ពិតណាស់ យើងទាំងអស់គ្នាសុទ្ធតែធ្លាប់ជួបប្រទះបញ្ហាទល់លាមកម្ដងម្កាល។ ក្រៅពីបញ្ហាកង្វះជាតិទឹក ការញ៉ាំអាហារជាតិសរសៃតិចតួច ស្រ្តេស ឬការញ៉ាំអាហារដែលធ្វើពីទឹកដោះគោច្រើនពេក ក៏នៅមានកត្តាជាច្រើនទៀតដែលបណ្ដាលឲ្យគ្នាយើងចេះតែទល់លាមក។ នៅពេលដែលយើងមានអារម្មណ៍ហើមពោះ ឬមិនស្រួលពោះ ការធ្វើរឿងរ៉ាវមួយចំនួនអាចនឹងនាំឲ្យស្ថានភាពកាន់តែយ៉ាប់យ៉ឺន។ នៅក្នុងករណីដែលយើងជួបបញ្ហាទល់លាមក ចូរជៀសវាងធ្វើរឿងខាងក្រោមនេះ។

១. ញ៉ាំអាហារកែច្នៃ

សូម្បីតែអាហារកែច្នៃជាទូទៅក៏អាចប៉ះពាល់ដល់សុខភាពរបស់យើងបានដែរ ដូច្នេះហើយ នៅ ពេលដែលយើងទល់លាមក ចូរនៅឲ្យឆ្ងាយពីអាហារទាំងនេះ។ ជាក់ស្ដែង អាហារកែច្នៃ ឬអាហារសម្រន់មានជាតិខ្លាញ់ខ្ពស់ ដែលអាចពន្យឺតការរំលាយអាហារ។ បន្ថែមពីនេះ វាក៏ផ្ទុកជាតិFructans កាបូអ៊ីដ្រាត ដែលអាចបំផ្លាញដល់ដំណើរការរំលាយអាហារពីធម្មជាតិ។ ហេតុនេះហើយ គ្នាយើងគប្បីជៀសវាងការញ៉ាំនំប៉័ង ប៉ាស្តា មី និងរាល់អាហារវេចខ្ចប់ទាំងអស់ និងជំនួសដោយការញ៉ាំអាហារដែលមានជាតិសរសៃខ្ពស់ ទើបជាការប្រសើរ។

២. កង្វះសកម្មភាពរាងកាយ

នៅពេលដែលយើងមានអារម្មណ៍ឆ្អែតខ្លាំង យើងប្រាកដជាស្វែងរកកន្លែងសម្រាកមិនខាន។ ប៉ុន្តែ ទង្វើនេះ ធ្វើឲ្យប៉ះពាល់ដល់ការដល់រំលាយអាហារយ៉ាងខ្លាំង។ នៅពេលដែលយើងអសកម្ម វាអាចពន្យឺតចលនានៃអាហារនៅក្នុងបំពង់រំលាយអាហារ។ ដូច្នេះ យើងគប្បីបញ្ចេញសកម្មភាពរាងកាយស្រាលៗដូចជាឡើងចុះកាំជណ្ដើរ ឬហាត់យូហ្គា ដើម្បីជួយជំរុញដល់សាច់ដុំពោះ ដែលធ្វើឲ្យយើងបន្ទោបង់បានស្រួល។

៣. ញ៉ាំអាហារធ្វើពីទឹកដោះគោ

ផលិតផលដែលធ្វើពីទឹកដោះគោ អាចធ្វើឲ្យយើងមានអារម្មណ៍ហើមពោះ និងទល់លាមក។ នៅពេលដែលយើងជួបប្រទះបញ្ហាទាំងនេះ វាអាចនឹងបណ្ដាលឲ្យស្ថានភាពរបស់យើងកាន់តែធ្ងន់ធ្ងរ។ ផលិតផលទាំងនេះមានដូចជាទឹកដោះគោជូរ ទឹកដោះគោ និងការ៉េមជាដើម ដែលអាចបណ្ដាលឲ្យយើងកាន់តែពិបាកក្នុងការបន្ទោបង់។

ទល់លាមក២

៤. ប្រើប្រាស់ថ្នាំបំបាត់ការឈឺចាប់

ជាមួយគ្នានេះដែរ ថ្នាំបំបាត់ការឈឺចាប់មួយចំនួន ក៏អាចជះឥទ្ធិពលដល់ការបន្ទោបង់របស់យើងផងដែរ។ ថ្នាំទាំងនេះអាចពន្យឺតការកន្ត្រាក់នៃប្រព័ន្ធរំលាយអាហារ ដែលធ្វើឲ្យយើងពិបាកបន្ទោបង់។ ប្រសិនបើគ្នាយើងប្រើប្រាស់ប្រភេទថ្នាំណាមួយ ហើយតែងតែជួបបញ្ហាទល់លាមកនោះ ចូរពិគ្រោះយោបល់ជាមួយនឹងគ្រូពេទ្យជំនាញ។

៥. ញ៉ាំគ្រឿងស្រវឹង ឬភេសជ្ជៈមានជាតិកាហ្វេអ៊ីន

កង្វះជាតិទឹកគឺជាមូលហេតុចម្បងដែលធ្វើឲ្យយើងមានបញ្ហាទល់លាមក។ គ្រឿងស្រវឹងគឺជាថ្នាំបញ្ចុះទឹកនោម ដែលធ្វើឲ្យរាងកាយរបស់យើងបញ្ចេញជាតិទឹកពីក្នុងឈាម តាមរយៈប្រព័ន្ធតម្រងនោម។ កត្តានេះនឹងធ្វើឲ្យយើងបាត់បង់ជាតិទឹកយ៉ាងច្រើន។ រីឯកាហ្វេក៏មានឥទ្ធិពលស្រដៀងគ្នាដែរ។ ដូច្នេះហើយ ប្រសិនបើគ្នាយើងចង់បន្ទោបង់ស្រួល ចូរជៀសវាងប្រភេទភេសជ្ជៈទាំងនេះ។

អ្នក​កំពុង​ជួប​បញ្ហា​ទល់​លាមក​ ហាម​ធ្វើ​រឿង​ទាំង​នេះ​ដាច់​ខាត​​​

​១. ញ៉ាំ​អាហារ​កែច្នៃ​

២. កង្វះ​សកម្មភាព​រាងកាយ​

៣. ញ៉ាំ​អាហារ​​ធ្វើ​ពី​ទឹក​ដោះ​គោ​

៤. ប្រើប្រាស់​ថ្នាំ​បំបាត់​ការ​ឈឺ​ចាប់​

៥. ញ៉ាំ​គ្រឿង​ស្រវឹង​ ឬ​ភេសជ្ជៈ​​មាន​ជាតិ​កាហ្វេអ៊ីន​

អ្នកកំពុងជួបបញ្ហាទល់លាមក ហាមធ្វើរឿងទាំងនេះដាច់ខាត

១. ញ៉ាំអាហារកែច្នៃ

២. កង្វះសកម្មភាពរាងកាយ

៣. ញ៉ាំអាហារធ្វើពីទឹកដោះគោ

៤. ប្រើប្រាស់ថ្នាំបំបាត់ការឈឺចាប់

៥. ញ៉ាំគ្រឿងស្រវឹង ឬភេសជ្ជៈមានជាតិកាហ្វេអ៊ីន