ការបង្ករោគលើផ្លូវទឹកនោមក្រោយមករដូវរួច អាចប៉ះពាល់ដល់ផ្នែកផ្សេងៗនៃប្រព័ន្ធទឹកនោម។ ពិតណាស់ ថ្វីត្បិតតែការបង្ករោគជាធម្មតា កើតឡើងនៅផ្នែកខាងក្រោមនៃបំពង់ទឹកនោម ប្លោកនោម និងបង្ហួរនោម ប៉ុន្តែពេលខ្លះក៏អាចបង្កគ្រោះថ្នាក់ដល់តម្រងនោមរបស់យើងផងដែរ ហើយក្នុងករណីដែលមិនព្យាបាលទេនោះ ការបង្ករោគអាចរាលដាលដល់តម្រងនោម និងប្រព័ន្ធតម្រងនោម ដែលអាចបណ្ដាលឲ្យមានផលវិបាកធ្ងន់ធ្ងរ។

ចង់គណនា BMR ចុចទីនេះ !

ចង់គណនារង្វាស់ចង្វាក់បេះដូង ចុចទីនេះ !

ចងពិនិត្យជំងឺសរសៃឈាមបេះដូង ចុចទីនេះ !

មូលហេតុនៃការបង្ករោគលើផ្លូវទឹកនោមក្រោយមករដូវ

លោកវេជ្ជបណ្ឌិតSanjay Garg អ្នកប្រឹក្សាយោបល់ផ្នែកផ្លូវមូត្រ ប្រចាំមន្ទីរពេទ្យManipal បានឲ្យដឹងថា ការបង្ករោគលើផ្លូវទឹកនោម ក្រោយមករដូវរួច កើតឡើងដោយសារតែវត្តមានរបស់ពពួកបាក់តេរីក្នុងផ្លូវទឹកនោមតាមរយៈបង្ហួរនោម ដែលលាតសន្ធឹងដល់ប្លោកនោម។ ប៉ុន្តែ ស្រីៗយើងប្រឈមនឹងហានិភ័យជាក់លាក់ទាក់ទងនឹងយេនឌ័រខ្ពស់ភាគច្រើន។ ជាទូទៅ ការឆ្លងមេរោគជាក់លាក់ រួមមានការបង្ករោគក្នុងប្លោកនោមដោយសារតែបាក់តេរីទូទៅ ឬបាក់តេរីE.coli នៅក្នុងផ្លូវក្រពះពោះវៀន និងជំងឺរលាកបង្ហួរនោម ឬការឆ្លងមេរោគបង្ហួរនោម។

ទន្ទឹមនឹងនេះដែរ អនាម័យមិនល្អអំឡុងពេលមករដូវ និងការប្រើប្រាស់សំឡីអនាម័យដែលគ្មានគុណភាព ក៏អាចបណ្ដាលឲ្យមានការឆ្លងមេរោគដូចគ្នា។ បន្ថែមពីនេះ ការអស់រដូវ និងការប្រើប្រាស់ថ្នាំពន្យារកំណើត ក៏បង្កើនហានិភ័យនៃការបង្ករោគលើផ្លូវទឹកនោម។ កត្តាហានិភ័យទូទៅផ្សេងទៀត រួមមានភាពមិនប្រក្រតីនៃផ្លូវទឹកនោម ឬការស្ទះដោយសារក្រួសតម្រងនោម ឬក្រពេញប្រូស្តាតរីកធំ ប្រព័ន្ធភាពស៊ាំចុះខ្សោយដោយសារតែបញ្ហាសុខភាពដែលមានស្រាប់។

អត្ថបទគួរអាន៖

រោគសញ្ញាដំបូងនៃការបង្ករោគលើផ្លូវទឹកនោម

ការបង្ករោគលើផ្លូវទឹកនោមមានរោគសញ្ញាតិចតួច និងប្រែប្រួលអាស្រ័យលើបរិវេណដែលឆ្លងមេរោគនៅក្នុងផ្លូវទឹកនោម។
រោគសញ្ញាដំបូងៗ ដោយសារតែការរលាក រួមមានសម្ពាធនៅក្នុងឆ្អឹងអាងត្រគាក និងមានអារម្មណ៍ក្រហាយនៅពេលនោម នោមញឹកញាប់ និងមានបរិមាណតិចតួច។គួរប្រុងប្រយ័ត្នចំពោះភាពមិនប្រក្រតីនៃទឹកនោម ដូចជាទឹកនោមល្អក់ មានពណ៌ក្រហម ត្នោត ឬផ្កាឈូក ក្រោយមករដូវរួច។
ស្ត្រីដែលឈឺចាប់នៅតំបន់អាងត្រគាកតែម្ដង។

