home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

ផឹកទឹកក្រោយភ្ញាក់ពីគេងភ្លាម ជួយកម្ចាត់ជាតិពុលពីរាងកាយ

ផឹកទឹកក្រោយភ្ញាក់ពីគេងភ្លាម ជួយកម្ចាត់ជាតិពុលពីរាងកាយ

ការ​​គេង​អស់​ពេល​ប្រាំ​មួយ​ទៅ​ប្រាំ​បី​ម៉ោង​ក្នុង​មួយ​យប់ ជា​ពេល​វេលា​មួយ​ដែល​រាង​កាយ​យើង​មិន​បាន​ទទួល​ជាតិ​ទឹក​បន្ថែម​នោះ​ទេ​។ ការ​ផឹក​ទឹក​មួយ​កែវ​ក្រោយ​ពី​ភ្ញាក់​ពី​គេង​ភ្លាម​នឹង​ជួយ​​បំពេញ​ជាតិ ទឹក​ដល់​រាង​កាយ​ ក៏​ដូច​ជា​ជួយ​សម្រួល​ដល់​ប្រព័ន្ធ​រំលាយ​អាហារ​ដែរ​ និង​ប្រយោជន៍​ផ្សេងៗ​ទៀត​។​

១. ជួយ​ប្រព័ន្ធ​រំលាយអាហារ និង​កម្ចាត់​ជាតិ​ពុល

ការ​ផឹក​ទឹក​​ភ្លាម​ៗ​ក្រោយ​ភ្ញាក់​ពី​គេង​មិនបាន​ជួយ​អ្វី​ច្រើន​ដល់​ការ​ដុត​កាឡូរី​នោះ​ទេ តែ​វា​ពិត​ជា​បាន​ជួយ​ដល់​ដំណើរ​ការ​មេតាប៉ូលិស​ក្នុង​រាង​កាយ ឲ្យ​​ដំណើរ​ការ​បាន​ល្អ​។

អ្នក​ជំនាញ​​ផ្នែក​អាហារូបត្ថម្ភ​បាន​លើក​ឡើង​ថា​ក្រៅពី​ការ​បំពេញ​ជាតិ​ទឹក​ឲ្យ​រាង​កាយ ការ​ញ៉ាំទឹក​មួយ​កែវ​ក្រោយ​ភ្ញាក់​ពី​គេង ក៏​ជួយ​កម្ចាត់​បាក់តេរី​អាក្រក់​ចេញពី​ប្រព័ន្ធ​រំលាយ​អាហារ​ដែរ​។ ការណ៍​នេះ​នឹង​ធ្វើ​ឲ្យ​បាក់តេរី​ល្អ​ក្នុង​ពោះវៀន​លូតលាស់​បាន​ល្អ​​។​ ក្រៅពី​នេះ ការ​ផឹក​ទឹក​ក៏​ជួយ​ឲ្យ​​យើង​បត់ជើង​តូច​ច្រើន និង​បទ​ជើង​ធំ​បាន​ច្រើន​ដែរ ដែល​អ្វី​ទាំង​នេះ​ជា​វិធី​បញ្ចេញ​កាក​សំណល់​ពី​រាង​កាយ​។ ការ​បញ្ចេញ​កាក​សំណល់​ពី​រាង​កាយ គឺ​ជា​ការ​កម្ចាត់​ជាតិ​ពុល​ពី​ប្រព័ន្ធ​រំលាយ​អាហារ​​។

២. ជួយ​ពង្រឹង​ភាព​ស្វាហាប់​

​ពេល​យើង​មាន​អារម្មណ៍​អស់កម្លាំង គ្មាន​ថាមពល​ក្នុង​ខ្លួន អាច​មកពី​យើង​ខ្វះ​ជាតិទឹក​។ ជាតិទឹក​ជួយ​គ្រប់​គ្រង​ដំណើរ​ការ​រាង​កាយ និង​ខួរក្បាល​។ ដូច​គ្នា​ដែរ ជាតិទឹក​ក៏​ជួយ​រក្សា​លំនឹង​ផ្នែក​អារម្មណ៍​​ផង​ដែរ​។

បន្ទាប់​ពី​មិន​មាន​អ្វី​ចូល​ពោះ​អស់​ជា​ច្រើន​ម៉ោង ការ​ញ៉ាំ​អ្វី​ចូល​ពោះ​ដំបូង​គេ​នឹង​ពញ្ញាក់​ដល់​រាង​កាយ ហើយ​ការ​ផឹក​ទឹក​នឹង​ជួយ​ជំរុញ​​ដល់​ភាព​ស្វាហាប់​របស់​យើង​។

ញ៉ាំទឹកពេលព្រឹក

​​៣. ផ្ដល់​ថាមពល​ដល់​ខួរក្បាល

​ផឹក​ទឹក​ភ្លាម​ក្រោយ​ភ្ញាក់​ពី​គេង​ ក៏​ជួយ​ផ្ដល់​ថាមពល​ដល់​ខួរ​ក្បាល​ដែរ​។ ខួរ​ក្បាល​​យើង​កើត​ឡើង​ពី​ជាតិទឹក​​រហូត​ដល់​៧៣ភាគ​រយ ដូច​នេះ​ហើយ​បាន​ជា​ការ​រក្សា​ជាតិ​ទឹក​បាន​គ្រប់​គ្រាន់​ចាំ​បាច់​ក្នុង​ការ​ជួយ​ឲ្យ​ខួរ​ក្បាល​ដំណើរ​ការ​បាន​ល្អ​។​

៤. ការពារ​ជំងឺ​

​ពេល​យើង​កំពុង​គេង រាង​កាយ​ក៏​ចាប់​ផ្ដើម​ជួស​ជុល​ឡើង​វិញ និង​ស្ដារ​អារម្មណ៍​ឡើង​វិញ​ដែរ​។ អំឡុង​ពេល​គេង ប្រព័ន្ធ​ភាព​ស៊ាំ​ក៏​ពិបាក​ក្នុង​ការ​កម្ចាត់​ជាតិពុល​ចេញ​ពី​រាង​កាយ​។ ការ​ផឹកទឹក​បាន​គ្រប់​គ្រាន់ អាច​ជួយ​បង្កើន​ល្បឿន​​ដំណើរ​ការ​រាង​កាយ​ឲ្យ​បញ្ចេញ​ជាតិ​ពុល​ពី​ក្នុង​ខ្លួន​។

​ក្រៅពី​ខួរ​ក្បាល ការ​បំពេញ​ជាតិទឹក​ក៏​មាន​ប្រយោជន៍​ដល់​បេះដូង​ តម្រង​នោម និង​សួត។ កាលណា​អ្វី​ទាំង​នេះ​មាន​សុខ​ភាព​ល្អ ដំណើរ​ការ​បាន​ល្អ នោះ​រាង​កាយ​ក៏​មាន​សុខ​ភាព​ល្អ​ មិន​ឈឺ​ដូច​គ្នា​ដែរ​។

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

https://www.businessinsider.com/executives-drink-water-when-they-wake-up-2016-9

https://www.lifehack.org/449117/when-you-drink-water-on-an-empty-stomach-after-waking-up-these-8-amazing-things-will-happen

https://www.usatoday.com/story/news/health/2020/01/23/water-every-morning-first-thing-has-health-benefits-experts-say/4530408002/

 

រូបថត​របស់​អ្នក​និពន្ធbadge
ដោយ ទូច សុខា កែសម្រួល​ចុងក្រោយ 4 weeks ago
ត្រួតពិនិត្យដោយ វេជ្ជ. វេជ្ជ. ចាន់ ស៊ីណេត
x