home

What are your concerns?

close
Inaccurate
Hard to understand
Other

ឬ​ចម្លង​តំណភ្ជាប់

ប្រុសៗមានទម្លាប់អាក្រក់ ៨ យ៉ាងនេះ អាចធ្វើឲ្យអត់កូន

ប្រុសៗមានទម្លាប់អាក្រក់ ៨ យ៉ាងនេះ អាចធ្វើឲ្យអត់កូន

ប្តី​ប្រពន្ធ​រៀបការ​យូរ​ហើយ​អត់​មាន​កូន អាច​មក​ពី​ខាង​ស្រី​ផង ខាង​ប្រុស​ផង ឬ​មិន​ដឹង​មូលហេតុ​ពិត​ប្រាកដ។ ចំពោះ​ប្រុសៗ​វិញ អាច​ពាក់ព័ន្ធ​នឹង​ទម្លាប់​អាក្រក់​មួយ​ចំនួន នេះ​តាម​ការ​អះអាង​របស់​វេជ្ជបណ្ឌិត ចាន់ ស៊ីណេត ឯកទេស​ជំងឺ​ទូទៅ។

១- ផឹកស្រា

ផឹក​ស្រា​ច្រើន បង្ក​ផល​ប៉ះពាល់​សុខភាព​ច្រើន​ណាស់ ទាក់ទង​នឹង​ផ្លូវ​ភេទ​វិញ ផឹក​ស្រាធ្វើ​ឲ្យ​អ័រម៉ូន​តេស្តូតេរ៉ូន​ធ្លាក់​ចុះ ​នាំ​ឲ្យ​កើន​ឡើង​ការ​ប្រឈម​ជា​មួយ​បញ្ហា​លិង្គ​មិន​ឡើង​រឹង។

២- ជក់បារី

ជក់​បារី​ក៏​ជា​មូលហេតុ​នាំ​ឲ្យ​គ្មាន​កូន​ដែរ ថែម​ទាំង​ប៉ះពាល់​ដល់​សុខភាព​ច្រើន​មុខ​ទៀត អ៊ីចឹងហើយ​ប្រុសៗ​ត្រូវ​តែ​កុំជក់​បារី ឬ​ផ្តាច់​បារី​ឲ្យ​បាន។

៣- ប្រើថ្នាំញៀន

ថ្នាំ​ញៀន​ប៉ះពាល់​ដល់​ប្រព័ន្ធ​ប្រសាទ ប្រុសៗ​ប្រើ​ថ្នាំ​ញៀន ធ្វើ​ឲ្យ​ពិបាក​មាន​កូន ព្រោះ​គ្មាន​មេ​ជីវិត ឬ​មេ​ជីវិត​ខ្សោយ។

៤- ក្រ​ចូល​គេង

ប្រុសៗ​គេង​មិន​គ្រប់​គ្រាន់ ឬ​ចូល​គេង​យប់​ជ្រៅ​ពេក ធ្វើ​ឲ្យ​មាន​បញ្ហា​ស្មុគស្មាញ​កើន​ឡើង និង​អាច​ប៉ះពាល់​ដល់​មេជីវិត។

អត្ថបទពាក់ព័ន្ធ៖

៥- ប្រើថ្នាំច្រើន

ជា​ទូទៅ​ថ្នាំ ប្រើសម្រាប់​ព្យាបាល​ជំងឺ តែ​ក៏​អាច​ធ្វើ​ឲ្យ​ប៉ះពាល់​ដល់​សុខភាពដែរ ប្រសិន​បើ​ប្រើមិន​បាន​ត្រឹមត្រូវ​តាម​វេជ្ជបញ្ជា​របស់​គ្រូពេទ្យ។ នេះ​ហើយ​ជា​កត្តា​ធ្វើ​ឲ្យ​ប៉ះពាល់​ដល់​ការ​មានកូន។

ថ្នាំជំនួយសុខភាពផ្លូវភេទ
ថ្នាំជំនួយសុខភាពផ្លូវភេទ_

៦- សាប់ខ្លាំងពេក

ការ​បញ្ចេញ​ទឹក​កាម​ញឹក​ញាប់​ពេក ស្ទើរ​រាល់​ថ្ងៃ ក៏​ធ្វើ​ប៉ះពាល់​ដល់​គុណភាព និង​បរិមាណ​មេ​ជីវិត។ គ្រូពេទ្យ​ណែនាំ​ឲ្យ​រួមភេទ ២-៣ ដង/សប្តាហ៍ ប៉ុណ្ណោះ​ទើប​មេ​ជីវិត​ល្អ មាន​គ្រប់​គ្រាន់​សម្រាប់​បង្ក​កំណើត។

៧- ស្ត្រេស​ខ្លាំង​ពេក

ចំណែក​បញ្ហា​ស្រ្តេស អាច​បណ្ដាល​ឲ្យ​មាន​អតុល្យភាព​អ័រម៉ូន​នៅ​ក្នុង​ខ្លួន បាត់​បង់​ចំណង់​លើ​គ្រែ ឯ​គុណភាព​មេ​ជីវិត​ចុះ​ខ្សោយ ឯ​លទ្ធភាព​បង្ក​កំណើត​ក៏​ថយ​ចុះ​ទៅ​តាម​នោះ​ដែរ។

៨-ស្លៀក​ខោរឹបពេក

ការ​សិក្សា​ជា​ច្រើន​បង្ហាញ​ថា ប្រុសៗ​ដែល​ចូល​ចិត្ត​ស្លៀក​រឹបៗ​ខ្លាំង​ពេក​អាច​ប៉ះពាល់​ដល់គុណភាព​មេ​ជីវិត។

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

រូបថត​របស់​អ្នក​និពន្ធbadge
ដោយ ដេត ធន្នី កែសម្រួល​ចុងក្រោយ 19/07/2019
ត្រួតពិនិត្យដោយ វេជ្ជ. ចាន់ ស៊ីណេត