home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

ញ៉ាំ​សាច់​ច្រើន​ មិនសូវញ៉ាំបន្លែ អាចមានបញ្ហាសុខភាពទាំងនេះ

ញ៉ាំ​សាច់​ច្រើន​ មិនសូវញ៉ាំបន្លែ អាចមានបញ្ហាសុខភាពទាំងនេះ

ទោះ​បី​ជា​សាច់​ជា​ផ្នែក​មួយ​ដ៏​សំខាន់​​នៅ​ក្នុង​របប​អាហារ​ក៏​ពិត​មែន​ ប៉ុន្តែ​ការ​ញ៉ាំ​សាច់​ច្រើន​​ជ្រុល​ក៏​អាច​ផ្ដល់​ផល​ប៉ះពាល់​ដល់​សុខភាព​របស់​យើង​ដូច​គ្នា​។ ខាង​ក្រោម​នេះ​ គឺ​ជា​ហានិភ័យ​សុខភាព​មួយ​ចំនួន​ដែល​កើត​ឡើង​​ នៅ​ពេល​ដែល​យើង​ញ៉ាំ​​សាច់​ច្រើន​។

១. ក្រួស​តម្រង​នោម​

ប្រូតេអ៊ីន​នៅ​ក្នុង​​សត្វ​សាច់​​មាន​សមាសធាតុ​ជាច្រើន​ ដែល​ហៅ​ថា​ Purine ហើយ​វា​នឹង​បំបែក​ទៅ​ជា​អាស៊ីដUric។​ នៅ​ពេល​ដែល​រាងកាយ​យើង​ផ្ទុក​អាស៊ីដ​មួយ​ប្រភេទ​នេះ​ច្រើន​ជ្រុល​ វា​អាច​​វិវត្ត​​ទៅ​ជា​ក្រួស​តម្រង​នោម។​ យ៉ាង​ណា​មិញ​ គ្នា​យើង​គប្បី​ញ៉ាំ​សាច់​នៅ​ក្នុង​បរិមាណ​សម​ល្មម​ និង​ញ៉ាំ​ទឹក​ឲ្យ​បាន​ច្រើន​ ដើម្បី​បង្ការ​ក្រួស​តម្រង​នោម​។

២. កង្វះ​ជាតិ​ទឹក​

ពីព្រោះ​​តែ​បរិមាណ​លើស​នៃ​អាស៊ីដ​Uric យើង​អាច​នឹង​មាន​អារម្មណ៍​ស្រេក​ទឹក​​លើស​ពី​ធម្មតា​។​ ពិត​ណាស់​ ​តម្រង​នោម​របស់​យើង​ត្រូវការ​ទឹក​ដើម្បី​រំលាយ​កាកសំណល់​ពុល​ ដូច្នេះ​ហើយ​ យើង​ចាំបាច់​ញ៉ាំ​ទឹក​​ឲ្យ​បាន​ច្រើន​ តាម​ដែល​អាច​ធ្វើ​ទៅ​បាន​។

៣. ទល់​លាមក​

អាហារ​ដែល​ធ្វើ​ពី​សាច់​មាន​ផ្ទុក​ប្រូតេអ៊ីន​ច្រើន​ ប៉ុន្តែ​វា​មិន​មាន​ជាតិ​សរសៃ​ឡើយ​។​ ជា​ទូទៅ​ ការ​ទល់​លាមក​ និង​ឈឺ​ចាប់​​ពេល​បន្ទោបង់​ អាច​ជា​សញ្ញា​ដំបូង​ ដែល​បង្ហាញ​ថា​យើង​ញ៉ាំ​អាហារ​ដែល​មាន​ជាតិ​សរសៃ​ទាប។​ ដូច្នេះ​ហើយ​ គ្នា​យើង​គប្បី​បន្ថែម​អាហារ​ដែល​មាន​ជាតិ​សរសៃ​ដូចជា​ ផ្លែឈើ បន្លែ និង​គ្រាប់​ធញ្ញជាតិ​ទាំង​មូល​ ។​

