សុខភាពផ្លូវភេទ ទោះបីទើបពេញវ័យមិនធ្លាប់ឆ្លងកាត់ ក៏អាចយល់បានខ្លះៗដែរ ឬគួរស្វែងយល់ឲ្យច្បាស់ ព្រោះវាសំខាន់សម្រាប់ជីវិតរស់នៅទៅថ្ងៃមុខ។ ចុះស្គាល់ថ្នាំ Pink Viagra ដែរអត់? គេប្រើសម្រាប់ធ្វើអី? “Hello គ្រូពេទ្យ” នឹងលម្អិតពេលនេះតែម្តង។
លម្អិតរឿងថ្នាំសម្រាប់ស្រីៗ Pink Viagra ដឹងគេប្រើដើម្បីអីអត់?
១- បញ្ហាអសមត្ថភាពផ្លូវភេទលើស្រីៗ
បញ្ហាអសមត្ថភាព និងបាត់បង់ចំណង់ផ្លូវភេទចំពោះប្រុសៗ ហាក់មិនសូវជាគួរឲ្យបារម្ភប៉ុន្មានទេ ព្រោះមានការសិក្សាជាច្រើន រកឃើញពីវិធីព្យាបាល ដូចជា ប្រើថ្នាំប្រើឧបករណ៍ជំនួយ ឬវះកាត់កែលម្អជាដើម។ ប៉ុន្តែបើបញ្ហាកើតលើស្រីៗ គឺជារឿងឈឺក្បាលសម្រាប់អ្នកវិទ្យាសាស្រ្ត ព្រោះបច្ចុប្បន្ននៅមិនទាន់ដឹងថា ចំណង់ផ្លូវភេទធម្មតារបស់ស្រីៗ មានដល់កម្រិតណា ហើយថ្នាំជំនួយត្រូវបញ្ចេញសកម្មភាពលើសរីរាង្គមួយណា ត្រូវប្រើថ្នាំប៉ុន្មានទើបគ្រប់ ដើម្បីដោះស្រាយបញ្ហានេះបាន។
២- ថ្នាំ Pink Viagra ខុសគ្នាពីថ្នាំ Viagra
គ្មានអ្វីគួរឲ្យសង្ស័យទៀតទេ Viagra ជាថ្នាំជំនួយផ្លូវភេទសម្រាប់ប្រុសៗ អ៊ីចឹង Pink Viagra ច្បាស់ជាថ្នាំសម្រាប់ស្រីៗមិនខាន។ យ៉ាងណា ថ្នាំនេះមានសកម្មភាពខុសពី Viagra ដោយសារតែវាបង្កើនចំណង់ផ្លូវភេទ តាមរយៈការភ្ញោចប្រព័ន្ធប្រសាទនៅក្នុងខួរក្បាលទៅវិញ។ ថ្នាំនេះធ្វើឲ្យកម្រិតសេរ៉ូតូនីន ក្នុងរាងកាយថយចុះមួយរយៈ នាំឲ្យគេជឿថា ប្រសិទ្ធភាពនេះនឹងជួយឲ្យចំណង់ផ្លូវភេទស្រីៗកើនឡើងបាន។
អត្ថបទពាក់ព័ន្ធ៖
- វិធីព្យាបាល “លិង្គមិនឡើងរឹង” ដែលជាសុបិន្តអាក្រក់បំផុតក្នុងជីវិតប្រុសៗ
- វិធីសាមញ្ញៗ ដោះស្រាយបញ្ហារួមភេទអត់ដល់ចំណុចកំពូល
៣- Pink Viagra មានសុវត្ថិភាពដែរអត់?
អស់រយៈពេលជាច្រើនឆ្នាំមកហើយ ដែលស្រីៗក្នុងវ័យ ៣០-៥០ ឆ្នាំ ជួបបញ្ហាលំបាក ដោយសាររឿងបាត់បង់ចំណង់ផ្លូវភេទ ធ្វើឲ្យប៉ះពាល់ជីវិតប្រចាំថ្ងៃ ទាំងមិនដឹងដោះស្រាយដោយវិធីណា មានតែបណ្តោយតាមធម្មជាតិប៉ុណ្ណោះ។ ដោយសារហេតុផលនេះ អ្នកវិទ្យាសាស្ត្របានស្រាវជ្រាវដើម្បីដោះស្រាយបញ្ហាផ្លូវភេទសម្រាប់ស្រីៗ និងបានរកឃើញរូបមន្តផលិតចេញជាថ្នាំ Pink Viagra នេះតែម្តង ដោយត្រួតពិនិត្យយ៉ាងតឹងរឹងលើសុវត្ថិភាពប្រើប្រាស់ថ្នាំ ដោយអាជ្ញាធរចំណីអាហារ និងឱសថអាមេរិក FDA។
បើទោះជា Pink Viagra អាចជួយឲ្យចំណង់ផ្លូវភេទកើនឡើង ប៉ុន្តែថ្នាំនេះក៏អាចធ្វើឲ្យស្រីៗប្រឈមបញ្ហាសម្ពាធឈាមថយចុះ អស់កម្លាំង ឬវិលមុខ។ ហេតុនេះ អ្នកជំនាញណែនាំឲ្យស្រីៗលេបថ្នាំនេះនៅពេលយប់ ទើបផលរំខានមិនអាចធ្វើឲ្យប៉ះពាល់ដល់ការងារប្រចាំថ្ងៃយើងបាន។
លើសពីនេះ ពេលយើងលេបថ្នាំជាមួយស្រា ទោះបន្តិចក្តី អាចធ្វើឲ្យកើនឡើងបញ្ហាដែលរៀបរាប់ខាងលើ ខណៈការពន្យល់អំពីមូលហេតុទាំងនេះ មានក្នុងក្រដាសណែនាំ ភ្ជាប់ជាមួយប្រអប់ថ្នាំ។ បើស្រីៗលេបថ្នាំនេះ ជាមួយថ្នាំមួយចំនួនផ្សេងទៀត ដូចជា ថ្នាំសម្លាប់ពពួកមេរោគផ្សិតនោះ នឹងធ្វើឲ្យមានបញ្ហាដូចគ្នា។
គ្រូពេទ្យ និងឱសថការី អាចណែនាំឲ្យស្រីៗមិនឲ្យប្រើថ្នាំនេះលើសពី ១០០ មិល្លីក្រាមក្នុងមួយថ្ងៃឡើយ ។
៤- ពិគ្រោះជាមួយពេទ្យមុនចាប់ផ្ដើមប្រើថ្នាំ
បើយើងចង់ចាប់ផ្ដើមប្រើប្រាស់ថ្នាំណាមួយ ដោយមិនបានពិភាក្សាជាមួយគ្រូពេទ្យជាមុន គឺពិតជាមានគ្រោះថ្នាក់ខ្លាំងណាស់ ហើយសម្រាប់ថ្នាំ Pink Viagra ក៏ដូចថ្នាំដទៃផ្សេងទៀតដែរ។
ថ្នាំនេះ គេប្រើសម្រាប់មានបញ្ហាបាត់បង់ចំណង់ផ្លូវភេទប៉ុណ្ណោះ ហេតុនេះបើយើងយកវាមកប្រើក្នុងគោលបំណងផ្សេង អាចធ្វើឲ្យប៉ះពាល់ដល់សុខភាពបាន។
ក្នុងករណីមានសំណួរ ឬមន្ទិលសង្ស័យជុំវិញបញ្ហាសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
គឹម កាណែល
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម