ប្រេងកញ្ឆា ត្រូវប្រើប្រាស់ជាយូរមកហើយ ដើម្បីជួយសម្រួលការឈឺចាប់ បញ្ហាថប់បារម្ភ បាក់ទឹកចិត្ត និងប្រយុទ្ធប្រឆាំងជំងឺមហារីក។ នៅថៃ សមាគម Khao Kwan បញ្ជាក់ថា អ្នកជំងឺមហារីក ស្លាប់ មិនអាចតស៊ូជាមួយការឈឺចាប់ខ្លាំងពីរោគមហារីក ក្រោយរដ្ឋាភិបាលដាក់បម្រាមលើការប្រើប្រាស់ប្រេងកញ្ឆា។
អ្នកជំងឺមហារីកថៃ ស្លាប់ជាបន្តបន្ទាប់ ដោយសារគ្មានប្រេងកញ្ឆាប្រើ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
លោក Pipat Mongkolkerd មន្រ្តីសមាគម Khao Kwan ដែលតែងតែចែកចាយប្រេងកញ្ឆា ទៅអ្នកកាន់ជំងឺមហារីក លើកឡើងថា យ៉ាងតិច អ្នកជំងឺមហារីកម្នាក់ ស្លាប់ក្នុងមួយថ្ងៃ ដោយសារគ្មានប្រេងនេះ សម្រាប់ប្រើប្រាស់ ក្រោយអាជ្ញាធរដាក់បម្រាមលើការប្រើប្រាស់ប្រេងនេះ អស់រយៈពេល ប្រមាណ ៤ខែមកហើយ។
លោកបន្ដថា ក្រោយលោក Decha Siriphat ប្រធានសមាគម ត្រលប់មកពីបរទេសវិញ លោកនឹងស្នើទៅលោករដ្ឋមន្រ្តីសុខាភិបាលថៃ ដើម្បីពន្លឿនការឯកភាពលើការប្រើប្រាស់រូបមន្តប្រេងកញ្ឆារបស់សមាគម។ បច្ចុប្បន្ន គណៈកម្មាធិការវាយតម្លៃ បានឯកភាពលើរូបមន្តនេះហើយ ប៉ុន្ដែត្រូវការការឯកភាពពីគណៈកម្មាធិការ ២ទៀត ទើបសមាគមអាចចែកចាយប្រេងនេះ ទៅអ្នកជំងឺមហារីក។
អត្ថបទពាក់ព័ន្ធ៖ ថៃប្រើកញ្ឆាព្យាបាលជំងឺថប់បារម្ភ និងអាការៈឈឺឆាប់ផ្សេងៗ
លោកបន្ថែមថា ចាប់តាំងការដាក់បម្រាមលើការប្រើប្រាស់ប្រេងកញ្ឆា អ្នកជំងឺ ប្រមាណ ៤០.០០០នាក់ កំពុងត្រូវការប្រេងនេះ ប្រើប្រាស់យ៉ាងខ្លាំង ប៉ុន្ដែសមាគម ពុំអាចប្រគល់ជូនអ្នកជំងឺបានទេ។ ពេលនេះ សមាគម កំពុងរងចាំការឯកភាពពីគណៈកម្មាធិការប្រើប្រាស់កញ្ឆាសម្រាប់ឱសថបុរាណ និងគណៈកម្មាធិការគ្រប់គ្រងសារធាតុញៀន។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម