ចូលចិត្តព័ត៌មាន “Hello គ្រូពេទ្យ” សូមចូលរួមស្ទង់មតិនៅទីនេះ។ មតិអ្នកទាំងអស់គ្នា ពិតជាមានតម្លៃសម្រាប់ “Hello គ្រូពេទ្យ” អាចកែលម្អព័ត៌មានឲ្យកាន់តែប្រសើរ

គ្នាយើងមិនតិចនាក់ទេ ទំនងជាធ្លាប់ជួបបញ្ហាក្រពះ។ បើអ៊ីចឹង គ្នាយើងមានធ្លាប់ឮពីជំងឺរលាកក្រពះដែរឬទេ? រលាកក្រពះ ជាជំងឺកើតឡើងដោយសារការរលាក ឬហើមស្រទាប់កម្រាលនៃក្រពះ។

ជំងឺនេះ អាចកើតឡើងភ្លាមៗ ឬកើតមានរាប់ឆ្នាំហើយដោយយើងមិនបានដឹងជាមុន។ យ៉ាងណា រលាកក្រពះ មិនមែនជាជំងឺធ្ងន់ធ្ងរនោះទេ អាចព្យាបាលជាក្នុងពេលខ្លី បើសិនជាព្យាបាលបានត្រឹមត្រូវ។ តែករណីខ្លះ ជំងឺនេះអាចនឹងវិវត្តជាដំបៅក្រពះ នាំឲ្យប្រឈមមុខ កើត ជំងឺមហារីកក្រពះ ទៀតផង។ ជំងឺនេះ កើតមានជាញឹកញាប់ណាស់ ហើយកាន់តែសម្បូរចំពោះគ្នាយើងប្រើថ្នាំបំបាត់ការឈឺចាប់ និងផឹកស្រា។

ជំងឺរលាកក្រពះភាគច្រើនមិនមានរោគសញ្ញានោះទេ ប៉ុន្តែរោគសញ្ញាឧស្សាហ៍ជួបបំផុតរួមមាន៖

– មិនឃ្លានអាហារ

– ក្អួតចង្អោរ

– ចុកពោះផ្នែកខាងលើ (ចុងដង្ហើមជាដើម)

– ណែនពោះក្រោយពេលញ៉ាំ។

បើសិនជាមានហូរឈាមក្នុងស្រទាប់កម្រាលក្រពះ យើងអាចនឹងមានរោគសញ្ញាដូចខាងក្រោម៖

– លាមកខ្មៅ

– ក្អួតឈាម ឬក្អួតពណ៌កាហ្វេ

បើសិនជាអាការៈមិនបានធូរស្រាល គួរទៅជួបពិគ្រោះជាមួយគ្រូពេទ្យពីបញ្ហាទាំងនេះ។ យើងត្រូវប្រាប់ពេទ្យរាល់បញ្ហាយើងកំពុងជួបប្រទះ ពិសេសថ្នាំមួយចំនួនយើងកំពុងប្រើផ្សេងៗ។ លើសពីនេះ បើមានឈាមក្នុងលាមក ឬក្អួតឈាមនោះ ត្រូវទៅឲ្យគ្រូពេទ្យពិនិត្យរកមូលហេតុពិតប្រាកដឲ្យឃើញ។

មូលហេតុបង្កឲ្យរលាកក្រពះរួមមាន៖

មូលហេតុឧស្សាហ៍កើតមានបំផុតមានដូចជា៖

– ប្រើថ្នាំមួយចំនួន មានថ្នាំ អាសេ្ពរីន ឬថ្នាំបំបាត់ការឈឺចាប់ផ្សេងៗ

– ផឹកស្រា

– មានមេរោគ Helicobacter pylori ក្នុងក្រពះ

មូលហេតុផ្សេង៖

– ជំងឺប្រព័ន្ធការពារ (ដូចជាជំងឺស្លេកស្លាំងជាដើម)

– ច្រាលអាស៊ីដក្រពះ

– ប្រើគ្រឿងញៀន (កូកាអ៊ីន)

ដើម្បីចៀសវាងពីកត្តាប្រឈមនឹងជំងឺមួយនេះ យើងគួរផ្លាស់ប្តូរទម្លាប់រស់នៅមួយចំនួនដូចជា៖

– ញ៉ាំអាហារតិចៗ តែច្រើនដង

– ញ៉ាំអាហារបានចម្អិនត្រឹមត្រូវ

– លាងសម្អាតដៃមុនញ៉ាំអាហារ ដើម្បីការពារករណីឆ្លងមេរោគ

យើងក៏ត្រូវធ្វើតាមការណែនាំរបស់គ្រូពេទ្យបើយើងមានជំងឺរលាកក្រពះ មិនត្រូវប្រើថ្នាំដោយគ្មានវេជ្ជបញ្ជា ឬឈប់ដោយគ្មានការអនុញ្ញាតនោះទេ។

ជំងឺរលាកក្រពះ ព្យាបាលត្រឹម​ត្រូវ​ឆាប់ជា តែ​បើទុកយូរអាចប្រឈមជំងឺមហារីកក្រពះ

ជំងឺរលាកក្រពះ ព្យាបាលត្រឹមត្រូវឆាប់ជា តែបើទុកយូរអាចប្រឈមជំងឺមហារីកក្រពះ