ជំងឺអេដស៍ កំពុងផ្ទុះការឆ្លងក្នុងចំណោមយុវវ័យ និងអ្នកស្រឡាញ់ភេទដូចគ្នា ស្របពេលដែលអ្នកផ្ទុកមេរោគអេដស៍ជិត ៧ ០០០នាក់ នៅតែបន្តគេចមិនមកទទួលសេវាព្យាបាល។ នេះបើយោងទៅតាមរបាយការណ៍ពីអាជ្ញាធរជាតិប្រយុទ្ធនឹងជំងឺអេដស៍ដែល Hello គ្រូពេទ្យ ទទួលបានកាលពីដើមខែធ្នូ ឆ្នាំ២០២៤នេះ។

របាយការណ៍ដដែល បានបបញ្ជាក់ថា គិតត្រឹមឆ្នាំ២០២៣ កម្ពុជា បានរកឃើញអ្នកឆ្លងថ្មីចំនួន ១ ២០០នាក់ ក្នុងនោះ យុវវ័យអាយុចន្លោះពី១៥ ដល់២៤ឆ្នាំ មានចំនួន៥១៦នាក់។ ស្របពេលជាមួយគ្នានេះ អាជ្ញាធរជាតិប្រយុទ្ធនឹងជំងឺអេដស៍ នៅតែបន្តខិតខំក្នុងការស្វែងរកអ្នកផ្ទុកមេរោគអេដស៍ចំនួនប្រមាណជិត ៧ ០០០នាក់ ដែលមិនទាន់បានមកទទួលសេវាព្យាបាល។

ចង់គណនាថ្ងៃសម្រាលកូន ចុចទីនេះ !

ចង់គណនាទម្ងន់ស្រ្តីពពោះ ចុចទីនេះ !

ចង់គណនាថ្ងៃមេជីវិតញីទុំធ្លាក់ ចុចទីនេះ !

ចង់ដឹងអត្ថន័យពណ៌ និងរូបរាងលាមកទារក ចុចទីនេះ !

លោក ឈឹម ឃិនដារ៉េត អគ្គលេខាធិការអាជ្ញាធរជាតិប្រយុទ្ធនឹងជំងឺអេដស៍ បានបញ្ជាក់ថា បើទោះបីអ្នកឆ្លងថ្មីក្នុងចំណោមមនុស្សពេញវ័យអាយុ១៥ឆ្នាំឡើង មានការថយចុះគួរឲ្យកត់សម្គាល់ ពោលគឺប្រមាណជា៤៦% បើគិតចាប់តាំងពីឆ្នាំ២០១០ មកដល់ឆ្នាំ២០២៣ក៏ដោយ ប៉ុន្តែ បែរជាមានការកើនឡើងក្នុងចំណោមបុរសប្រមាណជា ៦% ទៅវិញ។

ក្នុងចំណោមអ្នកឆ្លងថ្មីទាំង ១ ២០០នាក់នេះ មាន ៨៦% ជាប្រជាជនគន្លឹះ និងអតិថិជនរួមនឹងដៃគូ ហើយ៤៦% ស្ថិតក្នុងចំណោមបុរសរួមភេទជាមួយនឹងបុរស។

បើគិតត្រឹមត្រីមាសទី៣ ឆ្នាំ២០២៤នេះ អ្នកមកទទួលសេវាព្យាបាលថែទាំ ដោយឱសថប្រឆាំងមេរោគអេដស៍ មានចំនួន ៦៩ ៤៣១នាក់ ក្នុងចំណោមអ្នកផ្ទុកមេរោគអេដស៍សរុបចំនួន ៧៦ ០០០នាក់៕

ចំណុចសំខាន់

ជំងឺអេដស៍ កំពុងតែផ្ទុះការឆ្លងក្នុងចំណោមយុវវ័យ និងអ្នកស្រឡាញ់ភេទដូចគ្នា ស្របពេលដែលអ្នកផ្ទុកមេរោគអេដស៍ជិត ៧ ០០០នាក់ នៅតែបន្តគេចមិនមកទទួលសេវាព្យាបាល។
បើតាមរបាយការណ៍ឆ្នាំ២០២៤ ត្រឹមឆ្នាំ២០២៣ កម្ពុជា បានរកឃើញអ្នកឆ្លងថ្មីចំនួន ១ ២០០នាក់ ក្នុងនោះ យុវវ័យអាយុចន្លោះពី១៥ ដល់២៤ឆ្នាំ មានចំនួន៥១៦នាក់។ ស្របពេលជាមួយគ្នានេះ អាជ្ញាធរជាតិប្រយុទ្ធនឹងជំងឺអេដស៍ នៅតែបន្តខិតខំក្នុងការស្វែងរកអ្នកផ្ទុកមេរោគអេដស៍ចំនួនប្រមាណជិត ៧ ០០០នាក់ ដែលមិនទាន់បានមកទទួលសេវាព្យាបាល។

អត្ថបទគួរអាន៖

ប្រយ័ត្ន! អេដស៍កំពុងផ្ទុះការឆ្លងក្នុងចំណោមយុវវ័យ ខណៈអ្នកផ្ទុកជិត៧ពាន់នាក់បន្តគេចខ្លួន

ចំណុចសំខាន់