ការហាត់ប្រាណឲ្យបានទៀងទាត់គឺជួយដល់ចលនារបស់អាហារក្នុងប្រព័ន្ធរំលាយអាហារ។ នេះអាចពន្លឿនដល់ដំណើរការរំលាយអាហារ។ ម៉្យាងទៀត ការហាត់ប្រាណជួយបង្ការការទល់លាមក និងពន្លឿនការរំលាយអាហារដោយបន្ថយរយៈពេលដែលអាហារស្តុកក្នុងពោះវៀនធំដោយកំណត់បរិមាណជាតិទឹកស្រូបពីលាមកត្រលប់មកក្នុងខ្លួនវិញ។ ការធ្វើចលនាគឺជួយសម្រួលដល់ការកន្រ្ទាក់របស់សាច់ដុំនៅប្រព័ន្ធរំលាយអាហារដែលពន្លឿនការបំបែកអាហារ។
២. ការសម្រាក
ការគេងអាចឲ្យសរីរាង្គរំលាយអាហារមានពេលសម្រាក និងបង្កើនសមត្ថភាពក្នុងការរំលាយអាហារលឿន។ ដូចនេះការផ្លាស់ប្តូរការគេងអាចមានប្រយោជន៍ដល់ការរំលាយអាហារ។ យកល្អកុំគេងភ្លាមៗក្រោយពីញ៉ាំអាហាររួច គួរចាំពីពីរទៅបីម៉ោងដើម្បីទុកពេលគ្រប់គ្រាន់ក្នុងការរំលាយអាហារ។ យើងក៏គួរគេងបែរមកខាងឆ្វេង ព្រោះការសិក្សាបង្ហាញថាការគេងបែរទៅឆ្វេងជួយបង្កើនសមត្ថភាពក្នុងការរំលាយអាហារ។