ស្រីៗយើងតែងតែយកចិត្តទុកដាក់ចំពោះការថែទាំស្បែក ដោយការលាងសម្អាតមុខ លាបក្រែមផ្ដល់សំណើម ឬឡេការពារកម្ដៅថ្ងៃ។ ពិតណាស់ ស្បែកគឺជាសរីរាង្គដ៏ធំបំផុតនៅក្នុងរាងកាយ ដែលមានតួនាទីការពាររាងកាយពីជាតិពុល និងធាតុចម្លែកផ្សេងៗ។ ការគេងគ្រប់គ្រាន់មានសារសំខាន់ណាស់ចំពោះសុខភាព រួមទាំងស្បែកផងដែរ។ ដូច្នេះហើយ ប្រសិនបើស្រីៗយើងចង់បង្កើនសុខភាពរាងកាយ និងស្បែក ចូរព្យាយាមគេងឲ្យបានគ្រប់គ្រាន់។

យ៉ាងណាមិញ ផលប៉ះពាល់នៃការគេងមិនគ្រប់គ្រាន់ចំពោះសុខភាពសម្រស់មានដូចខាងក្រោម។

១. កើតមុន

យោងតាមការស្រាវជ្រាវបានបង្ហាញថា ការគេងមិនគ្រប់គ្រាន់ អាចបណ្ដាលឲ្យកើតមុន។ ជាទូទៅ ការអស់កម្លាំងនៅពេលភ្ញាក់ពីគេងក៏មានទំនាក់ទំនងយ៉ាងខ្លាំងជាមួយនឹងបញ្ហាមុនដូចគ្នា។ មួយវិញទៀត ស្រ្តេសគឺជាកត្តាមួយដែលរួមចំណែកនៃការកើតមុន ហើយនៅពេលដែលយើងស្រ្តេស រាងកាយនឹងផលិតអ័រម៉ូនCortisol និងប្រូតេអ៊ីនរលាក។ ការគេងមិនគ្រប់គ្រាន់ អាចធ្វើឲ្យកើនឡើងកម្រិតអ័រម៉ូនCortisol ដែលធ្វើឲ្យប៉ះពាល់ដល់ប្រព័ន្ធភាពស៊ាំ និងបង្កជាបញ្ហាស្បែក ឬជំងឺផ្សេងៗ។

២. រង្វង់ភ្នែកខ្មៅ

ជាមួយគ្នានេះដែរ ការគេងមិនគ្រប់គ្រាន់ ក៏អាចធ្វើឲ្យយើងមានភាពនឿយហត់ខ្លាំង ព្រមទាំងមានស្នាមដក់ក្រោមភ្នែក ក៏ដូចជារង្វង់ភ្នែកខ្មៅ។ ការដក់នេះ បណ្ដាលមកពីការរក្សាសារធាតុរាវនៅក្នុងជាលិកាទន់នៅបរិវេណជុំវិញភ្នែក។ រង្វង់ភ្នែកខ្មៅកើតឡើងជាទូទៅនៅពេលព្រឹក ឬបន្ទាប់ពីយើងញ៉ាំអាហារប្រៃ។

៣. ស្បែកឆាប់ចាស់

ការគេងបានតិចតួចក៏អាចធ្វើឲ្យលេចឡើងនូវស្បែកចាស់ជ្រីវជ្រួញ។ នៅពេលដែលស្រីៗយើងគេងបានតិច ស្បែករបស់យើងមិនអាចរក្សាជាតិទឹកបានច្រើនឡើយ។ ការបាត់បង់ជាតិទឹកខ្ពស់នេះ នឹងធ្វើឲ្យរនាំងការពារស្បែកទៅជាខ្សោយ។ ដោយសារតែស្បែកមានសមត្ថភាពជួសជុលខ្លួនឯង ស្រីៗដែលគេងបានគ្រប់គ្រាន់ មានរនាំងការពារស្បែកល្អជាងស្រីៗដែលគេងមិនបានគ្រប់គ្រាន់ដល់ទៅ៣០%។ លើសពីនេះ អ្នកដែលគេងបានគ្រប់គ្រាន់ ក៏អាចជាសះស្បើយពីស្នាមក្រហមនៅលើផ្ទៃមុខ ដែលបណ្ដាលមកពីពន្លឺអ៊ុលត្រាវីយូថែមទៀតផង។

ការគេង

ការគេងបានគ្រប់គ្រាន់ជួយធ្វើឲ្យស្បែកមានសុខភាពល្អ

ការបង្កើនគុណភាព និងរយៈពេលគេងអាចជួយកាត់បន្ថយមុន និងបញ្ហាស្បែកដទៃទៀតបានយ៉ាងមានប្រសិទ្ធភាព។ ទន្ទឹមនឹងនេះដែរ ចូររៀបចំបរិយាកាសនៃការគេងឲ្យមានភាពត្រជាក់ស្រួល ងងឹត និងគ្មានសំឡេងរំខាន។ ស្រីៗយើងគប្បីអនុវត្តសកម្មភាពបែបលំហែអារម្មណ៍នៅពេលល្ងាច ដូចជាអានសៀវភៅ ឬហាត់យូហ្គាជាដើម។ ជាមួយនឹងការគេងលក់ស្កប់ស្កល់ និងគ្រប់គ្រាន់ គ្នាយើងច្បាស់ជាទទួលបានភាពស្រស់ស្អាតដែលនឹកស្មានមិនដល់ជាមិនខាន។

១. ​កើត​មុន​

២. ​​រង្វង់​ភ្នែក​ខ្មៅ​

៣. ស្បែក​​ឆាប់​ចាស់​

​​ការ​គេង​បាន​គ្រប់គ្រាន់​ជួយ​ធ្វើ​ឲ្យ​ស្បែក​មាន​សុខភាព​ល្អ​

១. កើតមុន

២. រង្វង់ភ្នែកខ្មៅ

៣. ស្បែកឆាប់ចាស់

ការគេងបានគ្រប់គ្រាន់ជួយធ្វើឲ្យស្បែកមានសុខភាពល្អ