វះកាត់ ជាមធ្យោបាយមួយ សម្រាប់សម្រាប់ព្យាបាលជំងឺនានា ហើយមធ្យោបាយព្យាបាលបែបនេះ ទាមទារពេទ្យជំនាញ និងមានវិជ្ជាជីវៈច្បាស់លាស់ បើមិនដូច្នេះទេ នឹងបង្កគ្រោះថ្នាក់ ផលវិបាកថ្ងៃក្រោយ ខណៈការសិក្សារបស់អាមេរិក ពេទ្យវះកាត់គ្មានវិជ្ជាជីវៈ បន្សល់ផលវិបាកជាច្រើនដល់អ្នកជំងឺ។

ក្រុមអ្នកស្រាវជ្រាវ បានពិនិត្យលើទិន្នន័យអ្នកជំងឺ ១៣.៥០០នាក់ ដែលវះកាត់ដោយពេទ្យ ២០២នាក់ នៅអាមេរិក ចន្លោះឆ្នាំ២០១២-២០១៦រកឃើញថា អ្នកជំងឺ វះកាត់ជាមួយពេទ្យគ្មានវិជ្ជាជីវៈ ជួបផលវិបាកជាច្រើន ដូចជា ការឆ្លងមេរោគតាមមុខរបួស កំណកឈាម ខ្សោយតម្រងនោម គាំងបេះដូង ប្រឈមជំងឺដាច់សរសៃឈាមខួរក្បាល និងជំងឺរលាកសួត។ ការសិក្សានេះ ចេញផ្សាយលើ កាសែតវេជ្ជសាស្ត្រ Webmd។

បើធៀបជាមួយអ្នកជំងឺវះកាត់ដោយពេទ្យមានវិជ្ជាជីវៈច្បាស់លាស់ ត្រូវគេរាយការណ៍ថា ផលវិបាក គឺទាបជាការវះកាត់ជាមួយពេះគ្មានវិជ្ជាជីវៈ ពី ១-៣ ដង ប្រឈមនឹងផលវិបាកត្រឹម ១៨% ខណៈអ្នកជំងឺ វះកាត់ជាមួយពេទ្យមានវិជ្ជាជីវៈ ៤ ដងឡើងទៅ ប្រឈមនឹងផលវិបាក ៣២ ភាគរយ។ ក្នុងការសិក្សានេះដូចគ្នា ពេទ្យវះកាត់ជាបុរស ត្រូវគេរកឃើញថា ធ្វើការដោយគ្មានវិជ្ជាជីរៈ ច្រើនជាងពេទ្យជាស្ត្រី។

អត្ថបទពាក់ព័ន្ធ៖

គួរបញ្ជាក់ថា ពេទ្យវះកាត់គ្មានវិជ្ជាជីវៈ មិនសំដៅលើពេទ្យមិនបានបញ្ចប់ការសិក្សាទេ គឺសំដៅលើពេទ្យមានទម្លាប់មិនល្អ ឬមិនសុវត្ថិភាពនៅក្នុងបន្ទប់វះកាត់ ទំនាក់ទំនងដោយគ្មានការគោរពជាមួយសហការី និងកង្វះការយកចិត្តទុកដាក់ជាមួយអ្នកជំងឺ។ បញ្ហាគ្មានវិជ្ជាជីវៈនេះ នាំឲ្យប្រសិទ្ធភាពការងាររបស់ក្រុមពេទ្យវះកាត់ ធ្លាក់ចុះ និងបន្សល់ផលវិបាកដល់អ្នកជំងឺ នាពេលខាងមុខ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

វះកាត់​ទាំងគ្មានវិជ្ជាជីវៈត្រឹមត្រូវ អ្នកជំងឺនឹង​រង​ផល​ពិបាកកាន់តែច្រើន

វះកាត់ទាំងគ្មានវិជ្ជាជីវៈត្រឹមត្រូវ អ្នកជំងឺនឹងរងផលពិបាកកាន់តែច្រើន