ឮពាក្យ “សាប់” ភ្លាម ប្រុសៗ ជាពិសេសគ្នាយើងខិលៗ ប្រាកដជាដឹងភ្លែតថា ចង់និយាយពីអីហើយ។ សាប់ សំដៅការសម្រេចកាមដោយប្រើដៃ ឬឧបករណ៍ជំនួយផ្សេងៗ រហូតដល់បាញ់ទឹកកាមចេញ។ គ្នាយើងដែលឧស្សាហ៍សាប់ មិនតិចនាក់ទេ កំពុងបារម្ភខ្លាចខ្លួនឯងអាចអត់កូននៅថ្ងៃក្រោយ។ ចង់ដឹងច្បាស់ ស្ដាប់ “Hello គ្រូពេទ្យ” បកស្រាយខាងក្រោម។

ការពិតទៅ សាប់ញឹកញាប់គ្មានផលប៉ះពាល់ច្រើនដល់ការមានកូនទេ ព្រោះសុខភាពប្រុសៗខុសគ្នា។ អ្នកខ្លះសុខភាពល្អ សាប់រាល់ថ្ងៃ ក៏នៅតែមានមេជីវិតគ្រប់គ្រាន់សម្រាប់បង្កកំណើតដែរ តែអ្នកខ្លះវិញ ត្រូវហាមដៃខ្លួនឯងយ៉ាងហោចណាស់ ៣ ថ្ងៃ ទើបមានមេជីវិតគ្រប់គ្រាន់សម្រាប់បង្កកំណើតមានកូនប្រើនឹងគេ។ ប៉ុន្តែ បើគ្នាយើងមានគម្រោងយកកូន គួរកាត់បន្ថយធ្វើបែបនេះ ដើម្បីបម្រុងមេជីវិតសម្រាប់បង្កកំណើត។

១- សាប់ហើយ មានរឿងអីកើតឡើង?

ពេលសាប់ដល់ត្រើយ ទឹកកាមបាញ់ចេញ ដែលនេះធ្វើឲ្យមេជីវិតសម្រាប់បង្កកំណើតថយថុះ។ ជាទូទៅ រាងកាយគ្នាយើងត្រូវការពេលសម្រាប់ផលិតមេជីវិតថ្មីៗ ហើយគ្នាយើងដែលឧស្សាហ៍សាប់មួយថ្ងៃម្ដង តែងមានកម្រិតចំនួនមេជីវិតតិចជាងអ្នកដែលគេមិនសាប់។ បើចង់បានកូន គួរតមដៃខ្លួនឯង ទុកមេជីវិតបង្កកំណើតជាមួយដៃគូ។

ចំពោះស្រីៗវិញ ការសម្រេចកាម មានឥទ្ធិពលខ្លាំងមែនទែនលើលទ្ធភាពអត់កូន។ ការពិតទៅ អំឡុងពេលដល់កំពូល មាត់ស្បូនរបស់ស្រីៗ ធ្លាក់មកជិតមាត់ទ្វារមាស ដែលអំណោយផលដល់មេជីវិតឈ្មោលចូលទៅបង្កកំណើត។ ប៉ុន្តែ ពេលរួមភេទ បើស្រីៗដល់កំពូលមុនប្រុសៗវិញ ជាតិអាស៊ីដរបស់ទ្វារមាស អាចជ្រាបចូលទៅក្នុងមាត់ស្បូន ហើយជាតិអាស៊ីដនោះកាត់បន្ថយបរិមាណមេជីវិតឈ្មោលទៀតផង។

សម្រេចកាម

២- ចង់រក្សាមេជីវិតឲ្យបានច្រើន ត្រូវធ្វើម៉េច?

បើចង់ឲ្យមានមេជីវិតល្អច្រើន មានវិធីជាច្រើន រួមមាន ស្លៀកខោក្នុងរលុងៗកុំរឹបពេក ហើយរឿងបារី ផឹកស្រា បើឈប់បាន ឈប់ទៅ។ មេជីវិតច្រើនកាលណា គឺល្អកាលហ្នឹង ព្រោះលទ្ធភាពមានកូនកាន់តែខ្ពស់។

៣- តេស្តរាប់មេជីវិត

បើគិតថា យើងមានមេជីវិតតិចតួច ហើយពិបាកយកកូននោះ ឆាប់ទៅពេទ្យឯកទេសពិភាក្សា និងធ្វើតេស្តរាប់ចំនួនមេជីវិត ឆែកសុខភាពបន្តពូជ។ ជាទូទៅ តេស្តនេះត្រូវការទឹកកាមផ្ទាល់គ្នាយើងផ្ទាល់ម្ដងយកវិភាគ។

៤- វិធីបង្កើនមេជីវិត

ចំនួន និងគុណភាពមេជីវិត ជាកត្តាសំខាន់ បើចង់ឲ្យមានកូនឆាប់។ វិធីសាស្ត្រធម្មជាតិចម្បងនោះ គឺចំណីអាហារ។ បន្លែ ផ្លែឈើ អាហារមានរ៉ែ ឬថ្នាំគ្រាប់វីតាមីនគ្រប់គ្រាន់ អាចជួយបង្កើនបរិមាណមេជីវិតបាន។

ការសិក្សាថ្មីៗចុងក្រោយរកឃើញថា រ៉ែស័ង្កសី និងអាស៊ីដហ្វូលិច អាចជួយផលិតមេជីវិត ខណៈដែលពេទ្យក៏បានបង្ហាញថា សារធាតុទាំងនេះមានផលល្អសម្រាប់ការលូតលាស់ទារកក្នុងផ្ទៃដែរ។ ការរក្សាចំនួនមេជីវិតឲ្យមានកម្រិតខ្ពស់ អាចបង្កើនអត្រាមានកូន។ ដូច្នេះ ប្រុសៗគ្នាយើង តមដៃខ្លះផងទៅ បើអាច។

ល្បីថា​ប្រុសៗ​សម្រេចកាមញឹក អាចអត់មាន​កូន?

១- សាប់ហើយ មានរឿងអីកើតឡើង?

២- ចង់​រក្សាមេជីវិតឲ្យបានច្រើន ត្រូវធ្វើម៉េច?

៣- តេស្តរាប់មេជីវិត

៤- វិធីបង្កើនមេជីវិត

ល្បីថាប្រុសៗសម្រេចកាមញឹក អាចអត់មានកូន?

២- ចង់រក្សាមេជីវិតឲ្យបានច្រើន ត្រូវធ្វើម៉េច?