គ្រប់គ្នាសុទ្ធតែចង់បានរូបរាងស្អាត មុខស្អាត ចុះបើមុខស្អាត រាងស្អាត តែធ្មេញខ្មៅ ធ្មេញលឿង ញញឹមទៅច្បាស់ជាបាត់បង់ភាពទាក់ទាញអស់ហើយ។ សូម្បីតែខ្លួនយើងផ្ទាល់ ក៏បាត់បង់ទំនុកចិត្តលើខ្លួនឯងដែរ។ បើចង់បានធ្មេញស្អាត ត្រូវដឹង អាហារ ទម្លាប់អាក្រក់អីខ្លះ ធ្វើឲ្យខូចធ្មេញ និងវិធីថែរក្សាធ្មេញឲ្យសស្អាតទាំងនេះសិន។
ចង់ចាកចេញពី Hellokrupet?
ប្រាកដហើយថា អ្នកចង់ចាកចេញ?
តើអ្នកបារម្ភពីអ្វី?
មិនត្រឹមត្រូវ
ពិបាកយល់
ផ្សេងៗ
ចង់បានធ្មេញសស្អាត ត្រូវកែទម្លាប់អាក្រក់ទាំងនេះជាមុន
១- អាហារភេសជ្ជៈធ្វើឲ្យធ្មេញស្រអាប់
– អាហារ និងផ្លែឈើផ្ទុកជាតិអាស៊ីដ៖ អាហារប្រភេទនេះ មិនល្អសម្រាប់ធ្មេញទេ ដូចជា ញ៉ាំក្រូចឆ្មារច្រើនពេក ឬអាហារដែលមានទឹកខ្មេះ នឹងបំផ្លាញធ្មេញរបស់យើង។ ជាតិអាស៊ីដ ក្នុងអាហារ និងផ្លែឈើទាំងនេះ អាចបំផ្លាញកាចាធ្មេញ និងធ្វើឲ្យធ្មេញឡើងលឿង។
– ភេសជ្ជៈត្រជាក់ៗ៖ ភេសជ្ជៈត្រជាក់ ដូចជា តែ ឬកាហ្វេ ក៏ធ្វើធ្មេញប្រែទៅជាស្រអាប់ដូចគ្នា។ ជាតិតានីន (ប៉ូលីហ្វេណុលអាស៊ីដ) មាននៅក្នុងកាហ្វេ ជាមូលហេតុចម្បង ធ្វើឲ្យធ្មេញប្រែពណ៌។ ដំណោះស្រាយ ត្រូវប្រើទុយោពេលផឹកកាហ្វេ កុំប្រើមាត់ផ្ទាល់។
– ចំណីផ្អែម៖ របស់ផ្អែមៗ ដូចជា នំ Cookie ស្ករគ្រាប់ សុទ្ធតែមិនល្អចំពោះសុខភាពធ្មេញ។ ជាតិស្ករនឹងជាប់លើធ្មេញយើង ហើយធ្វើឲ្យបាក់តេរីងាយលូតលាស់ បន្ទាប់មកបាក់តេរី នឹងបញ្ចេញជាតិអាស៊ីដទៅបំផ្លាញធ្មេញ នាំឲ្យធ្មេញឡើងខ្មៅ និងស៊ីធ្មេញយើងរហូតដល់មានប្រហោង។
– ភេសជ្ជៈផ្អែម៖ ជាតិស្ករមានក្នុងភេសជ្ជៈ ដូចជា ទឹកក្រូចឆ្មារ ឬទឹកក្រូច ក៏អាចបំផ្លាញធ្មេញយើង ដូចគ្នានឹងជាតិស្ករក្នុងស្ករគ្រាប់ និងនំ cookies ដែរ។
– ស្រាក្រហម និងស្រាស។
២- ទម្លាប់អាក្រក់ធ្វើឲ្យធ្មេញស្រអាប់
– មិនថែទាំធ្មេញ
– ប្រើថ្នាំជក់ ឬជក់បារី។
អត្ថបទពាក់ព័ន្ធ៖
- កុំចេះតែមិនអី! បារីបំផ្លាញមាត់ធ្មេញសាហាវណាស់
- គួរប្រើទឹកខ្ពុរមាត់អត់? បើប្រើមានប្រយោជន៍អីខ្លះ?
៣- វិធីថែទាំងធ្មេញកុំឲ្យស្រអាប់
– ចៀសវាងញ៉ាំអាហារ និងភេសជ្ជៈ ដូចរៀបរាប់ខាងលើ
– ប្រើទុយយោពេលផឹកកាហ្វេ តែ ឬទឹកក្រូច ព្រោះអាចកាត់បន្ថយភេសជ្ជៈទាំងនោះ មិនឲ្យទៅប៉ះផ្ទាល់ជាមួយធ្មេញ
– ប្រើទឹកខ្ពុរមាត់ប្រឆាំងបាក់តេរី ដើម្បីជួយធ្វើឲ្យធ្មេញស ព្រោះបើសម្អាតធ្មេញមិនបានល្អ ធ្មេញនឹងឡើងកំបោរ ងាយស្រអាប់ដោយសារអាហារយើងញ៉ាំចូលទៅ
– ត្រូវឈប់ជក់បារី ឬថ្នាំជក់។
៤- អាហារមិនធ្វើឲ្យធ្មេញស្រអាប់
– ផ្លែឈើដែលមានជាតិសរសៃ ដូចជា ផ្លែប៉ោម ឬផ្លែស៊េរី អាចជួយធ្មេញឲ្យស ព្រោះជាតិសរសៃក្នុងផ្លែឈើទាំងនោះ អាចជម្រុះកាកសំណល់ជាប់លើធ្មេញ ពេលយើងទំពាម្តងៗ ប៉ុន្តែយ៉ាងណា ពេលញ៉ាំហើយ នៅតែត្រូវដុសធ្មេញមុនចូលគេង។
– ម្សៅBaking soda៖ ដុសធ្មេញជាមួយ Baking soda ប៉ុន្តែមិនត្រូវប្រើវារាល់ថ្ងៃទេ ព្រោះជាតិកាត់ក្នុង Baking soda អាចបំផ្លាញកាចាធ្មេញបាន។
– ផឹកទឹកច្រើនមិនមែនគ្រាន់តែជួយរាងកាយមានជាតិទឹកគ្រប់គ្រាន់ប៉ុណ្ណោះទេ ថែមទាំងជួយរក្សាសុខភាពមាត់ធ្មេញ និងអញ្ចាញផងដែរ។
– គ្រាប់ធញ្ញជាតិ មានផ្ទុកជាតិប្រូតេអ៊ីន អាចពង្រឹង និងការពារធ្មេញឲ្យរឹងមាំ។
គណនា BMI
ប្រើរង្វាស់សុខភាពBMI ដើម្បីគណនារាងកាយ ទម្ងន់ និងកម្ពស់សមសួន និងសុខភាពល្អ
ប្រុស
ស្រី
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ប្រភព
Which food actually stain your teeth – http://greatist.com/grow/foods-that-stain-teeth Assessed December 28, 2016
Tips to Keep Your Teeth Stain-Free http://www.webmd.com/oral-health/healthy-mouth-15/beautiful-smile/stains-teeth Assessed December 28, 2016