រី

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ប្រភព

    4 Ways to Replenish Electrolytes After Sweating or Working Out
    4 Ways to Replenish Electrolytes After Sweating or Working Out (livestrong.com)

    How to Increase Electrolytes
    https://www.wikihow.com/Increase-Electrolytes

    Electrolyte Imbalance: Symptoms and How to Correct
    https://drjockers.com/electrolyte-imbalance/

    Symptoms of Electrolyte Imbalance, Plus How to Solve It
    https://draxe.com/health/electrolyte-imbalance/

    5 Foods to Replenish Electrolytes
    https://www.pureprotein.com/lifestyle/5-foods-to-replenish-electrolytes/

    រូបថត​របស់​អ្នក​និពន្ធbadge
    ដោយ សុខ វណ្ណ កែសម្រួល​ចុងក្រោយ 28/12/2021
    ត្រួតពិនិត្យដោយ វេជ្ជ. ចាន់ ស៊ីណេត
    Next article: