គ្នាយើងធ្លាប់ប្រើថ្នាំផ្សះអត់? ប្រើក្នុងកាលៈទេសៈបែបណា? គ្នាយើងដឹងទេថាថ្នាំផ្សះមិនមែនចេះតែប្រើតាមការនឹកឃើញនោះទេ។ ការប្រើប្រាស់ថ្នាំផ្សះបានត្រឹមត្រូវ នឹងជួយយើងឆាប់ជាពីរបួស ឬជំងឺដែលបង្កដោយបាក់តេរីផ្សេងៗមិនមែនបង្កដោយវីរុស តែបើយើងប្រើមិនត្រឹមត្រូវនឹងធ្វើឲ្យយើងទៅជាស៊ាំនឹងថ្នាំផ្សះ ហើយនាំឲ្យយើងពិបាកព្យាបាល ឬត្រូវការព្យាបាលយូរជាងមុនជាដើម។
រឿងគ្នាយើងត្រូវដឹងពីការប្រើប្រាស់ថ្នាំផ្សះ
ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ខាងក្រោមនេះ គឺជាការណែនាំរបស់មជ្ឈមណ្ឌលគ្រប់គ្រង និងបង្ការជំងឺរបស់សហរដ្ឋអាមេរិក(CDC) អំពីការប្រើប្រាស់ថ្នាំផ្សះ៖
១.ថ្នាំផ្សះប្រើតែពេលចាំបាច់ និងតាមវេជ្ជបញ្ជា
ថ្នាំផ្សះអាចប្រើបានតែលើការឆ្លងរោគបង្កដោយបាក់តេរី ដូចជា រលាកបំពង់ក(Strep throat) ក្អកមាន់ និងរលាកប្រពន្ធ័ផ្លូវទឺកនោមជាដើម។
ថ្នាំផ្សះមិនមានប្រសិទ្ធភាពលើជំងឺបង្កដោយវីរុសដូចជា៖
- ផ្ដាសាយធម្មតានិងហៀរសម្បោរ ទោះជាមានស្លេស្មច្រើន មានពណ៌លឿង ឬបៃតងជាដើម
- ករណីឈឺក (លើកលែងរលាកបំពង់ក)
- ផ្ដាសាយធំ
- ករណីមួយចំនួនទាក់ទងនឹងជំងឺរលាកទងសួត
ថ្នាំផ្សះក៏មិនចាំបាច់ប្រើពេលយើងឆ្លងរោគធម្មតាបង្កដោយបាក់តេរី ដូចជា ករណីមួយចំនួននៃការឆ្លងរោគនៅSinus ច្រមុះ និងករណីខ្លះនៃការឆ្លងរោគនៅត្រចៀក។
២.ប្រើថ្នាំផ្សះតាមវេជ្ជបញ្ជា
បើសិនជាវេជ្ជបណ្ឌិតចេញវេជ្ជបញ្ជាឲ្យយើងប្រើថ្នាំផ្សះសម្រាប់ព្យាបាលជំងឺយើងត្រូវ៖
- ប្រើថ្នាំផ្សះឲ្យបានត្រឹមត្រូវតាមវេជ្ជបញ្ជា
- ហាមចែករំលែកថ្នាំផ្សះរបស់យើងទៅអ្នកផ្សេងប្រើប្រាស់
- ហាមទុកប្រើនៅពេលក្រោយទៀត
- ហាមទិញថ្នាំផ្សះប្រើខ្លួនឯងតាមវេជ្ជបញ្ជារបស់អ្នកជំងឺផ្សេង។ ការធ្វើដូចនេះនឹងនាំឲ្យជំងឺកាន់តែធ្ងន់ធ្ងរ និងអាចមានផលរំខាន។
បើគ្នាយើងមានចម្ងល់ណាមួយទាក់ទងនឹងថ្នាំផ្សះ ត្រូវសួរនាំគ្រូពេទ្យ ឬឱសថការីឲ្យបានច្បាស់លាស់។
៣.ផលរំខានរបស់ថ្នាំផ្សះ
ផលរំខានកម្រិតស្រាល៖
- កន្ទួលរមាស់
- ចង្អោរ
- រាក និង
- ឆ្លងរោគផ្សិត(Yeast infections)
ផលរំខានកម្រិតធ្ងន់៖
- C. diff infectionដែលបង្កឲ្យមានជំងឺរាកអាចបំផ្លាញពោះវៀនធំធ្ងន់ធ្ងរ និងស្លាប់បាន។
- ប្រតិកម្មអាលែកហ្ស៊ីធ្ងន់ធ្ងរ និងគំរាមកំហែងដល់អាយុជីវិត
- ស៊ាំថ្នាំផ្សះ(Antibiotic-resistant infections)
៤.របៀបថែទាំសុខភាពឲ្យបានល្អ
យើងអាចអនុវត្តវិធីមួយចំនួនដើម្បីជួយការពារយើងចៀសផុតពីជំងឺផ្សេងៗដោយ៖
- លាងសម្អាតដៃឲ្យបានញឹកញាប់
- ប្រើកន្សែង ឬក្រដាស ខ្ទប់មាត់ពេលក្អក ឬកណ្ដាស់
- បើឈឺគួរសម្រាកនៅផ្ទះ
- ហាមយកដៃមិនស្អាតប៉ះពាល់ភ្នែក ច្រមុះ និងមាត់
- ចៀសវាងនៅជិតអ្នកមានជំងឺផ្ដាសាយ ឬជំងឺផ្លូវដង្ហើមផ្នែកខាងលើ
- គួរចាក់វ៉ាក់សាំងការពារជំងឺផ្ដាសាយ
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម