home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

ដឹង ៧ ក្បាច់នេះ នៅផ្ទះគ្មានថ្នាំ ក៏អាចជួយ​សម្រួល​អាការៈក្អកបានដែរ

ដឹង ៧ ក្បាច់នេះ នៅផ្ទះគ្មានថ្នាំ ក៏អាចជួយ​សម្រួល​អាការៈក្អកបានដែរ

ក្អក​អាច​ជួយ​កម្ចាត់​ស្លេស្ម​ពី​បំពង់ក និង​ការ​រលាក​ផ្សេងៗ ប៉ុន្តែ​បើ​ក្អក​មិន​ឈប់​អាច​បង្ក​ជា​ការ​រំខាន​មួយ។ ក្អក​អាច​បង្ក​ដោយ​អាលែកហ្សី ការ​ឆ្លង​វីរុស ឬ​បាក់តេរី​ជាដើម។ ជាទូទៅ​យើង​អាច​ព្យាបាល​អាការៈ​ក្អក​បង្ក​ដោយ​ជំងឺ​ផ្ដាសាយ អាលែកហ្សី និង​ការ​ឆ្លង​មេរោគ​នៅ​តំបន់​ sinus បាន​ដោយ​ប្រើ​ថ្នាំ ប៉ុន្តែ​ក៏មាន​វិធីមួយចំនួន​អាច​ជួយសម្រួលអាការៈនេះ​បាន​ខ្លះដែរ ក្នុង​ករណី​មិន​ប្រើថ្នាំពេទ្យ។​

១. ទឹក​ឃ្មុំ

ទឹកឃ្មុំ​ក៏​ត្រូវ​គេ​ប្រើ​សម្រាប់​អាការៈ​ឈឺ​ក​ដែរ។ តាម​ការ​សិក្សា​មួយ​បង្ហាញ​ថា​ទឹកឃ្មុំ​ក៏​អាច​សម្រាល​អាការៈ​ក្អក​បាន​យ៉ាង​មាន​ប្រសិទ្ធភាព​ផងដែរ។ យើង​អាច​សម្រាល​អាការៈ​ក្អក​បាន​ដោយ​លាយ​ទឹកឃ្មុំ​២​ស្លាបព្រាកាហ្វេ​ជាមួយ​នឹង​ទឹក​ក្ដៅ​ឧណ្ហៗ​ ​និង​​អាច​ថែមទឹក​ក្រូចឆ្មារ​ក៏បាន។

២. ខ្ញី

ខ្ញី​អាច​បំបាត់​អាការៈ​ក្អក​ស្ងួត ព្រោះ​ខ្ញី​មាន​ប្រសិទ្ធភាព​ប្រឆាំង​នឹង​ការ​រលាក ហើយ​ក៏​ជួយ​បំបាត់​អាការៈ​ចង្អោរ និង​ការ​ឈឺចាប់​ដែរ។ ការសិក្សា​មួយ​បាន​អះអាង​សារធាតុ​ប្រឆាំង​ការ​រលាក​ក្នុង​ខ្ញី​អាច​សម្រួល​ដល់​ភ្នាស​នៅ​ផ្លូវ​ដង្ហើម​ដែល​អាច​កាត់បន្ថយ​អាការៈ​ក្អក​បាន។ យើង​អាច​ធ្វើ​ទឹកខ្ញី​បាន​ដោយ​ដាក់​ខ្ញី​ស្រស់​២០ទៅ៤០ក្រាម​ទៅ​ក្នុង​ទឹកក្ដៅ​មួយ​ពែង​ និង​ទុក​ចោល​មួយ​សន្ទុះ។ យើង​ក៏​អាច​ថែម​ទឹក​ឃ្មុំ ឬ​ទឹក​ក្រូចឆ្មារ​ដែរ។​