វិធីសាស្ត្រ៤យ៉ាង ការពារការបង្ករោគលើផ្លូវទឹកនោម ក្រោយមករដូវ

ញ៉ាំទឹកឲ្យបានគ្រប់គ្រាន់យ៉ាងតិច ៨កែវក្នុងមួយថ្ងៃ និងកាត់បន្ថយការញ៉ាំភេសជ្ជៈដែលមានជាតិកាហ្វេអ៊ីន និងហឹរនៅពេលមករដូវ។
ផ្លាស់ប្ដូរសំឡីអនាម័យជារៀងរាល់ ៤ម៉ោងម្ដង
ជៀសវាងស្លៀកសំលៀកបំពាក់តឹងពេក និងគួរជ្រើសរើសសំលៀកបំពាក់ដែលធ្វើពីកប្បាសជំនួសវិញ។
វិធីសាស្ត្រពន្យារកំណើតមួយចំនួន អាចបង្កើនហានិភ័យនៃការបង្ករោគលើផ្លូវទឹកនោមចំពោះស្ត្រី ហេតុនេះហើយ ស្រីៗយើងគួរតែពិគ្រោះយោបល់ជាមួយនឹងគ្រូពេទ្យជាមុន ក្នុងការជ្រើសរើសវិធីពន្យារកំណើតណាមួយ។

ចំណុចសំខាន់

ដើម្បីបង្ការការបង្ករោគលើផ្លូវទឹកនោម ក្រោយមករដូវរួច គ្នាយើងគួរ៖

ញ៉ាំទឹកឲ្យបានគ្រប់គ្រាន់យ៉ាងតិច៨កែវក្នុងមួយថ្ងៃ និងកាត់បន្ថយការញ៉ាំភេសជ្ជៈដែលមានជាតិកាហ្វេអ៊ីន និងហឹរនៅពេលមករដូវ។
ផ្លាស់ប្ដូរសំឡីអនាម័យជារៀងរាល់៤ម៉ោងម្ដង
ជៀសវាងស្លៀកសំលៀកបំពាក់តឹងពេក និងជ្រើសរើសសំលៀកបំពាក់ដែលធ្វើពីកប្បាសជំនួសវិញ។
វិធីសាស្ត្រពន្យារកំណើតមួយចំនួន អាចបង្កើនហានិភ័យនៃការបង្ករោគលើផ្លូវទឹកនោមចំពោះស្ត្រី ហេតុនេះហើយ ស្រីៗយើងគួរតែពិគ្រោះយោបល់ជាមួយនឹងគ្រូពេទ្យជាមុន ក្នុងការជ្រើសរើសវិធីពន្យារកំណើតណាមួយ។

គន្លឹះ៤យ៉ាង ការពារខ្លួនពីការបង្ករោគលើផ្លូវទឹកនោម ក្រោយមករដូវ

មូលហេតុ​​​នៃ​​ការ​បង្ក​រោគ​លើ​ផ្លូវ​ទឹក​នោម​ក្រោយ​មក​រដូវ​

រោគសញ្ញា​​ដំបូង​នៃ​ការ​បង្ក​រោគ​លើ​​ផ្លូវ​ទឹក​នោម

វិធីសាស្ត្រ​​៤​យ៉ាង ការពារ​ការ​បង្ក​រោគ​លើ​ផ្លូវ​ទឹក​នោម​ ក្រោយ​មក​រដូវ​

ចំណុចសំខាន់

មូលហេតុនៃការបង្ករោគលើផ្លូវទឹកនោមក្រោយមករដូវ

រោគសញ្ញាដំបូងនៃការបង្ករោគលើផ្លូវទឹកនោម

វិធីសាស្ត្រ៤យ៉ាង ការពារការបង្ករោគលើផ្លូវទឹកនោម ក្រោយមករដូវ