មនុស្សស្រីពិបាកមួយចប់ តែបើនិយាយរឿងសុខភាពពេលពពោះ សម្រាលកូនវិញរឹតតែប្រឈមគ្រោះថ្នាក់ខ្លាំង។ កាលពីសប្តាហ៍មុន Hello គ្រូពេទ្យ បានចេញផ្សាយអំពី សញ្ញាគ្រោះថ្នាក់អំឡុងពពោះ ពេលនេះបងប្អូនស្រីៗយើងទាំងអស់គ្នាមកដឹងពីសញ្ញាគ្រោះថ្នាក់ពេលឈឺពោះ និងសម្រាលកូនវិញម្តង តើមានអ្វីខ្លះ?

១- បែកទឹកភ្លោះ តែមិនឈឺពោះ

កៀក ឬដល់ថ្ងៃសម្រាល ស្រាប់តែម៉ាក់ៗ បែកទឹកភ្លោះមុន ប៉ុន្តែមិនឈឺពោះទាល់តែសោះ ត្រូវតែស្វែងរកជំនួយជាបន្ទាន់។ ក្រោយបែកទឹកភ្លោះយ៉ាងយូរ ១២ ម៉ោង ប្រសិនបើម៉ាក់ៗមិនឈឺពោះ ស្បូនមិនបើក ឬបើកបានតិច នោះគ្រូពេទ្យនឹងអន្តរាគមន៍នូវវិធីផ្សេងៗដើម្បីសង្រ្គោះជីវិតម្តាយ និងកូន។

២- ឈឺពោះរយៈពេលយូរ

ការឈឺពោះខ្លាំង អូសបន្លាយពេលលើសពី ១២ ម៉ោងហើយ នៅតែគ្មានសញ្ញាកើតអាអូនទេ នេះជារឿងគ្រោះថ្នាក់ ដែលអាចសម្លាប់ទាំងម៉ាក់ទាំងកូន។ វិធីដែលសង្គ្រោះបាន មានតែការអន្តរាគមន៍ពីគ្រូពេទ្យជំនាញ។

៣- ធ្លាក់ឈាម

អំឡុងពេលសម្រាលស្ត្រីបាត់បង់ឈាមច្រើនណាស់ ចំពោះម៉ាក់ៗមួយចំនួនដែលខ្សោយ សេ្លកស្លាំង អាចមានគ្រោះថ្នាក់ ប្រឈមនឹងការខ្វះឈាម ត្រូវបញ្ចូលឈាមភ្លាមៗក្រោយសម្រាល។

៤- ទងសុករុំកកូន

ទងសុករុំបេប៊ីតែ១ជាន់មិនមានឧបសគ្គនោះទេ តែបើច្រើនជាន់នឹងពិបាកសម្រាល ព្រោះក្បាលកូនមិនព្រមចុះ ឯចង្វាក់បេះដូងបេប៊ីក៏ធ្លាក់ចុះ បែបនេះមានតែវិធីវះកាត់ទេទើបអាចសង្គ្រោះបាន។

អត្ថបទពាក់ព័ន្ធ៖

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

ម៉ាក់ៗ​ប្រយ័ត្ន​ប្រយែង ទាំងនេះ​ជា​សញ្ញា​គ្រោះថ្នាក់​ពេល​ឈឺពោះ និង​សម្រាល

ម៉ាក់ៗប្រយ័ត្នប្រយែង ទាំងនេះជាសញ្ញាគ្រោះថ្នាក់ពេលឈឺពោះ និងសម្រាល