នៅរយៈពេលប៉ុន្មានថ្ងៃចុងក្រោយនេះ កម្រិតខ្យល់ពុលនៅទីក្រុងភ្នំពេញមានការកើនឡើងគួរឲ្យកត់សម្គាល់ នេះបើយោងតាមវិបសាយវាស់សន្ទស្សន៍គុណភាពខ្យល់ www.iqair.com។ ការកើនឡើងដល់សន្ទស្សន៍ ២១៥ គិតត្រឹមពេលព្រឹកថ្ងៃទី២៣ ខែមករា ឆ្នាំ២០២៥នេះ ជាកម្រិតមួយដែលអាចប៉ះពាល់ដល់សុខភាព ជាពិសេសចំពោះគ្នាយើងដែលងាយប្រតិកម្ម (អ្នកដែលមានជំងឺហឺត ខ្សោយបេះដូង ជំងឺសរសៃឈាមបេះដូង។ល។) គួរតែយល់ដឹងពីវិធានបង្ការ នៅក្នុងបរិយាកាសមិនអំណោយផលបែបនេះ។

កម្រិតសន្ទស្សន៍ខ្យល់ចាប់ពីប៉ុន្មាន ទើបគួរឲ្យបារម្ភ?

ចាប់ពី ០ ដល់ ៥០ទៅ ខ្យល់ពុលមានកម្រិតតិចតួច ឬគ្មានហានិភ័យ
ចាប់ពី ៥១ ដល់ ១០០ ទៅ គុណភាពខ្យល់អាចទទួលយកបាន ប៉ុន្តែអាចមានហានិភ័យចំពោះគ្នាយើងខ្លះដែលងាយប្រតិកម្មនឹងខ្យល់ពុល
ចាប់ពី ១០១ ដល់ ១៥០ ទៅ អ្នកដែលងាយប្រតិកម្មនឹងខ្យល់ពុល អាចរងផលប៉ះពាល់ដល់សុខភាព
ចាប់ពី ១៥១ ដល់ ២០០ ទៅ អ្នកដែលមានសុខភាពធម្មតាខ្លះ អាចមានផលប៉ះពាល់ដល់សុខភាព ស្របពេលដែលអ្នកងាយប្រតិកម្មនឹងខ្យល់ពុល រងផលប៉ះពាល់សុខភាពធ្ងន់ធ្ងរ។
ចាប់ពី ២០១ ដល់ ៣០០ ទៅ អាចបង្កផលប៉ះពាល់ដល់សុខភាពសម្រាប់យើងទាំងអស់គ្នា។
ចាប់ពី ៣០១ ទៅ ជាកម្រិតធ្ងន់ធ្ងរខ្លាំង និងប្រកាសអាសន្នដែលអាចប៉ះពាល់ដល់សុខភាពយើងគ្រប់គ្នា។

កម្មវិធីពិនិត្យជំងឺបម្រុងទឹកនោមផ្អែមអនឡាញ

ចង់គណនារង្វាស់ចង្វាក់បេះដូង ចុចទីនេះ !

តើខ្យល់ពុលប៉ះពាល់សុខភាពយ៉ាងម៉េចខ្លះ?

ការស្រូបយកខ្យល់ពុល អាចធ្វើឲ្យគ្នាយើងធ្លាក់ខ្លួនឈឺ ដោយសារតែខ្យល់ពុលឆ្លងកាត់សួតចូលទៅក្នុងចរន្តឈាម និងអាចរាលដាលទៅកាន់បេះដូង ខួរក្បាល និងសរីរាង្គដទៃទៀត។ លើសពីនេះ ខ្យល់ពុលក៏អាចឆ្លងកាត់សុក និងបង្កផលប៉ះពាល់ដល់ទារកក្នុងផ្ទៃថែមទៀតផង។ ជាមួយគ្នានេះ ខ្យល់ពុលក៏រួមចំណែកដល់ការកើតជំងឺធ្ងន់ធ្ងរមួយចំនួន ដូចជាជំងឺមហារីកសួត ជំងឺទឹកនោមផ្អែមប្រភេទ២ ស្ទះសរសៃឈាមបេះដូង និងគ្រោះថ្នាក់សរសៃឈាមខួរក្បាលជាដើម។

ខ្យល់ពុល

គួរធ្វើបែបណា ដើម្បីកាត់បន្ថយហានិភ័យសុខភាពបើមានខ្យល់ពុលខ្លាំង?

ជៀសវាងហាត់ប្រាណបែបខ្លាំងក្លា ឬបញ្ចេញសកម្មភាពខ្លាំងជ្រុល ប្រសិនបើយើងមានអារម្មណ៍តឹងទ្រូង ក្អក ឬហត់
បើកម៉ាស៊ីនបន្សុទ្ធខ្យល់
ជៀសវាងស្រូបផ្សែងបារី ផ្សែងធូប ទៀន ឬផ្សែងចេញពីការចម្អិនអាហារ
ពាក់ម៉ាស N95 ឬ KN95 ប្រសិនបើយើងត្រូវចេញទៅខាងក្រៅ ព្រោះម៉ាសធម្មតាមិនអាចការពារយើងបានច្រើនឡើយ។

ចំណុចសំខាន់

នៅរយៈពេលប៉ុន្មានថ្ងៃចុងក្រោយនេះ កម្រិតខ្យល់ពុលនៅទីក្រុងភ្នំពេញមានការកើនឡើងគួរឲ្យកត់សម្គាល់ នេះបើយោងតាមវិបសាយវាស់សន្ទស្សន៍គុណភាពខ្យល់ www.iqair.com។ ការកើនឡើងដល់សន្ទស្សន៍ ១៧៤ ជាកម្រិតមួយដែលអាចប៉ះពាល់ដល់សុខភាព ជាពិសេសចំពោះគ្នាយើងដែលងាយប្រតិកម្ម (អ្នកដែលមានជំងឺហឺត ខ្សោយបេះដូង ជំងឺសរសៃឈាមបេះដូង។ល។) គួរតែយល់ដឹងពីវិធានបង្ការ នៅក្នុងបរិយាកាសមិនអំណោយផលបែបនេះ។

អត្ថបទពាក់ព័ន្ធ៖

ប៉ុន្មានថ្ងៃនេះ កម្រិតខ្យល់ពុលនៅភ្នំពេញកើនឡើង គួរឲ្យបារម្ភ! ប្រយ័ត្នសុខភាពផង!

កម្រិត​សន្ទស្សន៍​ខ្យល់​ចាប់​ពី​ប៉ុន្មាន​ ទើប​គួរ​ឲ្យ​បារម្ភ?

​​​តើ​ខ្យល់​ពុល​ប៉ះពាល់​សុខភាព​យ៉ាង​ម៉េច​ខ្លះ?

​​​គួរ​ធ្វើ​បែបណា ដើម្បី​កាត់បន្ថយ​ហានិភ័យ​សុខភាព​បើ​មាន​ខ្យល់​ពុល​​ខ្លាំង?

ចំណុចសំខាន់

កម្រិតសន្ទស្សន៍ខ្យល់ចាប់ពីប៉ុន្មាន ទើបគួរឲ្យបារម្ភ?

តើខ្យល់ពុលប៉ះពាល់សុខភាពយ៉ាងម៉េចខ្លះ?

គួរធ្វើបែបណា ដើម្បីកាត់បន្ថយហានិភ័យសុខភាពបើមានខ្យល់ពុលខ្លាំង?