អត្ថបទពាក់ព័ន្ធ៖

៣. រក្សាជាតិទឹកក្នុងខ្លួន

ការ​រក្សា​ជាតិ​ទឹក​ក្នុង​រាងកាយ​គឺ​សំខាន់​សម្រាប់​អ្នក​មាន​អាការៈ​ក្អក ឬ​ឆ្លង​ជំងឺ​ផ្ដាសាយ​ណាស់។ ការ​ស្រាវជ្រាវ​បង្ហាញ​ថា​ការ​ផឹក​ទឹក​អាច​ជួយ​បំបាត់​អាការៈ​ក្អក ហៀរ​សំបោរ និង​កណ្ដាស់។ សម្រាប់​ទឹក​ក្ដៅ​ឧណ្ហៗ​វិញ​អាច​ជួយ​សម្រួល​ដល់​អាការៈ​ឈឺក គ្រុន​រងា និង​អស់​កម្លាំង​ផង​ដែរ។ ក្រៅ​ពី​ទឹក យើង​អាច​ហុត​ស៊ុប​ក្ដៅៗ តែ​រុក្ខជាតិ (Herbal tea) និង​តែ​ខ្មៅ​ដែល​មិន​មាន​ជាតិ​កាហ្វេអ៊ីន។

៤. ផ្លែ​ម្នាស់

ផ្លែ​ម្នាស់​មាន​អង់ហ្សីម Bromelain ដែល​អាច​ប្រឆាំង​ការ​រលាក​បាន និង​អាច​កម្ចាត់​ស្លេស្ម​ចេញ​ពី​រាងកាយ។ ការ​ផឹក​ទឹកម្នាស់​អាច​បន្ថយ​ស្លេស្ម​នៅ​ក្នុង​បំពង់ក​ និង​ទប់ស្កាត់​ការ​ក្អក។

៥. ចំហាយ​ទឹក

ចំពោះក្អក​ស្លេស្ម​​យើង​អាច​​ប្រើ​ចំហាយ​ទឹក​ដើម្បី​ជួយ​ឲ្យ​អាការៈ​មាន​ភាព​ប្រសើរ​ឡើង។ យើង​អាច​ងូតទឹកក្ដៅ​ដើម្បី​បង្កើត​ចំហាយ​ទឹក​ក្នុង​បន្ទប់​ទឹក​ និង​នៅ​ក្នុង​នោះ​រហូត​ដល់​អស់​ចំហាយ​។ ក្រោយ​ពី​ចេញ​មក​គួរ​ញ៉ាំ​ទឹក​មួយ​កែវ​ដើម្បី​បង្ការ​ការ​បាត់បង់​ជាតិ​ទឹក។ ក្រៅ​ពី​ងូតទឹក​ក្ដៅ យើង​ក៏​ឆ្ពុង​រយៈពេល​៥​នាទី​បាន​ដែរ។

៦. ខ្ពុរ​ទឹក​អំបិល

ការ​ខ្ពុរ​ទឹក​អំបិល​គឺ​ជា​វិធី​ដ៏​ងាយស្រួល​មួយ​ដែល​អាច​សម្រួល​អាការៈ​រមាស់​ក​ដែល​ធ្វើឲ្យ​យើង​ក្អក។ យើង​អាច​លាយ​អំបិល​កន្លះ​ស្លាបព្រាកាហ្វេ​ជាមួយ​នឹង​ទឹក​ក្ដៅ​ឧណ្ហៗ​មួយកែវ​។ គួរ​បញ្ជាក់​​ដែរ​ថា​សម្រាប់​ក្មេង​ក្រោម​៦ឆ្នាំ​មិន​គួរ​ឲ្យ​ខ្ពុរ​ទឹក​អំបិល​ទេ។

៧. Probiotics

Probiotics មិន​បំបាត់​អាការៈ​ក្អក​ដោយ​ផ្ទាល់​ទេ ប៉ុន្តែ​អាច​ជួយ​ពង្រឹង​ប្រព័ន្ធ​ភាពស៊ាំ​បាន​ដោយ​រក្សា​តុល្យភាព​បាក់តេរី​ក្នុង​ពោះវៀន។ ប្រព័ន្ធភាពស៊ាំ​ខ្លាំង​អាច​ប្រឆាំង​នឹង​ការ​ឆ្លង​ជំងឺ​ផ្សេងៗ​ដែល​បង្ក​ឲ្យ​មាន​អាការៈ​ក្អក។ អាហារ​ដែល​មាន​ Probiotics ច្រើន​មាន​ស៊ុប​មីសូ (Miso soup) យ៉ាអួ និង​គីមឈី​។

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

https://www.medicalnewstoday.com/articles/322394

https://www.healthline.com/health/allergies/best-natural-cough-remedies

រូបថត​របស់​អ្នក​និពន្ធ
ត្រួតពិនិត្យ​ដោយ គឹម កាណែល
អត្ថបទ​ដោយ ថាត់ រ័ត្នមូនីតា
កែ 07/07/2020
x