ខ្ញីគឺមានប្រយោជន៍ណាស់សម្រាប់សុខភាព និងត្រវបានប្រើប្រាស់ជាថ្នាំបុរាណព្យាបាលជំងឺទៀតផង។ ដើម្បីបានទឹកខ្ញីយើងអាចយកខ្ញីស្រស់ទៅដាក់កក្នុងទឹកដាំពុះ រួចទុកឲ្យត្រជាក់ និងចម្រាញ់យកតែទឹក។ ជាមួយគ្នានេះទឹកខ្ញីដែលចម្រាញ់បាន យើងអាចថែមក្រូចឆ្មារ និងទឹកឃ្មុំចូលបន្តិចបានដើម្បីបានរស់ជាតិកាន់តែពិសេស។ បើយើងអាចផឹកទឹកខ្ញីរាល់បានថ្ងៃ នោះនឹងបានអត្ថប្រយោជន៍ច្រើនដល់សុខភាព។
ផឹកទឹកខ្ញីមួយកែវរៀងរាល់ថ្ងៃ ផ្ដល់ប្រយោជន៍សុខភាពយ៉ាងតិច៧យ៉ាង
ត្រួតពិនិត្យដោយ ទូច សុខា
១. ល្អចំពោះប្រព័ន្ធរំលាយអាហារ
ការផឹកទឹកខ្ញីមួយថ្ងៃមួយកែវជាអាចជួយឲ្យប្រព័ន្ធរំលាយអាហារកាន់តែរឹងមាំ និងអាចបង្ការការពិបាកក្នុងការរំលាយអាហារ អាការៈក្អួតចង្អោរ និងក្រហាយទ្រូង (Heartburn)។ យើងអាចប្រើប្រាស់ទឹកខ្ញីដើម្បីជួយសម្រាលដល់អាការៈចាញ់កូនដោយបន្ថែមទឹកជីរអង្កាម ទឹកក្រូចឆ្មារមួយស្លាបព្រាកាហ្វេ និងទឹកឃ្មុំមួយមុខមួយស្លាបព្រាកាហ្វេទៅក្នុងទឹកខ្ញីនោះ។
២. បង្ការជំងឺទឹកនោមផ្អែម
ការផឹកទឹកខ្ញីជាមួយនឹងទឹកក្រូចឆ្មារអាចកាត់បន្ថយហានិភ័យការខូចខាតនៃតម្រងនោម និងអាចកាត់បន្ថយហានិភ័យទឹកនោមផ្អែមទៀតផង។ ខ្ញីសំបូរដោយស័ង្កសីដែលមានតួនាទីសំខាន់ក្នុងការផលិតអរម៉ូនអាំងស៊ុយលីន។ អរម៉ូននេះដើរតួនាទីជាអ្នកគ្រប់គ្រងត្រួតពិនិត្យ និងកែតម្រូវជាតិស្ករសម្រាប់ប្រើ និងរក្សាទុក។
៣. ជួយដល់ការសម្រកទម្ងន់
កម្រិតជាតិស្ករក្នុងឈាមខ្ពស់អាចធ្វើឲ្យរាងកាយកាន់តែឃ្លាន និងប្រឈមនឹងការញ៉ាំច្រើនហួសកំណត់។ ទឹកខ្ញីអាចជួយរក្សាលំនឹងកម្រិតជាតិស្ករក្នុងឈាម និងគ្រប់គ្រងចំណង់ទៅលើការញ៉ាំ។ មិនត្រឹមតែប៉ុណ្ណោះនៅអាចជួយរាងកាយក្នុងស្រូបយកជាតិខ្លាញ់ប្រសើរឡើងដែលជួយដល់ការសម្រកទម្ងន់។
៤. ជួយដល់សក់ និងស្បែក
ខ្ញីមានពពួកវីតាមីន និងសារធាតុប្រឆាំងអុកស៊ីតកម្ម ដូចនេះហើយការផឹកទឹកខ្ញីអាចជួយឲ្យស្បែករលោងស្អាត។ បន្ថែមពីនេះទៀត នៅមានវីតាមីន A និងCជួយដល់សរសៃសក់ឲ្យល្អឡើង ហើយជួយលាងសម្អាតជាតិពុលក្នុងឈាម និងព្យាបាលជំងឺស្បែកផ្សេងៗ។
អត្ថបទពាក់ព័ន្ធ៖