៤. ឈឺ​ក្បាល​

កង្វះ​ជាតិ​ទឹក​ក៏​អាច​បណ្ដាល​ឲ្យ​យើង​ឈឺ​ក្បាល​​ដែរ​។​ វា​ធ្វើ​ឲ្យ​ឈាម​កាន់​តែ​ខាប់ ដោយ​​កាត់បន្ថយ​លំហូរ​អុកស៊ីសែន​ទៅ​ក្នុង​ខួរ​ក្បាល​។​ ម្យ៉ាង​វិញ​ទៀត​ ផលិតផល​សាច់​មួយ​ចំនួន​ដូចជា​Hotdog សាច់​ក្រក​ជ្រូក​ (Salami) ផ្ទុក​សារធាតុ​នីត្រាត​ ដែល​អាច​បង្កើន​លំហូរ​ឈាម​ទៅ​កាន់​ខួរ​ក្បាល​​​របស់​យើង បណ្ដាល​ឲ្យ​មាន​អាការៈឈឺក្បាល​ដែរ​។

ញ៉ាំសាច់ច្រើន២

៥. បញ្ហា​បេះដូង​

​​​​​​​​​​​ជាតិ​សរសៃ​ដែល​មាន​នៅ​ក្នុង​របប​អាហារ​ មាន​គុណប្រយោជន៍​ជួយ​ការពារ​សុខភាព​បេះដូង​របស់​យើង​។​ ប៉ុន្តែ​ ប្រសិនបើ​យើង​ញ៉ាំ​សាច់​ច្រើន​ ជាតិ​សរសៃ​នៅ​ក្នុង​រាងកាយ​ប្រាកដ​ជា​មាន​កម្រិត​​ទាប ដែល​ជា​ហេតុ​​នាំ​ឲ្យ​មាន​ហានិភ័យ​ខ្ពស់​នៃ​ការ​កើត​​ជំងឺ​បេះដូង​។

៦. ឧស្សាហ៍​ឈឺ​

ជាមួយ​គ្នា​នេះ​ដែរ ខ្លាញ់​ឆ្អែត​​នៅ​ក្នុង​សាច់​ក្រហម​ និង​សាច់​កែច្នៃ​មិន​មាន​សារធាតុ​ប្រឆាំង​នឹង​អុកស៊ីតកម្ម​ ដែល​ចាំបាច់​សម្រាប់​​ឲ្យ​រាងកាយ​ប្រឆាំង​នឹង​ការ​រលាក​​ណា​មួយ​បាន​ឡើយ​។ ដូច្នេះ​ហើយ​ គ្នា​យើង​គប្បី​ញ៉ាំ​អាហារ​​មាន​សារធាតុ​ប្រឆាំង​នឹង​អុកស៊ីតកម្ម​ឲ្យ​បាន​ច្រើន​ ដែល​មាន​នៅ​ក្នុង​បន្លែ​ និង​ផ្លែឈើ​។

៧. ឆ្អឹង​ចុះ​ខ្សោយ​

​បន្ថែម​ពី​នេះ បរិមាណ​ប្រូតេអ៊ីន​ខ្ពស់​អាច​បង្កើន​ការ​បាត់បង់​​ជាតិ​កាល់ស្យូម​តាម​រយៈ​ទឹក​នោម​ ហើយ​ជាតិ​កាល់ស្យូម​នេះ​ដែរ មាន​សារសំខាន់​ណាស់​ចំពោះ​សុខភាព​ឆ្អឹង​។​ ជាក់​ស្ដែង​ រាងកាយ​របស់​យើង​មិន​អាច​ផលិត​ជាតិ​កាល់ស្យូម​បាន​​ឡើយ​ ហើយ​វា​​ទទួល​បាន​​ជាតិ​កាល់ស្យូម​​តាម​រយៈ​អាហារ​ ឬ​ថ្នាំ​បំប៉ន​ប៉ុណ្ណោះ​។​

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

រូបថត​របស់​អ្នក​និពន្ធbadge
ដោយ នូ សោភ័ណ្ឌ កែសម្រួល​ចុងក្រោយ 01/07/2021
ត្រួតពិនិត្យដោយ វេជ្ជ. វេជ្ជ. ចាន់ ស៊ីណេត
x