ការបង្ករោគក្នុងតម្រងនោម ជាប្រភេទនៃការបង្ករោគលើផ្លូវទឹកនោមធ្ងន់ធ្ងរ។ ពិតណាស់ ការបង្ករោគនេះ កើតឡើងនៅពេលដែលបាក់តេរីឆ្លងចូលទៅក្នុងផ្លូវទឹកនោម រាលដាលដល់ប្លោកនោម និងបន្តរាលដាលដល់តម្រងនោមម្ខាង ឬទាំងសងខាង។
តម្រងនោមជាសរីរាង្គសំខាន់ក្នុងរាងកាយ ព្រោះវាមានតួនាទីចាប់យកកាកសំណល់ និងបណ្ដេញកាកសំណល់ ព្រមទាំងជាតិពុលចេញមកក្រៅតាមទឹកនោម។ ជាក់ស្ដែង យើងអាចមានរោគសញ្ញានៃការបង្ករោគក្នុងតម្រងនោមភ្លាមៗ នៅរយៈពេល២ម៉ោងក្រោយតម្រងនោមឆ្លងមេរោគ។ ជាទូទៅ ការបង្ករោគក្នុងតម្រងនោមកើតឡើងនៅពេលដែលបាក់តេរីកើនឡើង និងមិនបានទទួលការព្យាបាលទាន់ពេលវេលា។