- ប្រេងដូង ប្រមូលផ្តុំអាថ៌កំបាំងរក្សាសម្រស់ស្រីៗ
- អាថ៌កំបាំងផ្លែប៊ើរប្រើជាម៉ាស់អប់សក់ មានប្រសិទ្ធភាពបំផុត
៥. ការពារពីជំងឺភ្លេចភ្លាំង
ការសិក្សាជាច្រើនបានបង្ហាញថាខ្ញីអាចជួយបន្ថយភាពខូចខាតនៃកោសិកាខួរក្បាល។ អ្នកវិទ្យាសាស្ត្រក៏បានរកឃើញថាសារធាតុប្រឆាំងអុកស៊ីតកម្ម និងសមាសធាតុផ្សេងទៀតក្នុងខ្ញីអាចឆ្លើយតបនឹងការរលាកដែលកើតឡើងនៅខួរក្បាលបាន។
៦. បំបាត់ការឈឺចុកចាប់
ខ្ញីក៏ប្រើប្រាស់យូរណាស់មកហើយដើម្បីព្យាបាលការរលាក។ ការសិក្សាបានបង្ហាញថាទឹកខ្ញីអាចបំបាត់ការឈឺចាប់បង្កមកពីជំងឺរលាកសន្លាក់ឆ្អឺង ជាពិសេសនៅជង្គង់។ ទឹកខ្ញីក៏ជួយបំបាត់អាការៈឈឺក្បាល ឈឺពោះពេលមានរដូវ ឈឺសាច់ដុំ និងការឈឺចាប់ផ្សេងៗទៀត។
៧. ជួយទ្រទ្រង់ប្រព័ន្ធភាពស៊ាំ និងបង្ការជំងឺមហារីក
មានការជឿថាជាក់ថាសារធាតុប្រឆាំងអុកស៊ីតកម្មក្នុងខ្ញីអាចជួយពង្រឹងប្រព័ន្ធភាពស៊ាំ និងកាត់បន្ថយភាពតានតឹងបាន។ ការស្រូបចំហាយទឹកខ្ញីក្ដៅសម្រួលដល់អាការៈតឹងច្រមុះ និងបញ្ហាផ្លូវដង្ហើមផ្សេងទៀតបង្កមកពីជំងឺផ្ដាសាយ និងអាលែកហ្សី។
អ្នកស្រាវជ្រាវបានបង្ហាញថាខ្ញីក៏អាចជួយបង្ការជំងឺមហារីក។ ក្នុងការសិក្សាបានរកឃើញថាខ្ញីអាចប្រឆាំងនឹងកោសិកាមហារីកច្រើនប្រភេទរួមមានជំងឺមហារីកលំពែង និងមហារីកពោះវៀនធំ។
អត្ថបទពាក់ព័ន្ធ៖
- កុំចេះតែផឹក! ភេសជ្ជៈផ្អែម បង្កជំងឺមហារីកច្រើនមុខ
- កំពូលគុណប្រយោជន៍ពីខ្ញី ពិសេសចំពោះស្រីៗកំពុងមករដូវ
- សម្រាប់អ្នកចូលចិត្តហឹរ កុំថាអត់ដឹង ខ្ញី ជួយអីខ្លះ
- ផ្តាសាយតិចតួចមិនបាច់ប្រើថ្នាំទេ ញ៉ាំភេសជ្ជៈ ៣ មុខនេះជាវិញហើយ
- ផ្លែគីវីមានប្រយោជន៍ដល់អ្នកជំងឺហឺត ជួយប្រព័ន្ធរំលាយអាហារ គ្រប់គ្រងសម្ពាធឈាម
- ក្រូចថ្លុងជួយច្រើនដល់សុខភាព សំខាន់អាចប្រឆាំងកោសិកាមហារីកបានទៀត
- ញ៉ាំផ្លែម្នាស់អាចជួយពង្រឹងប្រព័ន្ធភាពស៊ាំ និងប្រព័ន្ធរំលាយអាហារ
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញ វេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
ទូច សុខា
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម