មានអាការៈតឹងច្រមុះ ហៀរសំបោរ យើងត្រូវជូតសំបោរចេញ តែមិនត្រូវញើសបញ្ចេញដោយប្រើចលនាខ្លាំងៗឡើយ។ ការញើសសំបោរអាចនាំឲ្យឈឺត្រចៀក និងមានការបង្ករោគនៅក្នុងច្រមុះ នេះបើតាមការបកស្រាយនៅលើផេកផ្លូវការរបស់មន្ទីរពេទ្យកាល់ម៉ែត។

អាការៈតឹងច្រមុះ ឬហៀរសំបោរ អាចបណ្តាលមកពីជំងឺគ្រុនផ្តាសាយ អាលែកហ្ស៊ី ឬជំងឺផ្លូវដង្ហើមផ្សេងទៀត។ ចំពោះកុមារ ការមានសំបោរខាប់ច្រើនក្នុងច្រមុះអាចបណ្តាលឲ្យមានការបង្ករោគនៅក្នុងត្រចៀកកណ្តាល ឯមនុស្សចាស់បណ្តាលឲ្យរលាកក្នុងច្រមុះ។

តិចនិកបំបាត់អាការៈតឹងច្រមុះ៖

– ចំពោះក្មេងតូចៗ ត្រូវបូមយកសំបោរចេញ ដោយបន្តក់ ឬលាងជាមួយទឹកសេរ៉ូមប្រៃ

– មនុស្សជំទង់ និងចាស់ អាចបាញ់លាងដោយទឹកសេរ៉ូមប្រៃចូលក្នុងរន្ធច្រមុះទាំងសង្ខាង

– ឆ្ពង់ទឹកក្តៅ ឬទឹកសេរ៉ូមប្រៃ។

ការធ្វើរបៀបនេះ នឹងអាចជួយពង្រាវសំបោរហើយធ្វើឲ្យយើងដកដង្ហើមបានស្រួល តែបើប្រើថ្នាំដំណក់បំបាត់ការតឹងច្រមុះ មិនត្រូវឲ្យលើសពី ៣ដង/ថ្ងៃ និងមិនត្រូវប្រើឲ្យលើសពី ៣ថ្ងៃទេ។ បើធ្វើតាមវិធីខាងលើ មិនបានលទ្ធផលល្អក្នុងរយៈពេល ៣ ថ្ងៃ ត្រូវប្រញាប់ទៅជួបគ្រូពេទ្យ។

អត្ថបទពាក់ព័ន្ធ៖

តឹងច្រមុះ ហៀរសំបោរ ប្រឹងញើសបញ្ចេញខ្លាំងៗ ប៉ះពាល់ធ្ងន់ធ្ងរ