ក្រោយសម្រាលកូនរួច ម៉ាក់ៗមិនទាន់មករដូវភ្លាមនោះទេ អ៊ីចឹងហើយបានជាមានស្រីៗមួយចំនួនតែងតែសួរញឹកញាប់ថា ក្រោយសម្រាលកូនរួច ពេលណាមករដូវវិញ? ពេលណាអាចរួមភេទបាន? ហើយត្រូវពន្យារកំណើតពេលណាដែរ?
ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ក្រោយសម្រាលកូនរួច ម៉ាក់ៗមិនទាន់មករដូវភ្លាមនោះទេ អ៊ីចឹងហើយបានជាមានស្រីៗមួយចំនួនតែងតែសួរញឹកញាប់ថា ក្រោយសម្រាលកូនរួច ពេលណាមករដូវវិញ? ពេលណាអាចរួមភេទបាន? ហើយត្រូវពន្យារកំណើតពេលណាដែរ?
ដើម្បីឲ្យអស់ចម្ងល់ទាំងនេះ Hello គ្រូពេទ្យ នឹងយកសំណួរដែលស្ត្រីសម្រាលកូនរួចតែងសួរញឹកញាប់ មកឲ្យលោកវេជ្ជបណ្ឌិត ចាន់ ស៊ីណេត ប្រធានផ្នែកសម្ភព និងរោគស្ត្រី នៃមន្ទីរពេទ្យមិត្តភាពកម្ពុជា-ចិន សែនសុខ បកស្រាយខាងក្រោមនេះ។
វេជ្ជបណ្ឌិត៖ ក្រោយសម្រាលកូនរួច ស្រ្តីអាចមានរដូវដូចធម្មតាវិញ នៅចន្លោះពី ១ខែកន្លះ-៣ខែ ឬយូរជាងនេះ អាស្រ័យទៅលើលក្ខខណ្ឌនៃការបំបៅដោះកូន។ បើស្រ្តីបំបៅដោះកូនកាន់តែយូរ ហើយញឹកញាប់ នោះអាចពន្យារការមករដូវកាន់តែយូរ អ្នកខ្លះអាច៦ខែ ឬ១ឆ្នាំក៏មានដែរ។
វេជ្ជបណ្ឌិត៖ ជាទូទៅ ក្រោយសម្រាលអាអូនបាន៦សប្តាហ៍ គ្រូពេទ្យតែងតែណាត់ស្រ្តីឲ្យទៅជួបគ្រូពេទ្យម្តងទៀតដើម្បីពិនិត្យសុខភាព តើមានបញ្ហាអីអត់? ស្បូនត្រលប់មកធម្មតាវិញនៅ? ប្រសិនបើពិនិត្យមិនឃើញបញ្ហាអីនោះទេ ស្ត្រីអាចរួមភេទជាមួយដៃគូ ឬស្វាមីបានវិញហើយអំឡុងពេលនោះ។
វេជ្ជបណ្ឌិត៖ ដូចខ្ញុំបានលើកខាងលើនៅសំណួរទី២អ៊ីចឹង រយៈពេល៦សប្តាហ៍ក្រោយសម្រាលកូនរួច ពេទ្យណាត់ជួបស្ត្រីដើម្បីពិនិត្យសុខភាពហ្នឹង ហើយក៏ជាពេលដែលគ្រូពេទ្យណែនាំឲ្យប្រើមធ្យោបាយពន្យារកំណើតដែរ។ អ៊ីចឹងស្ត្រីអាចចាប់ផ្តើមពន្យារកំណើតពីពេលហ្នឹង ព្រោះជាពេលដែលស្ត្រីអាចនឹងចាប់ផ្តើមរួមភេទដែរ។
វេជ្ជបណ្ឌិត៖ ទោះសម្រាលកូនបាន២ ៣ ឬ៤ខែ ហើយមិនទាន់មករដូវក៏ដោយ តែបើមានការរួមភេទ ដោយមិនបានការពារ ស្ត្រីអាចនឹងមានកូនបាន។ អ៊ីចឹងហើយត្រូវការពារប្រសើរជាង ចៀសវាងការមានកូនញឹកពេកដោយចៃដន្យ។
វេជ្ជបណ្ឌិត៖ មិនទៀងនោះទេ អាស្រ័យទៅលើលក្ខខណ្ឌដែលម៉ាក់ៗបំបៅកូន តើញឹកញាប់ និងទៀងទាត់ប៉ុនណា? បើម៉ាក់ៗបំបៅកូនបានទៀងទាត់ ហើយញឹកញាប់ទៀតហើយ ការពន្យារការមករដូវកាន់តែយូរ អាចពី៦ខែ ទៅ១ឆ្នាំ ឬលើសពីនេះ។
វេជ្ជបណ្ឌិត៖ ជាទូទៅការបំបៅដោះកូន អាចពន្យារកំណើតបាន តែមិនមែនការពារបាន១០០% នោះទេ អ៊ីចឹងហើយទើបគ្រូពេទ្យណែនាំឲ្យប្រើមធ្យោបាយពន្យារកំណើតបន្ថែមទៀត ទោះជាស្ត្រីបំបៅដោះកូនក៏ដោយ។ អាចប្រើស្រោមក៏បាន លេបថ្នាំក៏បាន ឬក៏ដាក់កង និងមានវិធីច្រើនទៀត ម៉ាក់ៗអាចពិភាក្សាជាមួយគ្រូពេទ្យបាន។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