ជនជាតិខ្មែរ២នាក់នៅប្រទេសកូរ៉េខាងត្បូង ឆ្លងវីរុស COVID-19 នេះតាមស្ថានទូតកម្ពុជាប្រចាំសាធារណរដ្ឋកូរ៉េ។ ជនជាតិខ្មែរទាំង២នាក់នោះ ជានារីខ្មែររៀបការជាមួយប្តីជនជាតិកូរ៉េអាយុ២៣ឆ្នាំ និងម្តាយអាយុ ៤៦ឆ្នាំ រស់នៅទីក្រុងប៊ូឆុន ស្ថិតនៅចម្ងាយប្រមាណ ២០គីឡូម៉ែត្រ ពីទីក្រុងសេអ៊ូល។ បើតាមព័ត៌មានពីស្ថានទូត កូនប្រុសរបស់ស្រ្តីខ្មែរ និងស្វាមីជនជាតិកូរ៉េរូបនេះទើបមានអាយុ៣ខែ ក៏មានផ្ទុកវីរុស COVID-19 ដែរ។

ស្ត្រីខ្មែរអាយុ ២៣ឆ្នាំ ខាងលើបានឆ្លងវីរុស COVID-19 ពីប្តី ហើយបច្ចុប្បន្នក្រុមគ្រូពេទ្យកូរ៉េបានបញ្ជូនអ្នកឆ្លងទាំងនោះទៅមន្ទីរពេទ្យ ម្យ៉ុងជី នៅអ៊ីលសាន ដើម្បីពិនិត្យ និងព្យាបាល។

បច្ចុប្បន្នស្ថានទូតខ្មែរបាន និងកំពុងប្រមូលព័ត៌មានច្បាស់ការបន្ថែមទៀត និងសម្របសម្រួលជាមួយក្រសួងការបរទេសកូរ៉េ អាជ្ញាធរសុខាភិបាល និងកំពុងបញ្ជូនមន្ត្រីចុះទៅមន្ទីរពេទ្យ ដើម្បីតាមដានសុខភាពអ្នកជំងឺ។

សូមបញ្ជាក់ថា ប្តីរបស់ស្ត្រីខ្មែរខាងលើបានពិនិត្យឃើញមានវិជ្ជមាន COVID-19 នៅថ្ងៃទី៧ ខែមីនា ឆ្នាំ២០២០ ហើយត្រូវបានដាក់ឲ្យនៅដោយឡែក និងព្យាបាលជិតជាសះស្បើយរួចទៅហើយ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

ស្ត្រីខ្មែរ២នាក់ និង​កូនប្រុសអាយុ៣ខែ នៅកូរ៉េខាងត្បូង​ឆ្លងវីរុស COVID-19

ស្ត្រីខ្មែរ២នាក់ និងកូនប្រុសអាយុ៣ខែ នៅកូរ៉េខាងត្បូងឆ្លងវីរុស COVID-19