សម្រាប់ម៉ាក់ប៉ាឥឡូវនេះ មានការយល់ដឹងពីការចាក់វ៉ាក់សាំងមហារីកមាត់ស្បូនច្រើន ហើយក៏នាំកូនស្រីៗ ទៅចាក់ថ្នាំការពារជំងឺដ៏កាចសាហាវមួយនេះច្រើនជាងប៉ុន្មានឆ្នាំមុនដែរ។ នេះបើតាម លោកវេជ្ជបណ្ឌិត អ៊ាវ សុខា ប្រធានផ្នែកជំងឺមហារីក និងជំងឺឈាម នៃមន្ទីរពេទ្យកាល់ម៉ែត ប្រាប់មក Helloគ្រូពេទ្យ។
ដឹងពីប្រភេទវ៉ាក់សាំងមហារីកមាត់ស្បូនសិន ចាំសម្រេចចិត្តចាក់មួយណា
ទន្ទឹមនឹងការយល់ដឹងពីជំងឺដ៏គ្រោះថ្នាក់មួយនេះ យើងក៏គួរតែដឹងពីប្រភេទថ្នាំវ៉ាក់សាំងដែលត្រូវចាក់ផងដែរ ថាតើមានប៉ុន្មានជម្រើស និងមានប្រសិទ្ធភាពខុសគ្នាយ៉ាងដូចម្ដេចខ្លះ? លោកវេជ្ជបណ្ឌិតរូបនេះបានឲ្យដឹងថា៖ “នៅលើពិភពលោកមានវ៉ាក់សាំងពីរប្រភេទ មួយរបស់អឺរ៉ុប និងមួយប្រភេទទៀតជារបស់អាមេរិក”។
ចំពោះប្រសិទ្ធភាពវ៉ាក់សាំងរបស់អឺរ៉ុប និងអាមេរិក មានលក្ខណៈដូចគ្នា ខុសគ្នាត្រង់ថ្នាំអាមេរិក អាចប្រឆាំងទប់ទល់នឹងជំងឺសិរមាន់ ហើយវ៉ាក់សាំងប្រភេទនេះ ប្រើសម្រាប់ប្រទេសណាដែលមានអត្រាកើតជំងឺសិរមាន់នៅលើស្ត្រីខ្ពស់តែប៉ុណ្ណោះ ព្រោះក្នុងថ្នាំអាចការពារជំងឺមហារីកផង និងសិរមាន់ផង។ សម្រាប់ប្រទេសណាដែលគ្មានជំងឺសិរមាន់កម្រិតខ្ពស់ទេ ភាគច្រើនប្រើថ្នាំរបស់អឺរ៉ុប។
អត្ថបទពាក់ព័ន្ធ៖
- ពិតទេ ធ្លាប់រួមភេទហើយចាក់វ៉ាក់សាំងមហារីកមាត់ស្បូនអត់ប្រសិទ្ធភាព?
- មហារីកមាត់ស្បូនសាហាវ ក្មេងស្រីៗអាចចាក់វ៉ាក់សាំងការពារនៅអាយុប៉ុន្មាន?
- ខ្លាចមហារីកមាត់ស្បូនអត់? បើខ្លាចត្រូវស្វែងយល់អំពីវ៉ាក់សាំង HPV
សម្រាប់ប្រទេសកម្ពុជាវេជ្ជបណ្ឌិតរូបនេះ បានឲ្យដឹងថា ប្រហែលជា ២០ ឆ្នាំមុន ស្រីៗមានជំងឺសិរមាន់ច្រើន តែមកដល់ឥឡូវលែងសូវឃើញទៀតហើយ ដូចនេះចាក់ថ្នាំមួយណាក៏ល្អដែរ។
ទាក់ទិននឹងទិន្នន័យអ្នកជំងឺមហារីក លោកគ្រូពេទ្យដដែលបានពន្យល់ថា កម្ពុជាមានអត្រាអ្នកកើតមហារីកខ្ពស់ដោយក្នុងឆ្នាំ ២០១៧-២០១៨ មានចំនួន ១៥.០០០ ករណីថ្មីនៃជំងឺមហារីកទាំងអស់ ក្នុងនោះមហារីកមាត់ស្បូនមានដល់ទៅ ២.៥០០ ទៅ ៣.០០០ ករណីក្នុងមួយឆ្នាំ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម